Slideri Kryesor

Teatri i Kukullave të Tiranës, godinë që ndodhet në qendrën historike të kryeqytetit dhe që dikur ka qenë parlamenti i Shqipërisë do të kthehet në një Qendër Hebraike. Propozimi është bërë nga vetë kryebashkiaku Veliaj në mbledhjen e Këshillit Bashkiak, ku theksoi se ky projekt dhe ai për rindërtimin e Teatrit Kombëtar janë në fazë diskutimi. 

Plani i Veprimit për krijimin dhe funksionalizimin e një Zone Rajonale Ekonomike do të nisë të zbatohet në vitin 2023. Në kuadër të vendimeve të marra në Samitin e Triestes, më 31 tetor është zhvilluar në Bruksel takimi mes Këshillit të Bashkëpunimit Rajonal dhe Forumit të Dhomës së Investimeve të Ballkanit Perëndimor. 

Report Tv raporton se Prokuroria e Krimeve të Rënda ka kërkuar sekuestro preventive për resortin turistik “Santa Quaranta” në Sarandë dhe disa prona të tjera të familjes së Klemend Balialjt.

Ish-drejtori i Transporteve në Sarandë dyshohet p[ër trafik droge dhe është person i shpallur në kërkim. Sipas televizionit në fjalë prokuroria e ka bërë kërkesën për të bllokuar mundësinë e tjetërsimit të pronave të Balilajt dhe për këtë qëllim është kërkuar sekuestro edhe për prona të tjera.

Bullgaria dhe Maqedonia kanë nisur një etapë të re në marrëdhëniet shtetërore pas nënshkrimit në muajin gusht të Traktatit të Miqësisë. Në këtë kuadër duket se po hyn në rrugën e zgjidhjes edhe çështja e Kishës Orthodhokse të Maqedonisë e cila është rihapur pas një letre që kreu i KIshës Maqedonase i ka nisur kreut të Kishës Bullgare.

Gjatë një takimi mes dy kryeministrave, atij maqedonas Zoran Zaev dhe atij bullgar, Borissov, është folur edhe për këtë temë, ndonëse të dy kryeministrat kanë preferuar të deklarojnë se punët e kishës nuk duhen ngatërruar me ato të politikës.

Ministria e Brendshme pranoi zyrtarisht se aksioni për arrestimin e tre ish-drejtuesve të policisë të akuzuar për trafikim droge dhe lidhje me grupin e Habiljave dështoi. Në një deklaratë të saj thuhet specifikisht “Megjithë kontrollet e ushtruara në banesa dhe vendet ku dyshohej se mund të strehoheshin personat e mësipërm, nuk është bërë e mundur gjetja dhe ndalimi i tyre. 

Partia Demokratike fshehu pagesa prej më shumë se gjysmë milionë dollarë për një kompani lobimi në Uashington dhe dështoi të bënte transparencë në KQZ, ndërkohë që njëra prej transfertave rezulton të jetë bërë nga një kompanie guackë me aksionerë anonimë e regjistruar në parajsa fiskale. Në prag të fushatës elektorale për zgjedhjet parlamentare të 25 qershorit, Partia Demokratike e udhëhequr nga Lulzim Basha lidhi dy kontrata me lobistin  e saj në Uashington, ‘Stonington Strategies’, në mënyrë që të siguronte takime të nivelit të lartë me administratën e Presidentit Donald Trump.

Ngërçi politik në Gjermani për shkak të dështimit në formimin e një koalicioni qeverisës, të ashtuquajtura "Jamaica" (CDU / CSU, Die Gruenen, FDP), po e çon "lokomotivën" e Europës drejt një krizë të zgjatur, me frikën se kjo pasiguri do të përhapet në të gjithë Evropën.

Presidenti francez, Emanuel Macro tha që momentin e parë të dështimit të bisedimeve se "ngrirja e procesit politik në Gjermani nuk është në interesin e BE" pasi në fillim të dhjetorit udhëheqësit e Gjermanisë dhe Francës do të diskutojnë planet për arkitekturën e re të Europës.

Kryeministri Edi Rama ka qenë sot në Akademinë e Shkencave ku ka zhvilluar një takim me akademikët pas paralajmërimit për ndërprerje të financimit. Fjala e Edi Ramës i ngjante toneve nihilizuese që përdori në takimet me drejtorët e spitaleve dhe hipotekave. Etiketat nuk kanë munguar në këtë takim, ndonëse e drejta e fjalës iu është dhënë më pas edhe akademikëve. Nga ana e tyre këta të fundit kanë pranuar nevojën e reformimit, por nën një presion dhe në kushte dorëzimi të plotë para një qeverie që jo vetëm nuk e do këtë Akademi, por duket se edhe nuk e honeps ekzistencën e saj.

Gjykata Penale Ndërkombëtare në Hagë dënoi me burgim të përjetshëm ish-gjeneralin serb të Bosnjës, Ratko Mlladiç për krime kundër njerëzimit dhe gjenocid. Gjyqtarët kur lexuan vendimin theksuan se udhëheqësi i forcave serbe të Bosnjës "kontribuoi në mënyrë të konsiderueshme" për krimet e luftës të kryera në Srebrenicë dhe shtuan se Mlladiç ishte anëtar i një "ndërmarrje të përbashkët kriminale", e projektuar për të përndjekur  boshnjakët.

Emri i kryebashkiakut të Durrësit Vangjush Dako ka dalë në përgjimet e EULEX-it, gjatë kohës që kjo strukturë ka pasur nën përgjim persona të dyshuar për trafik të lëndëve narkotike në Durrës që bashkëpunonin me trafikantë nga Kosova.