Blloku Në Vëmendje

Qëkurse doli në sipërfaqe çështja “Balili” qeveria shqiptare deklaroi edhe përmes kryeministrit Edi Rama, apo drejtorit të Policisë, Haki Çako, se operacioni ka qenë i koordinuar me DEA-n amerikane. Madje sipas tyre, kishte muaj që vazhdonte hetimi, i cili në Shqipëri nuk ka sjellë ende asnjë të ndaluar.

Emri i Keli Balilit ka tërhequr vëmendjen e mediave greke jo vetëm sepse mbeti në rrjetën e policisë së Atikës, e cila arriti të çmontonte organizatën kriminale që drejtohej nga Shqipëria, për të cilën shumë polici europiane kishin dijeni, por nuk kishin mundur të gjenin prova të mjaftueshme. Shqiptari që furnizonte me kanabis dhe kokainë gjithë Europën ishte njohës i mirë i gjuhës greke dhe dashamirës po ashtu i muzikës greke.

Autoritetet greke kanë shpallur në kërkim Klemend Balilin, i akuzuar si kreu i organizatës më të madhe të trafikut të drogës në Europë. Brenda 48 orëve të ardhshme, prokurori i çështjes pritet ta shndërrojë atë në urdhër arresti ndërkombëtar dhe t’u dërgohet gjithë policive europiane. Ndërkaq, një dosje e çështjes do t’u dërgohet autoriteteve kompetente shqiptare. Sapo dosja të mbërroijë në vendin fqinj, autoriteët atje duhet ta gjejnë të dyshuarin dhe ta arrestijnë.

Partia u distancua nga Shukriu, por bashkëshortja e këtij të fundit thotë se burri i saj u godit si pjesë e një skenari për të shkallmuar Partinë Socialiste. “Duke goditur bashkëshortin tim, persona me pushtet politik, ekonomik dhe ndoshta më tej, synojnë të marrin Bashkinë e Dibrës. Ata nuk kanë për qëllim vetëm të dobësojnë familjen Xhelili, por edhe të shkallmojnë Partinë Socialiste në Dibër.

Po debatohet shumë për akaidentin tragjik të Kavajës, ku humbën jetën dy fëmijë. Pas një heshtjeje të gjatë inkriminuese dhe procedimeve penale nga Prokuroria e Kavajës për disa zyrtarë të ARSh-së, dje një spcialist aksidentesh në Ministrinë e Transporteve, doli në një prononcim televiziv duke deklaruar se vetëm 4% e aksidenteve ndodhin për shkak të sigurisë në rrugë. Pra për shkak të rrugëve. Me idenë se aksidenti i Kavajës është edhe përgjegjësi e drejtuesit të mjetit.

Nën masa të forta të sigurisë u zhvillua në Stamboll ceremonia martesore e vajzës më të re të presidentit turk Rexhep Tajip Erdogan. Në dasmë ishin të ftuar rreth 6 mijë persona, mes të cilëve edhe kryeministri Rama. Ai duket në cepin e fotos së altarit si të thuash në vendin e krushqve. Në tryeza të mëdha politike nuk e kemi parë ende, por në gosti të mëdha po e shohim. Dëshmitari i dhëndrit në martesë ishte shef i Shtabit të Përgjithshëm të Forcave të Armatosura, gjeneral Houlousi Akar.

Shkrimtari Ismail Kadare ka folur nga Gjirokastra, ku ka qenë në një takim me qytetarë. Kadare ka vlerësuar se ka nisur një Kohë e Tretë për shqiptarët, pas dy largimeve të tyre nga Europa.

Zbulohet skandali i radhës në lidhje me aksidentin tragjik, ku humbën jetën dy fëmijë në autostradën në Kavajë. Mungesa e barrierave metalike anash rrugës, që solli edhe pasojat tragjike të këtij aksidenti, ka ardhur si pasojë e një sërë vendimesh dhe veprimesh, që lidhen pikërisht me karburantin, i cili ka përfituar nga mungesa e këtyre barrierave.

Prokuroria e Tiranës ka nisur procedim penal për protestën e dy ditëve më parë të organizuar nga Bashkia e kryeqytetit pranë selisë së Gjykatës Administrative. Përmes një njoftimi zyrtar bëhet e ditur se, organi i akuzës e ka ndërmarrë nismën e tij për veprat penale “organizim të manifestimit të paligjshëm” dhe “kanosje e fyerje ndaj gjyqtarëve”. Sipas njoftimit, Prokuroria e Tiranës ka kërkuar sekuestrimin e pamjeve filmike të protestës së 11 majit, të transmetuara në televizione.