Slideri Kryesor

Raportimi i ministres së Kulturës, Mirela Kumbaro në Komisionin e Medias dhe të Arsimit, nxori në dritë se ndërtimin rehabilitues, rikonstruktues, përshtatës etj., në Butrint e kryen kompania Hako dhe Agi Kons. Nuk dihet sesi do të veprohet më tej, por nga një raportim në Report TV, u përfol se çështja i ka kaluar prokurorisë, pasi asnjë nga kompanitë në fjalë nuk ka liçencë restaturimi.

http://www.respublica.al/2017/10/12/hako-dhe-agikons-ortak%C3%ABt-e-snac...

Hungaria bëri thirrje për integrimin sa më shpejtë të mundshëm të Ballkanit Perëndimor në BE  dhe NATO, teksa paralajmëroi se forca të tilla si Turqia dhe Kina po përpiqen të depërtojnë në rajon. "Përshpejtimi i procesit të pranimit është një garanci për vetë Europën"- tha ministri i jashtëm hungarez, Peter Szitzarto një konferencë të përbashkët për shtyp me zyrtarë nga Evropa Qendrore dhe Ballkani Perëndimor. "Nëse ka paqëndrueshmëri dhe tension në Ballkanin Perëndimor, rreziku do të jetë serioz për të gjithë Evropën"-theksoi ai.

Deklarimet e Hashim Thaçit, president i Kosovës, se atij iu premtuar anëtarësim i Kosovës në Këshillin e Europës, liberalizimi i vizave dhe mbështetje për aplikimin për në UNESCO, krijim i ushtrisë dhe njohje, nëse do të pranonte krijimin e Tribunalit Special, kanë provokuar reagime. Mediat kosovare shkruajnë se aktorët e huaj kanë hedhur poshtë se një Pazar i tillë ka ndodhur ndonjëherë dhe madje ambasadori britanik në Prishtinë, ka dalë nga salla, ndërkohë që Thaçi bënte këto deklarime.

Shumica e njësive vendore, ministri si ajo e Arsimit, e Jashtme, apo e Drejtësisë, nuk deklarojnë punonjësit e tyre në sistemin e sigurimeve shoqërore. Të paktën këtë shkruan sot gazeta “shqiptarja.com” sipas të cilës Kontrolli i Lartë i Shtetit, ka gjetur se rreth 55% e punonjësve të këtyre institucioneve shtetërore nuk janë deklaruar në sistem.

Në seancën dëgjimore të ministres së Kulturës Mirela Kumbaro në Komisionin e Medias u zbërthye në një farë mënyre i gjithë projekti që u kopsit me letra në fshehtësi dhe po në të njëjtën mënyrë filloi të ndërtohej në Butrint. 

Më poshtë po përcjellim videot e seancës së sotme në Komisionin e Medias ku ka qenë ministrja e Kulturës Mirela Kumbaro. Në videon e parë është debati në studion e Report TV ku kanë qenë pjesë arkeologë të njohur dhe gazetarë. Nga ky emision kanë dalë edhe akuza shumë të rënda për ministren Kumbaro, për shitje të monumenteve, për biznes. Sipas të dhënave që u sollën aty, çështja pritet të kalojë në prokurorinë speciale. Arkeoogu Neritan Ceka ka deklaruar se sknadalet me monumentet janë të shumta dhe sipas tij, ministrja është person për në prokurori.

Blendi Fevziu ka deklaruar sot në një intervistë për emisionin “Fakt” në “syri.net” se situate me krimin në Shqipëri është serioze në maksimum dhe po shqetëson seriozisht partnerët e vendit tonë. Fevziu ka zbuluar se të paktën dy shërbime partnere të Shqipërisë i kanë kërkuar atij si drejtues i emisionit “Opinion”, apo medias ku ai punon që të publikojë të dhënat se paratë e krimit në Hollandë po investohen në Shqipëri dhe se krimi shqiptar në Hollandë ka mbështetje nga njerëz me pushtet në Tiranë.

Çfarë i bashkon Këlcyrën, Himarën dhe Butrintin? Në pamje të parë asgjë, por në fakt i bashkojnë disa gjëra. Në të trija vendet po ndërtohet. Dhe këto ndërtime kanë sjellë përplasje. Në të trija rastet kërkohet ndërhyrje sipas ligjit dhe në të trija rastet ministrat, që janë disa përfaqësues të emëruar, kanë bërë gjyqtarin e faktit, pa patur asnjë tagër dhe në funksion të presionit mediatik e politik.

Rastësi apo jo, fakt është se kryeministri I Shqipërisë ndohet në një vizitë zyrtare në Itaii, ditën që “miku i tij Rexhep” ndodhet në Serbi dhe shpallte partneritetin me Serbinë. Do të duhet të presim njoftimet zyrtare apo të dhëna të tjera, por për aq sa shohim nga konferencat për shtyp, vizita e z. Rama në Romë nuk prodhon asgjë më shumë sesa një afirmim statistikor sesa miq jemi si popuj.

Ministrja e Kulturës, Mirela Kumbaro, ka dalë për herë të parë në një intervistë për News 24, për të sqaruar atë që po lejon të ndodhë në Butrint. Duke folur për situatën e krijuar në këtë Park Arkeologjik, ku sipas saj, ka probleme higjene dhe shitjesh pa kupon, ministria ndërhyri me një udhëzim për të stabilizuar situatën. Ministrja flet për studime, projekte, por nuk tregon asgjë nga ato. Ministrja flet për rehabilitim të një godine ekzsituese, me material të kthyeshme, dru dhe xham, e ndërkohë që jepte intervistën pamjet ilustruese ishin ato të betonierës që punonte në Park(minut 6).