Blloku Politikë

Atmosfera që u pa dje në selinë e Partisë Socialiste për vizitën e dy ambasadorëve, nuk ishte e njëjta me atë që mbizotëroi në Partinë Demokratike. Ish0kryeministri Berisha mungoi, Jozefina Topalli la mbledhjen para kohe, ndërsa disa deputetë adresuan pyetje ndaj ambasadorëve. “A nuk do te ishte me mire qe investimi i BE dhe USA te ishte ne funksion te një reforme teresore ku drejtesia eshte vetem nje pjese e saj”- shtroi pyetjen deputeti Astrit  Patozi.

Ndonëse dy ditë më parë e quajti normale praninë e ambasadorëve të huaj në mbledhjen e grupit parlementar demokrat , ish-kryeministri Berisha nuk ka qenë i pranishëm sot  në takimin e deputetëve të opozitës me ambasadorët Lu e Vllahutin. Zëdhënësja e ish-kryeministrit sqaroi për mediat se Berisha ka patur takime konstante me ambasadorët dhe se sot ata janë takuar me deputetët e tjerë. Dy ditë më parë, ish-kryeministri Berisha e quajti Shqipërinë një vend anormal dhe paralajmëroi se nuk voton një draft për të cilin nuk sqarohet se mbi çfarë modeli është bazuar.

Gazeta Mapo ngre shqetësimin se një paisje përgjuese tepër e sofistikuar është instaluar prej më shumë se një muaji në zyrat e Drejtorisë së Përgjithshme të Policisë, duke vënë në alarm institucionet e sigurisë. Sipas saj  pajisja nuk rezulton e regjistruar në asnjë regjistër zyrtar apo dokument tjetër të institucioneve të Sigurisë. “Jo zyrtarisht policia thotë se kjo paisje përdoret për qëllime trajnimi të policisë së Shtetit.

Dy ambasadorët aktivë në Tiranë, ai i Shteteve të Bashkuara të Amerikës, Donald Lu dhe Romana Vlahutin e Bashkimit Europian, kanë marrë pjesë sot në mbledhjen e Grupit Parlamentar të Partisë Socialiste. “Jemi në një udhëkryq të pazakonshëm”, tha Donald Lu, ndërkohë që Vlahutin, e cilësoi prezencën e tyre në mbledhje si pjesë të dialogut dhe jo shkelje të sovranitetit. Nga ana e vet, kryeministri Edi Rama, ka synuar ta arsyetojë si të dobishëm prezencën e ambasadorëve në mbledhjen e Grupit Parlamentar të PS-së, duke shtuar madje se reforma në drejtësi është interes edhe i BE-së.

“Burime serioze, oficerë që janë në dijeni dhe që kanë qenë prezentë në aksion, dëshmojnë se Sajmir Tahiri ka folur me Emiliano Shullazin përmes telefonit të nëndrejtorit të policisë së Tiranës, Ermal Muça.Ky funksionar i policisë rezulton të jetë një nga personat e besuar për shumë paligjshmëri e trafiqe që bëhen me dijeninë dhe bekimin e Tahirit. Nëse prokuroria merr pamjet e dy muajve të fundit të lokalit ku ndodhi ekzekutimi i Elton Çiços, do të shohë se pothuajse çdo natë Ermal Muça dhe Qebini i doganave ishin në shoqërinë e viktimës.

Inspektorati Kombёtar i Mbrojtjes sё Territorit njoftoi vijimin e aksioneve të saj për prishjen e ndërtimeve pa leje nё Dhёrmi dhe Vuno ne kuadёr tё projektit pёr rehabilitimin e zonave muzeale. Pёr shkak tё terrenit, dy nga objektet e planifikuara janë prishur  me mjete dore. Ndërkaq nga një vëzhgim në terren vazhdon puna për ndërtimin e hotelit buzë detit në Qeparo në pronësi të vëllait të ish-deputetit Koço Kokëdhima. Për këtë ndërtim ka një padi nga PD në Gjykatë si ndërtim i paligjshëm, ndonëse Policia e quan ndërtim të ligjshëm.

Zbardhja e diskutimeve në mbledhjen e grupit parlamentar të Partisë Demokratike ka qartësuar disi edhe pozicionin që partia më e madhe e opozitës ka për reformën në drejtësi. Në PD ka një debat të brendshëm për cilësinë e draftit të ndërkombëtarëve që ndoshta reflekton edhe skepticizmin e ish-ministrave për qëllimin e vërtetë të reformës. Ndaj shumë prej tyre janë shprehur kundër draftit dhe pranisë së ambasadorëve Vllahutin e Donald Lu në mbledhjet e grupeve parlamentare.

Sot mediat raportuan se në mbledhjen e Grupit Parlamentar të Partisë Demokratike pati debate për shkak të pjesëmarrjes në të ambasadorit amerikan Donald Lu. Qarkulloi një informacion se Jozefina Topalli, ish-kryetare e Kuvendit dhe një politikane që nuk ndan të njëjtin qëndrim me Lulzim Bashën për mënyrën e sjelljes së opozitës, u përball me këtë të fundit.

Pas vërejtjeve që parashtroi një ditë më parë për draftin e reformës në drejtësi  Partia Demokratike sot ra dakord për të filluar diskutimet nen për nen të këtij drafti. “Vota jonë pro fillimit të procesit të amendamenteve, të diskutimeve nen për nen të amendamenteve Kushtetuese ashtu siç dhe u ra dakord në mbledhje, nuk duhet të interpretohet si një votë pro çështjeve politike, të cilat ekspertët e misionit të EURALIUS dhe OPDAT nuk i kanë marrë në trajtim”-tha nw deklaratwn e tij Eduard Halimi.

Koço Kokëdhima nuk është më deputet. Gjykata Kushtetuese ka vendosur t'i heqë mandatin duke i dhënë të drejtë ankesës së opozoitës se deputeti kishte papajtueshmeri, pasi kishte përfituar fonde publike. Vendimi është marrë paraditen e së hënës.  Parlamenti e dorëzoi kërkesën për papajtueshmërinë ose jo të mandatit të Kokëdhimës pasi Gjykata Kushtetuese e detyroi të respektonte procedurën kushtetuese. Fillimisht mazhoranca e refuzoi kërkesën e opozitës për ta çuar mandatin e Kokëdhimës në Kushtetuese. Por më pas opozita e ankimoi në këtë Gjykatë dhe ajo i dha të drejtë.