Blloku Në Vëmendje

Partia Demokratike kërkon hetim për përmbytjen e Bibliotekës Kombëtare dhe Bashkisë së Tiranës. Deputetët Romeo Gurakuqi dhe Hekuran Hoxhalli thanë se kjo situatë erdhi si pasojë e punimeve skandaloze në Sheshin Skënderbej.

Sipas tyre megjithëse është kryer 20 milionë euro investim mungon sistemi i shkarkimit të ujërave nëntokësorë.

Danimarka, Franca dhe Holanda detyrojnë Brukselin të shtyjnë për verën e ardhshme hapjen e negociatave të anëtarësimit me Shqipërinë dhe Maqedoninë. Kjo është deklaruar nga Ministri i Jashtëm grek Nikos Kotzias, pas daljes nga Këshilli i Çështjeve të Përgjithshme në Luksemburg.

Burimet diplomatike raportuan per CNN.gr  se mundësia e diferencimit të Maqesonisë nga Shqipëria do të krijonte rivalitete dhe tensione në Ballkan dhe nuk do të ndihmonte në stabilitetin rajonal.

Bashkë me Bashkinë e Tiranës u përmbyt edhe Biblioteka Kombëtare, drejtoresha e së cilës, Persida Asllani, ka deklaruar se janë dëmtuar 12 njësi bibliotekare. Në një konferencë për shtyp, Asllani i ka  bërë thirrje Bashkisë së Tiranës për ndërtimin e një biblioteke të posaçme për qytetin, duke shtuar se për vetë BK-në duhet një godinë e re. Thirrja vjen në një kohë kur qeveria deklaron se nuk ka më para për vepra publike të kulturës, të cilat mund të ndërtohen sipas saj vetëm me partneritet me operatorë privatë që kushtëzojnë investimin e tyre me kulla.

Arkitekti Maks Velo ka deklaruar sot gjatë një fjale të mbajtur në protestën e artistëve kundër prishjes së Teatrit, se godina ekzistuese mund të rikonstruktohet. Mendimi i dhënë prej tij shko kundër idesë së promovuar së fundmi se godina nuk mund veçse të prishet. 

Më poshtë edhe deklarata e Sindikatës së Artistëve të Skenës dhe Ekranit dhe Sindikatës së Pavarur të Artistëve të Teatrit Kombëtar që hedh poshtë pretendimet e z. Veliaj se kompromisi është afër. 

Sot është njoftuar në media kapja në Durrës e një makine tip, Tojota Yaris, në të cilën u gjetën 1.5 milionë euro. Sipas njoftimeve të përcjella, autoritetet shqiptare janë njoftuar nga Interpol Italia, në një aksion që të kujton atë për drogën e Maminasit.

Qeveria duket se nuk po e përtyp dot rezistëncën e aktorëve që janë kundër shembjes së Teatrit dhe ndërtimit të kullave në zonën ndodhet godina ekzistuese. Reagimi në grup i tyre dhe protestat që mbahen në para Teatrit me paralajmërimin se aktorët do të ngujohen në godinë nuk po i lëshojnë terren fushatës se qeverisë që paralajmëron një tjetër histori suksesi si ajo e stadiumit me kullë.

Çështja që po mban peng shpalljen e një marrëveshjeje në bisedimet Shqipëri-Greqi është pakti detar e për të cilin bisedimet vazhdojnë ende. Gazeta greke To Vima, duke iu referuar burimeve qeveritare, thotë se bëhet fjalë për një nga proceset më të rëndësishme diplomatike mes dy vendeve. Kjo pasi do të rregullojë çështjen e kufijve detarë mes dy vendeve, duke bërë të mundur shfrytëzimin e rezervave të mëdha të hidrokarbureve të vlerësuara në këtë zonë, veçanërisht për Greqinë, e cila e ka përparësi këtë proces.

Ndonëse në nivel politik marrëveshja për kufirin detar me Greqinë quhet parimisht e mbyllur grupet negociatore janë takuar sërish në Athinë për të kolauduar termat e paktit që i jep fund disa problemeve me fqinjin tonë jugor. 
Mediat greke kanë raportuar se është arritur dakordësia në disa çështje, por pa dhënë më shumë detaje se ku është tërhequr pala greke ose ajo shqiptare në çështjen e detit. Negociatat kanë qenë shumë diskrete dhe nga sa mësohet nuk janë mbyllur ende por vazhdojnë. 

Shqipëria është një opsion që po diksutohet për ngritjen e një kampi refugjatësh në Shqipëri. Pamvarësisht se qeveria bën lojën kukamfshehti, njëherë duke thënë se nuk ka kërkesë zyrtare dhe pastaj duke folur për kapacitetet e pritjes dhe strehimit të rreth 600 mijë emigrantëve. Plani është i qeverisë austriake, e cila ka kërkuar edhe mbështetjen e Italisë.

Shqipëria nuk ka kapacitete për të përballur sulmet kibernetike. Kjo gjë duket se pranohet edhe nga drejtuesja e Agjencisë së Sigurisë Kibernetike – krijuar gjashtë muaj më parë - Milva Tomçe, e cila në një komunikim me TemaTv, ka deklaruar se nuk ka të dhëna se serverat e kompanisë Abissnet janë shfrytëzuar nga Korea e Veriut.