Blloku Politikë

Seanca e sotme plenare e kuvendit u shoqërua me një replikë ta gjatë mes kryeministrit Rama dhe ish-kryeministrit Berisha. Debati kaloi edhe në plan personal dhe preku lidhjet e dy familjeve me regjimin diktatorial të Enver Hoxhës. Berisha tha se kishte re fuzuar të ishte mjek personal i Enver Hoxhës sepse kishte patur pasion punën në spital, ndërsa kryeministri Rama i kujtoi se të gjithë shqiptarët e dinë pasionin e tij për të qenë pranë udhëheqësve të bllokut dhe mënyrën sesi ai hyri në lëvizjen e dhjetorit dhe Partinë Demokratike.

I pyetur nga mediat lidhur me qëndrimet e dyzuara të shfaqura nga deputetët e LSI-së gjatë daljeve publike, Meta tha se qëndrimin zyrtar të LSI-së e mban ai vetë ose kryetari i grupit parlamentar, Petrit Vasili, duke lënë të nënkuptohet se kundërshtitë e Ylli Manjanit për draftin janë personale. Gjithsesi për punën e ngritjen e Byrosë së Hetimit Meta nuk suprizoi duke thënë se LSI nuk e voton draftin pa konsensusin e PD-së.

Atë që paralajmëroi ish-kryeministri Berisha se PD nuk do të votojë variantin e qeverisë për Byronë Kombëtare të Hetimit e konfirmoi edhe kryetari demokrat Lulzim Basha. Ai tha se varianti i miratuar në mbledhjen e qeverisë është në kundërshtim me atë që është dakortësuar në fillim edhe opozita.

Ka shumë diskutime për Byronë Kombëtare të Hetimit: Lulzim Basha u ngjir javën e kaluar duke kërkuar miratimin e saj sa më shpejt. Kryeministri Edi Rama deklaronte se "ajo do të miratohej në kuadër të reformës në drejtësi". Ligji ka shkuar në parlament dhe Sai Berisha, zëri kryesor i PD-së shkruan sot këtë status në Facebook, që është edhe qëndrimi i ri i opozitës, konkorduar me gjasë edhe me LSI-në: Shkruan Berisha vetëm pak ditë para se në Tiranë të vijë John Kerry: 

Dy deputetet socialiste Arta Dade dhe Mimoza Hafizi, të cilat kanë mbështetur qëndrimet e Ben Blushit për zhvillimin e zgjedhjeve për kryetar të Partisë Socialiste, i janë drejtuar me një letër kryetarit të Asamblesë së Partisë Socialiste, Gramoz Ruçi ku i kërkojnë  që në mbledhjen e Asamblesë para Kongresit të shtohen edhe dy pika që kanë të bëjnë me caktimin e datës për zhvillimin e votimit nga anëtarësia e partisë në shkallë vendi për zgjedhjen e kryeatrit të PS sipas parimit një anëtar një votë dhe paraqitja e platformave nga kandidatët për kryetar të Partisë Socoaliste.

Ardian Fullani ka kërkuar kthimin në detyrë si Guvernator i Bankës së Shqipërisë. Pasi fitoi betejën ligjore në të gjitha shkallët – në Gjykatën e Lartë pasi prokuroria nuk bëri rekurs – Fullani ka bërë një kallëzim për Bankën dhe Kuvendin e Shqipërisë për shkarkim të paligjshëm. Ai u arrestua në shtator të vitit 2014 për shpërdorim detyre pasi u konstatua vjedhja e 713 milionë lekëve. 

http://www.tematv.al/2016/02/10/fullani-kërkon-kthimin-në-detyrë-padit-bankën-e-shqipërisë

Pak ditë para vizitës së serkretarit amerikan të Shtetit, John Kerry, qeveria ka miratuar projektligjin për ngritjen e Byrosë së Hetimit. Fillimisht siç thuhet, kjo Byro do të jetë në varësi të Policisë së Shtetit dhe do të ketë në përbërje vetëm efektivë policie.
Vendimi është marrë në mbledhjen e sotme të qeverisë, ndërsa ende nuk ka një komunikim zyrtar për të. Varësia e kësaj Byroje është një nga pikat më të debatuara midis mazhorancës dhe opozitës.

Analisti Andrea Stefani në një replikë të botuar në gazetën "Dita" është shprehur kundër idesë së Servet Pëllumbit se zgjedhjet për kryetar të Partisë do të favorizonin një skenar përçarje të së majtës. Ai është pro qeverisë Rama, por kundër premisave që e shndërrojnë Partinë Socialiste një një forcë autoritare me pasoja të dëmshme për demokracinë e vendit. "E mira e vendit dhe e integrimit të Shqipërisë në BE, e do që stabiliteti i qeverisë Rama të ruhet me çdo kusht.

Gazeta “Dita” publikon sot një kabllogram të ambasadës amerikane, cilësuar si konfidencial, i cili përcjell një raportim të ish-shefit të Shtabit të Ushtrisë, Luan Hoxha, në këtë seli në qershor të vitit 2009. Kabllogrami cilëson dëshminë e Hoxhës,mku ai përfshin edhe Shkëlzen Berisha.

“Titulli: Ish-Shefi i Shtabit tregon historinë e tij: Gërdeci pretendon një viktimë tjetër

Datë: 20 qershor 2009

Dërguar: Nga Ambasada Amerikane në Tiranë

Merr: Departamenti Amerikan i Shtetit

Firmosur: Ambasadori Xhon Uidhers

Në një bisedë informale në Komisionin e Jashtëm, deputetja socialiste Arta Dade ka komentuar deklaratat e deputetit Pandeli Majko për zgjedhjen e kryetarit dhe kongresin e pritshëm, duke kujtuar një moment nga historia politike e Partisë Socialiste, kur Pandeli Majko nga Sekretar i Përgjithshëm kaloi kandidat për kryetar i Partisë Socialiste pas dorëheqjes së Fatos Nanos në vitin 1999. Në zgjedhjet e vitit 1999 në Partinë Socialiste, Pandeli Majko humbi shansin e artë për t’u zgjedhur kryetar i saj.