Slideri Kryesor

Në takimin me veteranë me rastin e ditës së dëshmorëve: (minuta 14:00 deri në fund). 

Eni, Enel, Sky, Mediaset, Tim, Vodafone, Wind Tre, Fastëeb, Intesa SanPaolo, Unicredit, Poste Italiane, Ntv, Trenitalia nuk pritet të sjellin më punë në Shqipëri. Ato janë angazhuar me qeverinë italiane, që 80% të kontratave të reja t’i japin tek të tretët në Itali. Nga Italia ka ardhur goditja finale për call center. 13 kompani të mëdha kanë firmosur sot një protokoll mirëkuptimi me kryeministrin italian Paolo Gentiloni dhe ministrin e zhvillimit ekonomik Carlo Calenda.

Për zgjedhjet parlamentare përfliten gjithfarë skenarësh që shkojnë nga bojkoti te shtyrja, por presidenti i Republikës duket se është i qartë: zgjedhjet do të zhvillohen në datë. Ai ka zhvilluar një takim me anëtarë të Kolegjit Zgjedhor ndaj të cilëve ka apeluar për zbatim të ligjit. 
“Me rëndësi veprimtaria e Kolegjit Zgjedhor. Trajtoni me korrektësi konfliktet që do paraqiten. Kolegji Zgjedhor duhet t’i qëndrojë kushtetutës dhe ligjeve”, citohet të jetë shprehur Presidenti Bujar Nishani.

Qeveria e Isa Mustafës në Kosovë do të përballet së shpejti me një mocion mosbesimi. Mediat kosovare shkruajnë se nismëtarja e mocionit, “Nisma për Kosovën” ka mbledhur 40 nënshkrimet e nevojshme, prej të cilave 8 firma u përkasin deputetëve të partive në pushtet. Kërkesa është depozituar sot dhe në zbatim të ligjeve dhe rregullores së Kuvendit, pritet mbledhja e Kryesia e Kuvendit që të vendosë dhe në harkun e 48 orëve thirret seanca e jashtëzakonshme.

Në vitin 2008, Shkupi zyrtar që drejtohej nga Nikolla Gruevksi, njohu Kosovën, ndërsa në vitin 2015, i njëjti pushtet votoi pro anëtarësimit të Kosovës në UNESCO. Gruevski iku nga pushteti i akuzuar si dikator, i korruptuar etj.. Por në prizmin e raporteve me shqiptarët në rajon ai nuk mund të quhet si problematik.

Sot, miku i shpallur i shqiptarëve, Zoran Zaev, duket se adopton tjetër qëndrim. Pas intervistës në Tv Kurir në Serbi, Zaev është pyetur nga Tv Prva për votën e Shkupit në një përpjekje të dytë të Prishtinës për anëtarësim në UNESCO.

Në Shqipëri është e vështirë të ndash seriozitetin nga komedia, mund të rrëshqasësh kollaj nga njëra te tjetra. Është si  puna e atij të papërmbajtshmit gaz në raste vakish, ku edhe pse është momenti për të respektuar zinë e tjetrit, ata që kanë shkuar per ngushëllim meken nga e qeshura pa e ditur as vetë arsyen.  

Kryeministri Edi Rama ka publikuar sot në konferencën për shtyp edhe disa të dhëna që sipas tij vijnë nga sondazhet që PS-ja zhvillon aktualisht. Ai ka bërë thirrje që edhe media të bëjë vetë sondazhe profesionale dhe mandej le të shohë vetë si qëndron puna me mendimin e qytetarëve. Sipas Ramës:

70% e qytetarëve mendojnë se kjo është një lojë(protesta dhe Çadra) për të mos lejuar zbatimin e reformës në drejtësi.

68% e shqiptarëve nuk duan shtyrjen e datës së zgjedhjeve.

Në Ballkan ka shenja të përkeqësimit të marrëdhenieve midis vendeve. Eshtë ky alarmi  që jep ministri i Jashtëm italian, Angelino Alfano teksa ka njoftuar se pikërisht për shkak të këtyre tensioneve do të zhvillojë një takim të ministrave të Jashtëm të Ballkanit në 27 maj. “Zhvillimet shqetësuese në Maqedoni dhe kriza e zgjatur politike në Shqiperi janë shenja serioze të përkeqësimit të marrëdhënieve ndërmjet vendeve të Ballkanit Perendimor”- deklaroi Alfano.

Sot kryetari i Partisë Socialiste Edi Rama ka dalë sot para mediave që të flasë për krizën aktuale. Në asnjë rast Rama nuk ka folur në cilësinë e kryeministrit, duke u përqendruar te strategjitë partiake reciproke. Ai ka hedhur poshtë përgjegjësitë për krizën, duke theksuar se zgjedhjet i garanton ligji. 

Kreu i ri i Parlamentit të Maqedonisë, deputeti shqiptar, Talat Xhaferi, ka bërë sot lëvizjen e parë drejt rinegociimit për krijimin e qeverisë së re. Mediat e vendit fqinj bëjnë me dije, se Xhaferi, vendimi për zgjedhjen e të cilit thuhet se do të publikohet në fillim të javës në Fletoren Zyrtare, i ka dërguar një letër presidentit të vendit, Gjorge Ivanov, përmes të cilës e njofton për krijimin e shumicës parlamentare.