Blloku Politikë

Kryeministri Edi Rama ka shpërndarë sot një intervistë të dhënë për revistën “Forbes”. Është një ndër ato prezantime mediatike që i shërbejnë të intervistuarit, më shumë sesa hedhin dritë mbi problematika të ndryshme. Kush lexon intervistën krijon përshtypjen se kemi të bëjmë me një auto-profilizim në formën e një interviste që i shërben dhe kërkon audiencë “të ngritur”. 

Tirana zyrtare ka arritur ta kompletojë dështimin e saj tërësor edhe në procesin e integrimit. Sot kancelarja gjermane Angela Merkel ka bërë të ditur se Shqipëria do të ndahet nga Maqedonia e Veriut në vlerësimin e procesit duke njohur arritjet e Shkupit zyrtar.

Në rastin e Shqipërisë çështja është pak më ndryshe. Me gjithë përparimet, nuk mund të premtoj se do të ndodhë që këtë vit, por shumë shpejt

Sot kryetari i Partisë Demokratike, Lulzim Basha ka zhvilluar një takim disi të veçantë. Sipas njoftimeve ai ka takuar nënat që kanë fëmijët në emigracion. Siç mund të pritet, z. Basha e ka shpallur prioritet rikthimin e rinisë në Shqipëri.

Ky 28 nëntor – datë kjo që vazhdon festohet duke parë filmin “Nëntori i dytë” dhe duke dalë xhiro në bulevard, trokiti me një incident që na kujton se çfarë karikature kemi krijuar e trashëguar që nga 1912. Se kush qeveris në këtë vend dhe sesa pa vlerë janë aktet e gjeneruara ndër vite. Në Këshillin e Qarkut Kukës u vendos që Veton Surroit t’i hiqej titulli “Nderi i Qarkut” që i është dhënë më herët me motivacionin për kontribut në luftën e Kosovës.

Qeveria shqiptare, kjo e tanishmja, ka vendosur të marrë seriozisht veten dhe shtetin ku ka hipur duke pretenduar të marrë adresën e qëndrimit të shtetasve që banojnë jashtë territorit të Republikës. Përmes një vendimi të datës 4 nëntor, përherë me propozim të ministrit të Brendshëm, qeveria ka vendosur të detyrojë deklarimin e adresës së shtetasit shqiptar jashtë Shqipërisë, duke njoftuar se mosdeklarimi i adresës do të sjellë ndërprerjen e shërbimeve ndaj tyre që nuk janë asgjë më shumë se ato të Gjendjes Civile dhe ushtrimi eventual i të drejtës së votës.

Ish-diplomati dhe profesori i universitetit të Cambridge Timothy Less shkruan se nën drejtimin e Joe Biden Ballkani Perëndimor do të shndërrohet në një lloj EU-goslavia me pol kryesor Beogradin.

Nuk do të jetë tamam një Jugosllavi e re, që ishte produkt i kohës së vet; por faktet në terren do ta detyrojnë Biden t’i kthehet logjiës së të shkuarës së afërt dhe të shtyjë për krijimin e mishërimit të shekullit të 21-t – një EUgosllavi e re

Presidenti Ilir Meta ka zhvilluar të mërkurën e sotme një takim online duke diskutuar me disa mjekë për situatën e pandemisë së koronavirusit në vend.

Takimi moderohet nga drejtori i kabinetit të Metës, Edmond Panariti, me prezencën e Petrit Vasilit dhe Tritan Shehut.

Ky i fundit ka kërkuar që autoritetet mjekësore të 5-fishojnë numrin e testeve PCR. Shehu nënvizoi se është e rëndësishme që të kryhen testet PCR për identifikimin dhe izolimin e të infektuarve, dhe jo testet e shpejta imunologjike dhe serologjike.

Partia Demokratike po këmbëngul në temën e fshehjes së vdekjeve nga CoVid-19 duke sjellë madje dëshmi konkrete qytetarësh. Sipas këtyre dëshmive spitali ka fshehur shkakun e vdekjes duke ngritur dyshime mbi certifikatat e vdekjes. PD-ja është një parti që ka burime të mjaftueshme për të sqaruar konkretisht se çfarë mund të ketë ndodhur, por në vend të kësaj ajo preferon të luajë politikisht me një skandal që nuk duket shumë i tillë. P.sh çdo qytetar që pretendon një manipulim me certifikatën e vdekjes, mund të kërkojë autopsinë. Dhe që aty sqarohet çdo gjë.

Presidenti i Republikës, Ilir Meta ka paralajmëruar sot se procesi zgjedhor i 25 prillit në Shqipëri do të ketë probleme serioze dhe kontestime. Përmes një dekreti të vet, Meta ka kthyer për rishqyrtim ligjin “Për Policinë e Shtetit”, në të cilin paraqet disa arsye që kanë vlerë politike për zgjedhjet. Që në hyrje të arsyetimit, Presidenti e lidh procedurën e miratimit të ligjit në Kuvend, me procesin zgjedhor, duke hedhur dyshime mbi atë që e quan roli I Policisë në zgjedhje.

Shqipëria ka hapur ambasadën e saj në Canberra të Australisë. Lajmi është publikuar edhe në mediat australiane që raportojnë se në ceremoninë e rastit kanë marrë pjesë edhe pjesëtarë të komunitetit shqiptar në Australi.

Drejtues i misionit është i Ngarkuari me Punë Edmond Trako që ka qenë më parë në Lisbonë dhe në Argjentinë.

Tani është radha juaj, e Australisë që të hapni ambasadën në Shqipëri, sepse mbulimi i Shqipërisë vijon të bëhet nga Italia

citohet të jetë shprehur Trako.