Blloku Shkenca

Hëna, sateliti natyror i tokës, nuk ka patur këtë aks që ka sot. Disa shkencëtarë të Universitetit Southern Methodist në Dallas të SHBA-ve kanë zbuuar se 3 miliardë vjet më parë aksi i Hënës ndryshoi. Zbulimi i kryer pas vlerësimit të të dhënave të marra nga NASA, për identigikimin e hidrogjenitpolar të Hënës. Ky element, i detektuar nga instrumentet orbitale presupozohet se është në formë akulli, i fshehur nga Dielli, në kratere që qarkojnë polet jugorë dhe veriorë të Hënës. Ekspozimi i drejtpërdrejt ndaj Diellit do të të sillte shkrirjen dhe daljen e hidrogjenit në hapësirë.

Një ekip i universitetit të Ilinoisit pretendon se ka arritur të krijojnë kushtet për transmetim shumë të shpejtë të dhënash dhe pa gabime. Bëhet fjalë për 57 gigabit për sekondë në temperaturë dhome dhe 50 gogabit/sekondë deri në temratura 85 gradë Celcius. Ekipi i drejtuar nga profesoir i inxhinierisë kompjuterike Miton Feng është bazuar dhe ka shfrytëzuar tekonologjinë VCSEL – apo vertical-cavity surface-emitting laser, e cila konsiston në gjysmëpërçues lazer që emetojnë rreze drite vertikalisht nga sipërfaqja.

Pas vëzhgimeve shkencëtarët kanë krijuar ilustrimin e shpërthimit të një ylli. Kjo ndodh për herë të parë:

Pangolini, një gjitar që jeton në Afrikë dhe në Azi, rrezikon zhdukjen. I vetmi gjitar i veshur me mbrojtëse, e cila përballon edhe një goditje sëpate, pangolini ishte vitin e kaluar specja më e tregëtuar në Indi. Shkak është pikërisht zhgualli i tij që shërben për ta mbrojtur: gjahtarët e kapin, e zjejnë dhe i heqin zhguallin. I cili, siç thuhet shërben për krijimin e barnave tradicionale që kurojnë astmën, kancerin, si dhe shërbejnë si afrodiziakë. Në fakt asgjë nga këto nuk është e provuar.

Shkencëtarët në Massachusetts Institute of Technology në SHBA kanë kryer një studim nga i cili rezulton se pacientët që preken nga Alzheimer nuk e humbasin memorien, por thjesht nuk mund ta aksesojnë informacionin, i cili gjendet i depozituar në tru. Eksperiemnti u bë mbi minjë të prekur nga kjo sëmundje, te të cilët u vue re aftësia normale e krijimit të kujtimeve, por edhe paaftësia për t’i aktivizuar ato apo për t’i rithirrur si informacione. Studiuesit stimuluan kujtimet e tyre përmes një teknike të quajtur optogenetics, e cila ndihmon për thirrjen e tyre.

Dy matematikanë të Universitetit të Stanford në SHBA kanë zbuluar se numrat prim – të thjeshtë - nuk janë rastësorë. Në një punim të publikuar në “arXiv”, Robert Lemke Oliver dhe Kannan Soundararajan thonë se shifrat e fundit të numrave prim nuk janë rastësorë. P.sh në verifikimin e numrave të parë të shkallës së milionave, u vu re se numrat prim që mbaronin me “1” ndiqeshin nga një numër prim që mbaronte po me “1” në 18.5% të rasteve. Primët që mbaronin me “3” apo “7” ndiqeshin nga “1” 30% të rasteve dhe primët që mbarojnë me “9” ndiqen nga “1” në 22% të rasteve.

Europa dhe Rusia ndërrmorën misionin e përbashkët për të zbuluar  gjurmë jete në planetin Mars. Qëllimi i tyre është për të hedhur dritë mbi praninë e Metanit, nëse ai vjen nga burime gjeologjike apo biologjike. Raketa që mbante satelitin, e quajtur “Exo Mars” Trace Gas Orbiter (TGO) u lëshua nga Kozmodromi i Baikonurit në Kazakistan, në orën 09:31 minuta.  Asaj do t’i duhen të paktën 10 orë kohë për ta vendosur satelitetin në trajektoren e duhur, drejt planetit Mars dhe nje udhëtim prej 500 milionë kilometrash.

725 mijë njerëz të vdekur në një vit. Ky është bilanci i “luftës” së njeriut me mushkonjat, të cilat rezultojnë ndër vrasësit kryesorë në botë. Kryesisht për shkak të malarjes. Së fundmi në vëmendje ka ardhur “Zika” në Brazil dhe në Amerikën Latine, por sëmundjet që përhapen nga mushkonjat janë disa dhe përherë e më shumë kërcënuese. Në Europë, raporton “Reuters”, në 40 vitet e fundit kanë depërtuar gjashtë lloje të reja invazive mushkonjash, pesë nga cilat pas viti 1990.

Agjencia Europiane e Hapësirës ka publikuar disa foto të marra nga teleskopi Hubble që paraqesin vdekjen e një ylli që ka afërsisht masën e Diellit tonë. Është një dëshmi se çfarë do të ndodhë me yllin e vetëm të sistemit tonë pas afërishst 5 miliardë vjetësh, koha që llogaritet si fundi i shkëlqimit dhe çlirimit të nxehtësisë prej tij.  Një bërthamë që vijon të digjet për të përfunduar në xhuxh të bardhë, ky është fati i Diellit sipas shkencëtarëve. Konsumi energjetik çon në pulsim të parregullt.

Diagnostikimi i pranisë së një tumori te një njeri mund të ndryshojë radikalisht. Një mënyrë e re, që kushton 20 euro dhe jep përgjigje në vetëm 10 minuta, propozohet nga David Ëong i Universitetit të Los Angeles në SHBA. Testi do të bëhet përmes pështymës dhe është në gjendje të zbulojë fragmente ADN-je tumoriale që qarkullojnë në fluidet e trupit. Një biopsi e lëngshme, e cila i shtohet atyre që bazohen në studimin e gjakut. Kërkuesi në fjalë është shprehur se testi është provuar të jetë 100% i saktë dhe jep një diagnozë përfundimtare sapo tumori është zhvilluar.