Blloku Ekonomi

Partia Demokratike akuzoi sot qeverinë se po përdor të njëjtën skemë si ajo e Unazës së Re në rastin e koncensioneve për rrugët Orikum-Dukat dhe Milot-Balldren. Në lidhje me këtë të fundit, kreu i PD-së, Lulzim Basha, tha se punimet i janë ngarkuar një firme që nuk ka kapitalin e duhur financues për projekte të tilla.

Kompanitë kryesore të sektorit të hidrokarbureve kanë investuar rreth 50 miliardë dollarë për vitin 2018 në projekte që bien ndesh ose minojnë detyrimet që rrjedhin nga Marrëveshja e Parisit për klimën dhe reduktimin e emetimit të karbonit në atmosferë. 

Të dhënat publikohen nga një qendër studimore, Carbon Tracker që parashikon se me këto lëvizje kompanitë në fjalë që ushtrojnë aktivitetin në një sektor që është përgjegjës për 71% të emetimit të dioksidit të karbonit, do të prodhojnë kosto 2.2 trilionë dollarë deri në vitin 2030 në asete që do të jenë të papërdorshme. 

Sot është raportuar se Ministria e Infrastrukturës dhe Energjisë në cilësinë e autoritetit kontraktues, ka nënshkruar një shtesë afati të kontratës me shoqërinë “SGS Automotive Albania”, si pjesë përbërëse e Kontratës së Koncensionit “Për dhënien me koncension të shërbimit të kontrollit teknik të detyrueshëm të mjeteve rrugore me motor dhe rimorkiove të tyre në Republikën e Shqipërisë”. Njohur ndryshe si kontrata e shërbimit të kolaudimit të automjeteve. 

Komiteti Ekonomik dhe Financiar i që përfaqëson të gjitha vendet anëtare të Bashkimit Europian ka kërkuar nga Komisioni Europian një analizë për rreziqet që sjell monedha dixhitale e njoftuar nga Facebook, LIBRA.

Agjencia Telegrafike Shqiptare përcjell sot një qëndrim të ministres së Shtetit për Marrëdhëniet me Parlamentin, Elisa Spiropali për stadiumin e ri të Tiranës.

Skuadra kuqezi e ka hak një stadium të këtyre përmasave. Këtë nuk e them për patriotizëm virtual, por me ndienjën e fortë të përkatësisë si qytetare e këtij vendi, që deri dje përhumbte nga shëmtia e një ngrehine që mbrohej me pseudo-patriotizëm nga ata që vetëm me punën e të bukurën s’kanë lidhje

Hedhja në qarkullim e makinave elektrike pritet të dëmtojë ndjeshëm sektorin e hidrokarbureve duke provokuar pasoja ekonomike serioze. Agjencia Ndërkombëtare e Energjisë parashikon se përdorimi i makinave me karburant do të kulmojë në mesin e viteve ’20 të këij shekulli për të nisur mandej rënien. Deri në vitin 2040 në rrugë do të ketë 300 milionë makina elektrike  që në terma konkretë për sektroin e hidrokarbureve do të thotë 3 milionë barrela naftë më pak në ditë. Kjo është një krizë e sigurtë për sektorin  ndaj edhe për këtë arsye industria po sheh nga petrokimia, kryesisht plastika.

Guvernatori i Bankës së Anglisë, Mark Carney ka propozuar një valutë globale të ngashme me Libra-n e propozuar nga Facebook në mënyrë që të zgjidhet aop korrigjohet problemi i krijuar nga hegjemonia e dollarit amerikan. Ndonëse një ide e paplotë, sipas bankierit britanik një monedhë globale do të zgjidhte edhe problemin e krijuar nga dualiteti mes dollarit dhe monedhës kineze. Propozimi është bërë në simpoziumin e Jackson Hole dhe sipas tij realiteti i një bote multipolare kërkon një sistem valute multipolare, me një valutë sintetike “hegjemone”, që “reflekton monedha të besueshme si rezerv

Edi Rama nxjerr pamjet. Ja si ka ndryshuar Fieri. Kryeministri zbulon ndryshimin, ja fotot. 
Këto lloj tituj i takon përditë në mediat elektronike që funksionojnë si algoritme të zyrës së shtypit të kryeministrisë: një postim i kreut të qeverisë dhe refleksi është aktivizuar. 

Një studim i posaçëm për çështjet e pronave, i publikuar së fundi nga Banka, që ka financuar shumë projekte për hipotekat dhe kadastrat, gjeti se hartat ekzistuese kadastrale të mbajtura nga ZRPP nuk pasqyrojnë përgjithësisht situatën aktuale në terren. Sipas shqiptarja.com njësitë e pasurive të paluajtshme (parcelat dhe ndërtesat kadastrale) në shumë raste janë të pozicionuara gabimisht dhe problematika është ndërlikuar me kalimin e kohës, duke ndryshuar specifikimet dhe sistemet e referencës.

Disa projekte që mund të quhen edhe “pazare” personale të kryeministrit kanë ngecur. Një ndër to siç konfirmon zoti Rama është aeroporti i Vlorës. U tha se punimet do nisnin që në qershor të 2018, por asgjë nuk ka lëvizur edhe pse kryeministri ka postuar në të shkuarën foto nga negociatat e tij personale në Turqi për këtë çështje.