Blloku Politikë

Ish-diplomati dhe publicist Shaban Murati shkruante dje në gazetën “Dita” mbi atë që e quante gjeopolitika e koronavirusit. Murati rimerrte tezën e tij se traktatet e shumta të miqësisë dhe ato të bashkëpunimit strategjik që ka nënshkruar Shqipëria nuk vlejnë për asgjë nisur nga mënyra sesi u reagua gjatë kësaj krize. Sipas Muratit kjo situatë provoi se vetëm Turqia iu përgjigj apelit për ndihmë dhe se bashkëpunimi Shqipëri-Kosovë mbetet i pazëvendësueshëm për shqiptarët në Ballkan.

Kryeministri Edi Rama ka folur sot në Parlament për situatën në të cilën ndodhet vendi dhe gjendjen e pandemisë. Sipas z. Rama, Shqipëria e ka fituyar betejën në frontin e shëndetësisë dhe tani mbetet para beteja në ekonomi. Duke folur për aspektin teknik dhe profesional të trajtimit të epidemisë, kryeministri ka deklaruar se vendi ynë nuk k apse të ketë zili askënd:

Qeveria e Shqipërisë duket e vendosur që të miratojë ndryshimet e reja në Kodin Penal që në thelb udhëhiqen nga parimi: burg për ata që shkelin rregullat e vendosura gjatë gjendjes së fatkeqësisë natyrore. 

Sot në disa media të pushtetit ka qarkulluar një status i ish-deputetit të PD-së, Gent Strazimiri, i cili ankohet edhe për sjelljen dhe moralin e shoqërisë shqiptare.

Kryeministri Edi Rama ka dalë sot në një lidhje video përmes së cilës ka akuzuar Sali Berishën si njeriu që sipas tij synon të shkatërrojë Shqipërinë. Zoti Rama ka deklaruar se bllokimi në kufi i shqiptarëve është një mënyrë për të mbrojtur jetën. Brenda 24 orëve të ardhshme tha z. Rama do të lejohet hyrja e qytetarëve që nuk kanë leje qëndrimi në vendet përkatëse të cilët do të karantinohen. Ai ka thënë se kjo kategori do paguajë një tarifë.

Sot është njoftuar marrja e masave të reja shtrënguese për të disiplinuar lëvizjen e qytetarëve. Nuk dihet se çfarë parashikojnë këto masa, por ato kryesisht përfshijnë gjoba apo humbje të lirisë. Këtë e ka paralajëmruar edhe kryeministri të shtunën. Problemi me këtë lloj apeli publik është shumëm serioz. Qeveria me një akt normative jo vetëm ka kufizuar disa liri tonat, por është shtyrë më tej, ka prekur garancitë për të Drejtat tona kushtetuese. 

Dy vitet e fundit kryeministri është lodhur dhe n aka lodhur duke kërkuar bashkëqeverisjes me Partinë Demokratike. Hapur, tërthorazi, në vijimësi, z. Rama ka kërkuar ta ulë Lulzim Bashën në tryezë dhe t’i japë ca ministra. Nuk ja ka dalë. Arsyet janë disa.

Ftesa e fundit që u bë ishte me emergjencën e tërmetit. Kushdo mund të lexojë atë që ka ndodhur. U përsërit sërish në një farë mënyre, por sipërfaqësore me ardhjen e pandemisë. Sot z. Rama ka sulmuar PD-në:

Kryeministri Rama shpërndan sot në Facebook një video sentimentale me ton moralizues dhe ekumentik. Jeta është e shkurtër, e përditshmja na ka rrëmbyer duke shtyrë njëri-tjetrin, pleqtë kishin të drejtë e të tjera si këto.

Z. Rama ka të drejtën e tij për të thënë çfarëdo lloj gjëje në Facebook vetëm se ky transformimi psikologjik i kryeministrit që po mendon për veten se është një lloj guruje është sinjal se nuk i kemi punët mirë në këtë vend.

Presidenti i Republikës, Ilir Meta, ka dalë sot me një deklaratë për shtyp përmes së cilës kujton qoftë prezencën e vet, qoftë atë të faktit, se mirë apo keq, Shqipëria ka një Kushtetutë. Në këtë kuadër Presidenti ka deklaruar se:

I ftoj të gjithë qytetarët të respektojnë me përpikmëri të gjitha udhëzimet dhe kufizimet e bëra publike për shkak të pandemisë globale COVID-19, pasi kjo është në interesin tonë të përbashkët.

Kryeministri Edi Rama ka qenë sot në një lidhje me emisionin “Zonë e Lirë”. Ai është pyetur se duke qenë se po i ndodhet pranë Shqipërisë në ditë të vështira mos vallë është bir i Zotit. 

Zoti Rama është përgjigjur se gjyshja e tij thoshte se Zoti zgjedh mbi cilat shpatulla vë peshat më të mëdha.(Minuta 14: 50). 

Pra Zoti mesa duket ka zgjedhur Edi Ramën në këto kohë, diçka që ai e ka deduktuar nga një thënie e gjyshes dhe nga bindja mesa duket se pa të Shqipëria kushedi ku do të ishte.