Blloku Ekonomi

Kryeministri Edi Rama e shikon si një risi pozitive emetimin e monedhës dixhitale në vend, ndërsa Banka e Shqipërisë vijon të jetë kundër kësaj praktike.

Në një përgjigje zyrtare për Tema TV banka liston rreziqet që vijnë nga përdorimi i parasë virtuale.

Pak javë më parë qeveria shqiptare noftoi për vendimin e ndalimit të importit të makinave të para vitit 2009. Një vendim që padyshim do të sjellë pështjellime në treg dhe do të rrisë kostot. Qeveria u justifikua për këtë vendim përmes ministrit të Turizmit dhe Mjedisit, Blendi Klosi, sipas të cilit kjo masë mmerret për mbrojtjen nga ndotja.

Edi Rama zgjodhi Rubriken “Përgjigjia ime” për të shpjeguar publikisht pse vendosi të propozojë Ridvan Boden për anëtar të Këshillit Mbikqyrës së Bankës së Shqipërisë.

Ai tha se përgjedhjen e ka bërë mbi kritere profesionale dhe aspak politike, duke folur për një një vendim patriotik që do i shërbejë vendit dhe politikës monetare. Por konsideratat e zotit Rama për ish-ministrin e PD-së janë te regjistruara me zë dhe me figurë, madje i janë komunikuar popullit nga foltorja e parlamentit.

EKMA Albania, kompania që ka me konçesion tregun Agroushiqimor në Tiranë është gjobitur me 9.99% të xhiros vjetore nga ana e Autoritetit të Konkurrencës, e cila i korrespodon një vlere prej 500 mijë dollarësh.  

Pas një hetimi disa mujor Autoriteti i Konkurrencës konstatoi se kjo kompani e cila ka në pronësi tregun e vetëm të shumicës në kryeqytet, nga ku furnizohet afrësisht gjysma e popullatës së Shqipërisë, u vendos kushte të padrejta qytetarëve dhe qiramarrësve të ambientëve të saj.

Khalid Al Zaroonit është emëruar si menaxher i kompanisë ajrore të fluturimeve Emirates për Shqipërinë dhe Greqinë.
Me 13 vjet përvojë dhe ekspertizë në fushën e udhëtimit ajror dhe bankave të nivelit të dytë, Al Zarooni merr drejtimin  e Emirates këto dy vende.

Rreth 32 biznese janë shpërngulur në pak vite nga Bashkia e Tiranës në atë të Kamzës, kryesisht biznese fasone. Tema TV shkoi në njërin prej këtyre bizneseve, pronarët e të cilit jashtë kamerave deklaruan se shpërngulja e tyre është bërë për shkak të taksave të larta vendore. Ndonëse në kryeqytet taksat vendore variojnë sipas zonave, në Kamëz, sipas zv.kryetarit të bashkisë, Artan Dervishi, ato janë të njësuara. Kjo bën, sipas tij, që tarifa totale që paguajnë bizneset ndaj Bashkisë së Tiranës është 3-fish më e lartë se në Kamëz.

Lëvizja e qeverisë së Kosovës për të vendosur taksën nga 10% në 100% për produktet serbe dhe boshnjake që hyjnë në territorin kosovar i ka dhënë një goditje ekonomike pozitave të Serbisë në rajon, por edhe dialogut për normalizimin e marrëdhënieve mes dy vendeve.

Volumi tregtar i mallrave që importohen në Kosovë nga Serbia për 9- mujorin e parë të këtij viti arriti në 400 mln euro.

Vendimi i ndalimit të importit të makinave të prodhuara para 2010 është paralajmëruar nga Ministri i Mjedisit dhe Turizmit, Blendi Klosi, gjatë panairit të makinave të organizuar nga Auto Sallon, vitin e shkuar. Sakaq ende nuk dihet nëse do të rinovohet kontrata me kompaninë e kolaudimit, të cilës i mbaron afati i kontratës në shtator të vitit 2019.

TemaTv

Fondi Monetar Ndërkombëtar duket se do të prishë planet e qeverisë për ulje të taksave. Në mbyllje të misionit dy javor,  përfaqësuesit e misionit ishin të qartë kundër çdo ndërhyrje që ul barrën fiskale, madje kërkohet anullim të çdo shkurtimi të programuar dhe të anonncuar në publik.

“Duke pasur parasysh mungesën e hapësirës fiskale, i nxisim fort autoritetet të mos shtojnë ulje, përjashtime apo trajtime preferenciale tatimore ad hoc dhe të konsiderojnë anullimin e atyre të miratuara tashmë”- thekson në deklaratën e tij msioni i FMN-së.

Partneriteti Publik Privat ka qenë në qendër të diskutimeve së Komisionion e Ekonomisë dhe Financave, ku ministri Arben  Ahmetaj ka listuar 11 koncensionet aktive dhe 4 koncensionet që janë në fazë fillestare, por që nuk kanë financim buxhetor nga shteti. Vlera totale e tyre arrin në  807 miliardë lekë. Mbledhja e komisionit është shoqëruar me debate mes ministrit  dhe kreut të Komisionit Erjon Braçe, ky i fundit kundërshton ofertën e pakërkuar edhe për sektorët që do të jetë ekzistente.