Blloku Politikë

Fredi Beleri ka marrë pjesë në ngjarjet e Peshkëpisë më 1994 dhe tani po dalin letrat. Ku një gazetë greke e vitit 1995, ku një hamendësim e të tjera e të tjera, si e si për të thënë se Kryeministri i Shqipërisë me burgosjen e tij ka bërë drejtësi të vonuar. Por e ka bërë ama.

Ky trajtim nuk synon Greqinë, sigurisht. Synon matufepsjen e opinionit këtu dhe kompleksimin e opozitës që e kandidoi, për të thënë se Berisha mbetet i njëjti. Mund ta akuzosh për çdo gjë.

Në një dalje sot për mediat, kryetari i Grupit Parlamentar të Partisë Socialiste, Bledi Çuçi, ndër të tjera tha:

Do të bashkëpunojë me atë opozitë që njeh gjykata, nuk është PS-ja që përcakton se kush do drejtojë PD-në

Në një shënim të publikuar sot në faqen e vet në Facebook, kryeministri i vendit, Edi Rama, ndër të tjera ka folur për reformën në drejtësi, që sipas tij i jep fund pandëshkueshmërisë 100 vjeçare në shtetin shqiptar.

Ka një përpjekje për ta transpozuar konfliktin për çështjen “Beleri” si përballje mes shqiptarëve dhe grekëve. Helenizmit dhe shqiptarisë. 

Ky dimension implikon vetiu edhe aspekte të sigurisë kombëtare duke ushqyer dhe kërkuar madje si kriter legjitimues një ligjërim nacionalist. Që është në fakt zhurmim propagandistik. 

Mjafton kjo nevojë politike për të provuar se pakkush beson se drejtësia mund ta zgjidhë e vetme çështjen. Madje pakkush ka dëshirë ta lërë atë të jetë çështje e drejtësisë. 

Ngurrimit të Francës për të mbështetur zgjerimit e BE-së mesa duket i ka ardhur fundi. Presidenti Emanuel Macron ka qenë skeptik që në mandatin e tij të parë në lidhje me pranimin e vendeve të Ballkanit Perëndimor në BE dhe ishte i pari që hodhi idenë e një “paradhome” të Unionit. Por kjo qasje ka ndryshuar gradualisht muajt e fundit.

Ky ndryshim është përcjellë përmes ministres franceze për Europën.

Partitë Popullore Europiane kanë reaguar sot për burgosjen e Fredi Belerit, duke bërë të vetën qëndrimin e Athinës se kryetari i zgjedhur i Bashkisë Himarë duhet të betohet. Teknikisht kjo do të thotë se çështja «Beleri» është ndërkombëtarizuar.

Mbi këtë qëndrim kryeministri Edi Rama ka dalë me një koment që duhet konsideruar edhe qëndrimi zyrtar i qeverisë së tij. Dhe argumenti është ai që pritej : institucionet që kanë ndaluar dhe gjykojnë Belerin janë krijuar nga ShBA dhe BE. 

Në fjalën e djeshme në Asamblenë e PS-së, kryeministri Rama ndër të tjera tha se: 

Kam përgjegjësi të madhe morale. Më të madhen pa diskutim. Përgjegjësia ime nuk është as të skuqem, as të kërkoj ndjesë apo të zmbrapsem pse dikujt që i besoj një punë e mbështes pa fund dhe atij i merr mendjen pushteti e paraja dhe tradhton besimin tim dhe tuajin, por edhe flamurin. Flamurin e të gjithë shqiptarëve por edhe atë të PS-së

Kryeministri Rama ka riformatuar kabinetin qeveritar. Rama bëri të ditur emrat e shtatë ministrave të rinj gjatë mbledhjes së Asamblesë së PS-së, duke surprizuar shumë prej atyre që dëgjuan emrin e vet. Rama ka shkarkuar 6 ministra dhe ka krijuar një ministri të re për bashkëpunimin e pushtetit qendror me atë vendor.

Kryeministri Rama lau duart me të gjitha skandalet e korrupsionit që kanë përfshirë qeverinë muajt e fundit, duke u shprehur që nuk mban përgjegjësi për ata që ua merr mendjen pushteti. Në mbledhjen e Asamblesë së Partisë Socialiste, Rama tha se partia nuk do t’i mbrojë ata që “hanë pas shpine”.  

Lulzim Basha mblodhi sot Kuvendin Kombëtar të fraksionit që drejton. Takimi i mbajtur në stadiumin « Asllan Rusi » shënoi sipas Bashës nisjen e ndërtimit të Partisë Demokratike moderne.

« Nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve! », shkroi Basha.