Blloku Ekonomi

Ekspertët e Crown Agents vitin që shkoi kryen një kontroll mbi veprimtarinë e flotës së anijeve shqiptare të peshkimit nga ku rezultoi se këto anije përdoreshin për importimin e sasive të mëdha të karburantit ‘duty free’ të ardhur nga portet e Italisë, Malit të Zi dhe Greqisë.

Të dhënat e marra nga Porti i Durrësit, Vlorës, Shëngjinit dhe Sarandës treguan që në periudhën 1 janar – 12 mars 2015, kishin hyrë rreth 2 milionë litra karburant ‘duty free’, ku çmimi i blerjes së karburantit ishte shumë herë më i ulët se sa ai i marrë prej burimeve të ligjshme shqiptare.

Kreu i Departamentit të Çështjeve Mjedisore në Partinë Demokratike, Jamarbër Malltezi, ka denoncuar përmes profilit të tij në “Facebook” një projekt që e sheh Gjiun e Vlorës  si hapësirë për shfrytëzim për akuakulturë. “Nuk ka mundesi te jene vec te cmendur. Gjithe Gjiri i Vlores po jepet per akuakulture PA ASNJE (i) vleresim strategjik mjedisor, (ii) vleresim te thelluar te ndikimit ne mjedis, (iii) vleresim te ndikimit kumulativ, (iv) batimetrise se Gjirit, dhe (v) ne dhunim te Direktives se Bashkimit Evropian! 438,880 m2 shfrytezim me 1 leje! 5 te tjera aplikuar”, shkruan Malltezi.

Dy përfaqësues të Shoqatës Gjermane të Industrisë dhe Tregëtisë në Shqipëri, Rolf Castro-Vasquez, president dhe Alexander Zsolnai, zëvendëspresident dhe Përgjegjës Thesari, kanë dhënë një intervistë për revistën ekonomike “Monitor” në të cilën japin disa mendime për klimën e biznesit në Shqipëri. Është folur gjatë për investimet e huaja direkte dhe qeveria është përpjekur të japë idenë se ato mungojnë sepse nuk ka treg pune dhe krah pune të kualifikuar. Për dy përfaqësuesit gjermanë ka edhe arsye të tjera: “Qeveria ka bërë përpjekje për të tërhequr Investime të Huaja Direkte.

Pajisja e qytetarëve shqiptarë me karta shëndeti duket se ka ecur mirë. Sipas Fondit të Sigurimit të Kujdesit Shëndetësor deri më tani janë pajisur me karya shëndeti 941 mijë e 954 qytetarë. “FSDKSH bën me dije se vetëm për periudhën 05 janar – 11 shkurt 2016, janë shpërndarë rreth 249,528 karta shëndeti, në të gjithë Shqipërinë, për të gjitha kategoritë përfituese të skemës së sigurimit shëndetësor, ndërkohë që gjatë gjithë vitit 2015 janë shpërndarë rreth 692,426 karta shëndeti.

Ka hyrë në fuqi ligji i ri për lojërat e fatit, që sanksionon detyrime të reja për subjektet dhe vendos masa kufizuese në përhapjen e tyre në territor. Kështu parashikohen distanca nga mjediset publike, apo edhe kushtëzime të forta për licencimin e kazinove. Ligji ishte iniciatvë e personalizuar e kryeministrit që ka hequr një bast të madh për goditjen e kësaj dukurie, duke shtrënguar masat fiskale. A do të ketë sukses? Kjo mbetet për t’u parë pasi nëse ka një biznes që lulëzon menjëherë në rrugë informale, ky është kumari.

Ka krijuar pështjellime nisma e qeverisë, konkretisht Ministrisë së Zhvilimit Ekonomik, për të detyruar bizneset që të anëtarësohen në një Dhomë të vetme. Përveç tarifave që do të japin sipas vendimit të Asambleve, kjo iniciativë e redukton përfaqësimin në një të vetëm, duke vendosur një monopol edhe mbi kritikën dhe kontestimin e nismave të caktuara të qeverisë. Mark Craëford i Dhomës Amerikane të Tregëtisë, thotë në një prononcim për “Vizion Plus”, se biznesi duhet të vendosë vetë se ku duhet të anëtarësohet. Më tej, Craëford shton se ky kuadër e vendos biznesin në kushte varësie.

Dështimi i shitjes së kolateraleve nga përmbaruesit i ka ngarkuar bankat me administrimin e qindra pronave, duke i kthyer ato në agjenci të mirëfillta imobilare. Shitja e pasurive të paluajtshme me ankand apo me marrëveshje dypalëshe për bankat është bërë kohët e fundit një çështje po aq e rëndësishme sa administrimi i kredive dhe depozitave. Madje kredia, si misioni kryesor bankar, thuajse ka “shteruar” dhe institucionet më të rëndësishme financiare në vend po investohen gjithnjë e më shumë për administrimin dhe shitjen e pronave të lëna peng për huat e pakthyera.

Kreu i Komisionit të Ekonomisë, Erjon Braçe, kërkon nga Ministria e Trasporteve Erjon Braçe liberalizimit të shërbimit të kontrollit teknik të mjeteve, ose siç njihet ndryshe kolaudimit të makinave. Sipas tij ideja pë r të vendosur targa me çip nuk është prioritet dhe pë rmë tepër është me kosto të madhe për xhepat e shqiptarëve.
“Kam dy jave qe degjoj: “Ka nje propozim per “targat me cip” dhe ne po e shqyrtojme”!!

Në një takim me zv/ministren e Financave, Irena Beqiraj përfaqësuesit e shoqërive të kasave fiskale, kanë shprehur shqetësimet e tyre lidhur me problematikën që kanë hasur në funksionimin e rrjetit aktual të kominikimit, i cili bazohet mbi teknologjine e vjetër GPRS të Deutsche Telekom Albania ose ish AMC-së.

Ministri i Transporteve Edmond Haxhinasto dha shpjegime në parlament për projektin e paisjes së targave të automjeteve me çip, për të cilin tha se është një ofertë e pakërkuar nga një kompani e huaj. Ai tha se pret mendimin e institucioneve të tjera si Komisioneri për të Dhënat Personale dhe Autoriteti i Konkurrencës për të vendosur nëse qeveria do të vazhdojë me projektin. Sipas tij, kriteri kryesor që do të merret parasysh do të jetë sa do i kushtojë çdo qytetari paisja me targa të reja, ku është i nstaluar një çip që sipas ministrit do të ketë rolin e monitoruesit të trafikut.