Blloku Në Vëmendje

Admir Thanza, anëtar i Gjykates së Lartë rrezikon të mos e kalojë vettingun. Ai nuk justifikon pasurinë e tij dhe për më tepër rezulton të ketë qenë i dënuar në Itali për vjedhje të kryer në bashkëpunim. Nga gjetjet e Komisionit të Pavarur të Kualifikimit, Thanza është dënuar në vitin 1999 me 40 ditë burg nga autoritetet italiane, dënim që më pas i është pezulluar.

Këtë vendim ai e ka fshehur, ndërsa rezulton me probleme edhe me pastërtinë e figurës pasi ka patur kontakte me njerëz me precedentë penalë.

Aleanca për Mbrojtjen e Teatrit i është drejtuar me një letër presidentit të Republikës, Ilir Meta, ku i kërkon  të mos dekretojë ligjin e miratuar të enjten e shkuar nga mazhoranca për Teatrin Kombëtar.

Artistët argumentojnë se ligji i miratuar në mënyrë të njëanshme nga mazhoranca shkel me të dyja këmbët Kushtetutën. 

Letra e plotë:

ALEANCA PËR MBROJTJEN E TEATRIT

Thellohet më tej denoncimi i Partisë Demokratike për kompaninë Fusha sh.p.k që ka propozuar shembjen e Teatrit Kombëtar dhe ngritjen në atë zonë të 6 kullave. Deputeti Ervin Salianji tha sot se kompania Fusha është subjekt i ligjit antimafia dhe subjekt që mund të pastrojë paratë e pista të drogës dhe trafiqeve.

Partia Demokratike ka akuzuar sot kryeministrin Edi Rama se po përdor kompaninë “Fusha” për të pastruar para. Sipas deputetes Albana Vokshi, kompania në fjalë ka fituar nga qeveria shqiptare dhjetëra tendera, përfshirë sheshin “Skënderbej”, rikonstruksionin e Ministrisë së Brendshme, punimet në Vlorë e së fundmi ajo po merr edhe projektin e ndërtimit të 6 kullave në zonën e Teatrit Kombëtar. 

Votimi në bllok për projektligjin e shembjes së Teatrit Kombëtar u parapri nga një incident mes kryeministrit Rama dhe ministrit të Diasporës Pandeli Majko. 

Ky i fundit siç tregojnë edhe pamjet pati një debat verbal në distancë me kryeministrin dhe më pas u largua nga salla.  

Majko nuk mori pjesë në votimin që i hap rrugë shembjes së Teatrit Kombëtar, diçka që mesa duket nuk i ka pëlqyer kryeministrit me të cilin mësohet se ka patur kundërshti edhe para seancës.

Shumica zbatoi urdhërin politik të kryeministrit për të miratuar projektligjin për shembjen e Teatrit Kombëtar dhe ngritjen e 6 Kullave. Mazhoranca socialiste hyri në një kurs refuzimi të çdo zëri që i kërkoi të tërhiqet nga shembja e Teatrit Kombëtar.

Shumica nuk tregoi asnjë shenjë reflektimi përballë qendresës së një grupi aktorësh dhe regjisorësh, të cilët nuk u pajtuan me ofertën e Erion Veliajt për të hyrë në negociata me kompaninë Fusha.sh.p.k.

Deputeti i Lëvizjes Socialiste për Integrim, ish-ministër i Drejtësisë, Nasip Naço, ka folur sot në seancën plenare në Parlasment për projektligjin për prishjen e godinës së Teatrit Kombëtar. Në fjalën e tij, Naço i është përmbajtur kritikës juridike të projektit që I hap rrugë tjetërsimit në një zonë ku po shuhet memoria e një qyteti.

Më poshtë pyetjet e Naços:

Bashkia e Tiranës nxitoi të shpërndajë foto nga pasojat që sipas saj la tërmeti i paradites në godinën e Teatrit. Por pa një njoftim shoqërues, me idënë që mediat të inkuadrojnë këto foto si dëshmi e nevojës për të shembur ndërtesën ekzistuese.

Megjithë entusizamin për të vërtetuar alibinë se godina mund të bjerë nga çasti në çast, duhet thënë se fotografët e bashkisë nuk gjetëm më shumë se disa plasaritje të suvasë, që ndoshta kanë qenë edhe më parë.

Nga një avokat patologjik i kompanisë Fusha dhe projektit të Kullave në sipërfaqen ku shtrihet një pjesë e Teatrit Kombëtar, Erion Veliaj ka ndryshuar strategji por jo rolin që ka në këtë histori. Para pak ditësh shkoi në Komisionin e Medias duke bërë sa zhurmësin aq edhe qëndrestarin përballë deputetëve të opozitës ndonëse nuk ishte thirrur në seancë dëgjimore. 

Kundër shembjes së Teatrit Kombëtar ka dalë edhe Primo Shllaku, poet dhe pedagog i njohur, autor i disa librave.

Në protestën e mbajtur pasditen e së martës. Shllaku hoqi paralele mes sistemit të kaluar monist dhe pushtetit të sotëm. Ai tha se kompleksi i Teatrit është autentik dhe mbi të gjitha mbart vlera të mëdha të artit skenik.

Fjala e Primo Shllakut në protestën për Teatrin: