Blloku Politikë

Raportime të ndryshme nga politika dhe analistë të shquar të drekave e darkave me politikën flasin për një diskurim të tenderit të identifikimit biometrik të zgjedhësve në Këshillon Politik. Tenderi thuhet se është kërkuar nga Partia Demokratike. Që këtej edhe historia se PD-ja e Bashës në fund të fundit, fitoi një zero me nam nga reforma si e tillë, por disa zero pas ndonjë numri me tenderin në fjalë. 

Sot është dita e themelimit të Partisë Socialiste dhe si për çdo vit tentohet që kjo datë të celebrohet si moment i shënuar për mbarë vendin
 Në media është shfaqur Ditmir Bushati, ish-ministër i Jashtëm, nga ata njerëz që sepse të jep përshtypjen se është krenar që është socialist. 
Zoti Bushati flet gjerë e gjatë, ai e cilëson PS-në si parti të madhe, përfaqësuese, me kontribute intelektuale etj.. Por që duhet të ndryshojë. 

Ardian Dvorani është liruar (nuk është e qartë nëse ky është termi i saktë) nga detyra që mbante në Gjykatën e Lartë. Vendimin e ka marrë Këshilli i Lartë Gjyqësor duke hequr nga rruga një person që kishte provokuar me veprimet e tij tensione me presidencën. 

Ai që dukej deri më dje si i paprekshëm, është sot i nxjerrë në rrugë me një procedurë të cilën vetë e ka quajtur gafë juridike. Mirëpo kush i mundëson dhe ligjëron gafa të tilla veç politikës? Askush. Ndaj meriton pak vëmendje ky moment. 

Kryeministri  Edi Rama ka paralajmëruar sot do të rikthehen masat kufizuese, në mos edhe karantina nëse kurba e infektimeve vazhdon të rritet. Me një video selfie z. Rama ka përsëritur se për të është më e rëndësishme jeta sesa ekonomia. 

Kjo është më e thjeshtë të thuhet sesa të bëhet. Burime të ndryshme bëjnë me dije se z. Rama ka deklaruar në mbledhjen e Komitetit Teknik për epideminë se nëse rastet do të shkojnë mbi 50, atëherë kufizimet do të rikthehen duke provuar se kontrolli i kurbës ka edhe vlerë politike. 

Zv.kryetari i Lëvizjes Socialiste për Integrim, Luan Rama ka deklaruar në një lidhje me emisionin “në Fokus” në TvT se partia ku ai aderon ndodhet ndër të tjera në një process purifikimi nga element dhe shfaqje të korrupsionit që njollosën imazhin e saj kur ishte në qeverisje. Nuk dihet se për kë konkretisht e ka fjalën z. Rama, por pa dashur ai ka prekur edhe ish-kryetarin Ilir Meta, i kapur në videon e njohur me Dritan Priftin.  Më poshtë video: 

Fushata elektorale ka nisur. Dhe është tërësisht skematike. Kryeministri që nuk dihet nëse do apo jo një mandat të tretë, apo do një mandate të parë bashkëqeverisjeje, flet për miliarda euro invetime, për projekteve të mëdha, rimëkëmbje dhe rindërtim, ndërkohë që kullat e miqve të tij dhe resortet e të njëjtëve në bregdet lulëzojnë si shprehje e një luksi parazitar. Edi Rama ka nisur fushatën në emër dhe për mirëqënien apo zhvillimin që ka imagjinuar gjatë këtyre viteve.

Kryeministri Edi Rama ka folur sot në një takim të atij që quhet Këshilli i Integrimit ku ndër të tjera ka dhënë edhe shoën e buzëqeshejve të ndërsjella me Presidentin. Një teatër bajat që kemi 30 vjet që e shohim. Ndër të tjera zotëria – që pas lënies së mjekrës ka nisur të mençurojë dukjen dhe qëndrimet – është kujdesur të flasë edhe për të ardhmen e fëmijëve tanë, term, kuptimi i të cilit duhet sqaruar:

Agjencia Telegrafike Shqiptare njofton sot se NATO-ja ka folur me të për bazën detare të Pashalimanit. Në përgjigjen e vet Aleanca sqaron se po punon ngushtë me autoritetet ushtarake shqiptare për të përcaktuar mënyrën më të mirë sesi baza detare e Pashalimanit mund të mbështesë kërkesat operacionale detare të NATO-s.

Përfaqësuesi i Lëvizjes Socialiste për Integrim në Këshillin Politik Petrit Vasili e ka argumentuar kështu mospërfshirjen  e çështjes së sistemit elektoral në kuadër të diskutimeve për reformën zgjedhore:

Kam dëgjuar shumë fjalamanë, kanë thënë le të rrinë e të ngordhin atje për sistemin. Por ç’ndodhi me sistemin, një gjë e tmerrshme. Një sistem i vendosur me referendum në ’98. U ndryshua më pas prej partive politike. Duhet ricikluar si diçka e re apo me debat të hapura. 

Sot përfaqësuesi i PD-së në punët zgjedhore, Oerd Bylykbashi ka dalë në media të sqarojë miletin se çfarë pune të shkëlqyer ka bërë për reformën, sesi partia e tij ia kapi kokën me derë shumicës dhe e detyroi që të pranonte disa kërkesa që sigurojnë zgjedhje të mira. Thotë ndër të tjera zotëria: