Blloku Politikë

Nuk është e panjohur që kryeministri ynë është arrogant në raport me publikun dhe të tretët që janë  hallkë ndërlidhëse mes tyre. Deri në një farë mase kjo kuptohet për shkak të karakterit të tij dhe mungesës së qetësisë për të mos ndërfutur cenet personale në detyrat institucionale.

Shqipëria mori rekomandimin për hapjen e negociatave të anëtarësimit me Bashkimin Evropian, por kushtet e vendosura dhe për më tepër mungesa e një date në tekstin e progres raportit të Komisionit Europian e bëjnë edhe më komplekse situatën nisur edhe nga skepticimzmi i Athinës për të reaguar me veto ndaj sjelljes që po tregon Shqipëria në raport me fqinjin jugor.

"Foli derës që të dëgjojë dritarja". Deri në këtë pikë ka degraduar situata me kryeministrin e Shqipërisë, të cilin mesa duket duhet ta mirëkuptojmë për broçkullat që lëshon jo pa qëllim. Këtë ka dashur të thotë sot aleati me të cilin Edi Rama po qeveris këtu e 3 vjet, por me pikëpyetje të shumta për vazhdimësinë e koalicionit më të ardhmen.

Kjo është një pjesë e fjalës së kryeministri Edi Rama sot në parlament. Nuk është e sigurtë se ku mund të klasifikohet kjo lloj çaprashitje, pasi shumëkush në Shqipëri pret një qëndrim nga qeveria për zgjedhjen e presidentit të ri në SHBA. Për faktin se është zhvillim i rëndësishëm, por edhe sepse kryeministrit shqiptar i hëngri vetë kurrizi për të bërë deklarata që përndryshe mund të shmangeshin.

Në klimën e një debati sa politik edhe mediatik mbi marrëdhëniet shqiptaro-greke dhe dilemës nëse Bashkimi Evropian ka njohur ose jo çështjen çame pas intepretimive që lindën nga deklarata e komisionerit Hahn, vlen të shihet edhe paragrafi për marrëdhëniet mes Shëipërisë e Greqisë në tekstin e progres raportit për Shqipërinë që iu dorëzua një ditë më parë autoriteteve shqiptare. Komisioni Europian nuk përmend asnjë referncë lidhur me çështjen çame, por vlerëson vullnetin pozitiv për marrëdhënie të mira mes dy vendeve dhe bashkëpunimin sidomos për çështjen e krizës së emigrantëve.

Presidenti Nishani dekoroi me Urdhërin Flamurit 38 martirët e Kishës Katolike të lumturuar nga Papa Françesku. Në fjalën që shoqëroi ceremoninë e dekorimit Nishani i kërkoi ndjesë Kishës Katolike në emër të shtetit shqiptar për krimet e kryera ndaj klerikëve të saj, por edhe familjeve të viktimave të regjimit komunist.

Sali Berisha njofton sot në profilin e vet në Facebook për një takim me ambasadorin e ri të Britanisë së Madhe në Shqipëri, Dankan Norman. Po të  ecim ca ditë më pas do të shohim po në profilin e Facebook një takim të Berishës me ambasadoren greke Sourani. Më tej do të gjejmë një takim me ambasadorë që ikin e përfundojnë mandatin, për të vijuar edhe me takimet me zyrtarë të tjerë organizatash ndërkombëtare.

Pse e takojnë Berishën këta diplomatë? Çfarë përfaqëson ai në sytë e tyre dhe në axehndën e detyrave që kanë sa kohë  në Shqipëri ka një kryetar të PD-së?

Komisioni Europian do t'i bëjë Këshillit të Ministrave të BE-së në mbledhjen e muajit dhjetor hapjen e negociatave të anëtarësimit me Shqipërinë, nëse Shqipëria do të bëjë progres me reformën në drejtësi dhe veçanërisht me zbatimin e ligjit të Vettingut për pastrimim e sistemit nga gjyqtarët dhe prokurorët e korruptuar. Përmbledhja e progres raportit për Shqipërinë u lexua snë Bruksel nga komisioneri për Zgjerimin, Johanes Hahn.

Qeveria shqiptare nuk ka mbajtur ende një qëndrim zyrtar lidhur me zgjedhjet presidenciale në Shtetet e Bashkuara të Amerikës dhe fitoren e kandidatit republikan, Donald Trump. Nuk dihet nëse kjo ka të bëjë me pritshmëritë e qeverisë shqiptare lidhur me këtë betejë apo me kompleksitetin e krijuar pas deklaratave të kryeministrit për Donald Trump.

Fitoja e Donald Trump në zgjedhjet presidenciale amerikane është komentuar edhe nga kreu i opozitës Lulzim Basha, një person që ka patur mbështetjen e fortë të ish-ambasadorit Arvizu për të marrë bashkinë e Tiranës dhe vazhduar më tej karrierën si një yll në ngjitje. Në deklaratën e tij pak minuta pas qartësimit të rezultatit Basha për një analogji me situatën në Shqipëri, duke thënë se zgjedhjet amerikane ishin një leksion edhe për shqiptarët që duhet ta marrin në dorë fatin e votës së tyre.