Blloku Politikë

DW është hapur me titullin se ndryshimi i kufijve mes Serbisë dhe Kosovës nuk sjell stabilitet. Jo rastësisht, pasi axhenda që promovohet nga Hashim Thaçi ka edhe mbështetjen e shokut të Tij Edi Rama. Pozicioni tinzar që qeveria shqiptare po mban për këtë çështje, është nën vëzhgim të rreptë nga Berlni që e ka bërë të qartë se Tirana nuk duhet të përfshihet në lojëra të rrezikshme.

"Në qershor nuk do të ketë hapje të negociatave për Shqipërinë" deklaroi Lulzim Basha në parlament. Sipas tij këtë mesazh e kanë marrë si Gramoz Ruçi ashtu dhe Taulant Balla në vizitën që patën në Berlin. 

Parlamenti u përfshi edhe këtë të enjte nga replika të ashpra mes deputetëve të opozitës dhe ministrit të Brendshëm Sandër Lleshaj për çështjen e minorenes që u abuzua seksualisht nga një grup adoleshentësh në Kavajë.

Qeveria e Shkupit shënoi një prej arritjeve më të mëdha politike duke firmosur në Bruksel protokollin e përbashkët të anëtarësimit të Maqedonisë në NATO. Një garanci më shumë për Perëndimin në lojën e influencave për të dominuar rajonin, ku Rusia ka ushtruar presion jo të vogël si në rastin e Maqedonisë ashtu dhe të Malit të Zi.

Ministri i Jashtëm dhe për Evropën, Edi Rama nuk ka përcjellë ende urdhërin për delegimin e kompetencave për zëvendësin e tij, Gent Cakaj, në detyrë zv.ministër i Jashtëm. Kësaj pyetjeje nga Qendra e Botimeve Zyrtare iu dha përgjigja:

Nuk na ka ardhur ende asgjë

Delegimi është akt zyrtar që rregullohet në rastin e ministrit nga neni 102 i Kushtetutës dhe nga dispozitat e Kodit të Procedurës Administrative, që në nenin 29 përcakton se:

Sot ish-ministri i Brendshëm, Sajmir Tahiri ka dalë para mediave me këtë deklaratë:

Hetimet janë zgjatur pesë herë, dhe kjo çështje duhet të mbarojë. Drejtësia e vonuar nuk është më drejtësi, kur ndodh me mua merre me mend me njerëzit që përplasen në dyert e gjykatave. Unë nuk mbahem peng nga askush, unë respektoj drejtësinë. Unë kam heshtur për të marrë atë që më takon dhe pastaj do të flas. Kjo çështja ka kapërcyer çdo limit. Sot seanca u shty, merre me mënd, u la për të hënën

Ish-kryeministri Sali Berisha ka qenë dje i ftuar në një intervistë në emisionin “Tempora” me drejtuese Sonila Meçon. Më tepër sesa pyetje për një politikan që është pjesë e vendimmarrjes, intervista është zhvilluar si bisedë me replika dhe polemika, ku Meço ka manifestuar sëmundjen e të gjithë të shquarve të ekranit të kësaj kohe që mendojnë se ata i dinë përgjigjet. Madje duke këshilluar Berishën të ketë kujdes me fjalët si p.sh “shteti i përdhunuesve” sepse siç tha ajo “na fusni edhe ne”.

Megjithatë, Berisha ka dhënë disa qëndrime që vlejnë të merren në konsideratë:

Vizita e Albin Kurtit në Tiranë ka prishur ca nerva. Nerva të atyre që kujtojnë se kanë disa monopole: të patriotizmit, të politikës së jashtme, të bashkimit kombëtar. Më keq, kjo kategori mendon se ka për detyrë historike të na ruajë të gjithëve nga ndonjë budallallëk, të cilin vetëm ajo e pikas. Ndaj edhe përkundrejt z. Kurti ka patur thirrje: Albin, jo me Berishën. Jo me Bashën.

Në fakt në takimin e sotshëm mes Kurtit dhe Lulëzim Bashës, të paktën sipas njoftimit zyrtar të Partisë Demokratike, bëhet e ditur se:

Ministrja e Infrastrukturës, Belinda Balluku, ka shkarkuar dje – formalisht dorëheqje – Etleva Kondin. Kondi mbante detyrën e Drejtorit të Drejtorisë së Partneritetit Publik Privat në këtë ministri.

Një ndër njerëzit kryesorë të kohës kur titullar ishte Damian Gjiknuri, Kondi ka qenë pjesë e projekteve kryesore koncesionare të firmosura nga qeveria e z. Edi Rama.

Mbrëmë në emisionin “Opinion” në Tv Klan ka qenë i ftuar edhe Baton Haxhiu. Nisur nga mënyra sesi zoti Haxhiu është sjellë në studio, toni i përdorur, por edhe kredencialet që mori për të treguar kufij dhe harta, mënyrë ndarjeje të tyre, është e vështirë, në mos e pamundur ta cilësosh zotin Haxhiu vetëm si gazetar.

Mitrovica i mbetet Kosovës?

Po po, Mitrovica mbetet në Kosovë.

Rasti i përdhunimit në Kavajë i shtohet listës së gjatë të ngjarjeve që në vend se të tërhiqnin vëmendje për problemet sociale që përfaqësojnë, del në sipërfaqe si ilustrim i keqfunksionimit të Policisë së Shtetit.

Njësoj si në rastin e para disa muajve të Xhisela Malokut edhe ky i Kavajës u raportua nga ish-kryeministri Sali Berisha. Policia e Shtetit nuk ka përcjellë asnjë komunikatë për të duke tradhëtuar rëndë uniformën dhe misionin që pretendon se përfaqëson.