Blloku Në Vëmendje

Pak orë pasi Elvis Roshi dha dorëheqjen si kryebashkiak i Kavajës, duke sqaruar se ishte dënuar në Itali kur ishte minoren për një sherr masiv, Partia Demokratike ka zbardhur vendimin e Gjykatës italiane, ku sipas saj Elvis Roshi është dënuar për përdhunim në grup.

Identiteti dhe përkatësia etnike e arvanitëve të Greqisë ka qenë gjithmonë një çështje e hapur debati në qarqet akademike dhe më pak ato politike mes Shqipërisë dhe Greqisë. Prej 2014 ata organizojnë Takimin e Arvanitëve, një aktivitet që sivjet mori vëmendjen edhe të Kishës Greke.

Ministria e Transporteve shpenzoi para një javë më parë për të rritur sigurinë në Rrugën e Kombit, por këto para shkuar dëm. Tv Klan raporton se janë banorët ata që kanë hequr blloqet e betonit të vendosura në segmentin Kukës – Morinë, pasi sipas tyre “nuk është lënë kalim”.  “Banorët e Shtiqnit, Rexhepajt dhe Kodër Lumës i kanë hequr, pasi kalimi përmes i autostradës është e vetmja mundësi e tyre. Thonë se bllokimi ishte sa për sy e faqe dhe i paplanifikuar, pasi atyre nuk u është lënë asnjë mundësi kalimi.

Shqipëria ka më shumë vullnetarizëm dhe solidaritet. Kështu është shprehur sot nga Librazhdi, ministri i Transporteve, Edmond Haxhinasto, i cili kishte menduar që të shfaqej para mediave bashkë me disa nxënës të shkollës “Vasil Kamami” në pastrimin e sinjalistikës së dëmtuar. Rruga është pjesë e aksit Rrogozhinë – Kapshticë, ka kushtuar 7 miliardë lekë dhe për sinjalistikën duhen 300 milionë euro. Këto tha ministri.

Një histori e rrëfyer për gazetën “Panorama” jep një pamje të asaj që ndodh në terren, në përballjen me institucionet e shtetit shqiptar. Erlado Kollovi, basketbollist 18 vjeçar nga Vlora, u plagos me thikë nga dy bashkëmoshatarë. Ai tentoi ta zgjidhte këtë situatë duke iu drejtuar institucioneve, por ka marrë një përgjigje që flet qartë. “Ka qenë data 28 prill, rreth orës 1 të drekës. Kisha dalë nga shkolla me dy shokë të mi dhe po bëja rrugën për në shtëpi. Rrugës pashë shokun e klasës, R.K, me një djalë tjetër, pak a shumë mosha jonë. Më thirri për të shkuar tek ai.

Teksa nuk ka dhënë ende asnjë detaj për operacionin ku tha se ishte e përfshirë me policinë greke dhe atë të Belgjikës, policia shqiptare gjen momentin të prezantohet me një sukses në luftëm kundër trafiqeve të drogës.

Deinstitucionalizimi i qendrave rezidenciale të fëmijëve ka qenë kryefjala e mbledhjes së sotme mes Bashkiakëve dhe Ministrit të Mirëqenies Sociale Blendi Klosi. Klosi u ka bërë të ditur kryetarëve të bashkive se kush ushtron dhunë do të mbajë përgjegjësi personale dhe do të ketë masa ndëshkuese të rënda. Më tej ministri ka kërkuar nisjen e punës për kalimin e fëmijëve tek familje kujdestare dhe kjo duhet realizuar nga pushteti vendor.

Pasi Bashkia dërgoi katër policët për të hequr zonjën në video nga vendi ku shiste, u bë me dije se policët u shkarkuan. Lajmi është i pakonfirmuar por ngjan e çuditshme që policët shkarkohen pse zbatuan një urdhër të dhënë. Sikundër është e çuditshme që Bashkia vazhdon të punojë fort për të hequr shitësit ambulantë në një shprehje të pavend arrogance.

U identifikua si një nga aktivistët më të vendosur të shoqërisë civile kundër ndërtimit të  Këndit të Lodrave në Parkun e Liqenit Artificial. Madje sensi i tij i protagonizmit u fiksua në foto dhje pamje ku ai shfaqej teksa përleshej me policinë bashkiake në protestat e parkut apo kur duartrokitej pas lirimit nga komisariatet e policisë. Është fjala për Elian Taninin që në emër të shoqërisë civile denoncoi betonizimin e parkut, betejë të cilën e ndërpreu papritur.