Blloku Politikë

Denar Biba është kryetari i ri i Komisionit Qendror të Zgjedhjeve. Ai u votua me 73 vota në Kuvendin e Shqipërisë kundrejt 22 vota të marra nga rivali i tij, Koli Bele. Biba vjen nga fusha e jurisprudencës, ai ka qenë zv.kryetar i KQZ-së në vitin 2013. Bashkë me anëtarë të tjerë të majtë, Biba bojkotoi komisionin pas vendimit të PS-së. 

Qeveria shpreson që progres-raporti i Nëntorit t'i hapë dritën jeshile për negociatat e anëtarësimit në Bashkimin Evropian, çka do të legjitimonte në çdo rast retorikën e kryeministrit për reforma që nuk janë parë në 25 vitet e fundit, ndonëse vendi përballet me probleme të drogës, kriminalitetit, papunësisë dhe për më tepër të përfshirjes së personave me rekorde kriminale në politikë.
I vetmi që mund të bënte një panoramë reale të situatës dhe përmbushjes së kritereve të vendosura nga Brukseli për hapjen e negociatave është kryeministri Rama.

Analisti Mustafa Nano ka deklaruar në emisionin "Rubikon" në televizionin "Koha", drejtuar nga Adriatik Kelmendi, se Greqia i ka refuzuar kryeministrit shqiptar, Edi Rama një kërkesë për vizitë në Athinë. Por po ashtu edhe Cipras ka refuzuar ftesën të vijë në Shqipëri. Ky është një informacion që duhet konfirmuar, pasi ndoshta kjo shpjegon një nivel krize të thellë. Më tej Nano ka përsëritur perceptimin e tij se Rama është i korruptuar dhe se rrethohet nga njerëz të inkriminuar.

Më poshtë intervista e Nanos:

Ka patur disa replika të ashpra sot në Parlament mes kryeministrit Edi Rama dhe kreut të PBDNJ-së, Vangjel Dule. Për Greqinë, Himarën, Athinën, gravurat e Edi Ramës në Facebook, Gjergj Dushmanin etj., gjithnjë në një lojë që ushqen të dyja palët me karikimin nacionalist që u mungon kaq shumë. Mund të besojë njeri se Edi Rama shqetësohet vërtet për shqiptarët e Greqisë, sidomos ata të vjetrit, kur sot në Greqi arvanitasit dhe çamët ortodokosë, nuk thirren të dëgjohen se çfarë mendojnë për përrallat me Dushmanë që shpëtojnë qytetërimin?

Ish – ambasadori shqiptar në Greqi, Bashkim Zeneli, për një kohë të gjatë funksionar i Partisë Socialiste, thotë në një opinion për gazetën “Panorama” se kryeministri shqiptar Edi Rama duhet të vizitojë vendin fqinj.

“Por është shumë keq që kemi bërë hapa prapa me Greqinë mike e fqinje, me një vend anëtar të NATO-s dhe BE-së. Jemi mbërthyer në diskutimin e 3-4 problemeve që nuk po i fusim në rrugën e zgjidhjes. Po mbesim në vend sepse nuk po gjejmë gjuhën e dialogut, ndërkohë po i mëshojmë gjuhës së demagogjisë”, shkruan Zeneli.

Kryeministri Edi Rama kërkoi të neutralizonte një mbledhje të paralajmëruar të Këshillit të Sigurisë Kombëtare me një letër të Komisionerit Avramopulos. Por 3 tonët e kapaur sot në Rrëshen kanë mjaftuar që Prssidenti Bujar Nishani të kërkojë mbledhjen e Këshillit të Sigurisë. Tv Klan publikoi sot letrën njoftuese të Nishanit.

Analisti Fatos Lubonja ka analizuar nga studio e “Opinion” në News24 situatën politike duke nisur nga përplasjet mes Tiranës dhe Athinës zyrtare, çështjen e Himarës, daljen në skenë të partive të reja e deri tek koalicionet politike për të ndërtuar shtetin e institucioneve. Lubonja e ka quajtur kryeministrin Edi Rama, ‘injorant’ në lidhje me deklaratat e tij për Akropolin, duke thënë se ai nuk di historinë.

Lefterije Luzi, kryetare Komisionit Qendror të Zgjedhjeve është skualifikuar nga gara për një mandate të dytë. Procedurat ligjore për zgjedhjen e kryetarit të këtij institucioni I japin PD-së, pra partisë më të madhe opozitare të drejtën e përzgjedhjes së dy emrave nga katër që shoshiten në Komisionin e Ligjeve. Dhe në fakt demokratët kanë zgjedhur Denar Bibën dhe Koli Belen në listën e përbërë edhe nga Lefterije Luzi dhe Rozeta Ivanova. Ky është një vendim I paralajmëruar, pasi Luzi u konfrontua me PD-në e cila edhe e zgjodhi në atë detyrë.

Më 13 maj 2015, nga sheshi i Namazgjasë ku ndodhjej për fillimin e punimeve të xhamisë së re të kryeqytetit presidenti turk Erdogan ka lëshuar alarmin: nxirrni jashtë Shqipërisë Lëvizjen Gylen, të cilën Erdogan e sheh tani edhe si organizatore të grushtit të dështuar të shtetit të 15 korrikut 2016.

Sot ministrja e Inovacionit Milena Harito, ka dalë në një prononcim për Top-Channel dhe ka pranuar se ndryshimet në ligjin “Për Tregëtinë elektronike” do të kalojnë sesionin tjetër parlamentar. Harito ka sqaruae se “Ka qenë një proces konsultimi që zgjati më tepër seç duhej sepse pati një ndjeshmëri të shtuar dhe pati nevojë që të shpjegohej më gjerë. Një nga elementët pozitivë të konsultimit që ne bëmë është që portalet kuptuan që ishin pjesë e ligjit aktual dhe nuk e dinin këtë gjë sepse ligji i 2009-ës ka patur shumë më pak portale dhe shumë më pak aktive”.