Blloku Ekonomi

Merr pjesë në një aktivitet për luftën kundër korrupsionit, por nuk ka asnjë të dhënë për shpërdorimet që dyshohet se i janë bërë fondeve të dhëna nga qeveria e tij, ambasadori austriak në Tiranë, Johan Satler ka deklaruar për “Tema TV” se nuk ka asnjë informacion mbi ecurinë e projektit e-tax, një sistem që ka kushtuar 16 milionë euro e që duhet të lehtësonte procedurat e deklarimit të biznesit. Për muaj të tërë është folur për probleme në sistem, për mosfunksionim të tij. Por asgjë nuk ka lëvizur nga vendi.

Një debat tjetër që pasqyron rivalitetin mes PS-së dhe LSI-së në qevrisjen e vendit është zhvilluar sot në Komisionin Parlamentar të Veprimtarive Prodhuese.

Në prezantimin e buxhetit, ministri i Transportit dhe Infrastrukturës, Sokol Dervishaj, ka folur për rritjel të tij, por ka vënë në dukje se vetëm 9% do të përdoret për rrugë të reja.

Ndryshon strukura drejtuese në administratën tatimore. Ikin drejtorët e Drejtorive të Kontrollit, Burimeve Njerëzore, IT-së, Ligjore, si dhe priten lëvizje në drejtoritë rajonale. Këto ndryshime po bëhen ende pa hyrë në fuqi struktura e re me ligj dhe të larguarit janë bashkëpunëtorë t ëish-drejtoreshës së tatimeve, Briseida Shehaj.

"TemaTv"

Drafti i ri për Ligjin i ri për Energjinë e Rinovueshme sjell ndryshime thelbësore në trajtimin e investimeve të ardhshme në këtë sektor, por njëkohësish prek edhe investimet ekzistuese, vlera e të cilave arrin në 400 milionë euro.
Një ndër elementët kryesorë që shqetëson investorët në draftin e ligjit është fakti se çmimi i blerjes që shteti u garanton prodhuesve të energjisë do të përcaktohet çdo vit nga Këshilli i Ministrave me propozimin e Ministrit të Energjisë dhe Industrisë.

Ministria e Mjedisit, që drejtohet nga Lëvizja Socialiste për Integrim, kundërshton propozimin për vendosjen e akcizës për gazin e lëngshëm që përdoret për makinat. Gjatë raportimit në komisionin parlamentar përkatës, ministri i Mjedisit, Lefter Koka, deklaroi se akciza dekurajon përdorimin e gazit, duke mos ardhur në përputhje me politikat e qeverisë për mjedisin.

Mbrojtja do t'i kushtojë qeverisë për vitin që vjen sa 1.1 % e Prodhimit të Brendshëm Bruto. Në buxhetin e vitit 2017, Ministria e Mbrojtjes merr këtë fond nga buxheti, ndonëse standardet e vendeve të NATO-s e kanë sa 2 % e Prodhimit Kombëtar.

Kryetari i këshilltarëve të PD në Bashki, Leonard Olli, denoncoi kryebashkiakun Erion Veliaj për afera klienteliste me projektin e parkingjeve me pagesë për banorët e Tiranës. Bazuar në investigime të medias, Olli tha se hartuese e këtyre projekteve është motra e një drejtori të bashkisë së drejtuar nga Veliaj.

Edhe pse Gjykata Kushtetuese pezulloi dy pika të nenit 6 të Ligjit për trajtimin dhe kompesimin e Pronës, Drejtoresha Agjencia e  Trajtimit të Pronës tha se kompesimi i pronave do të vijojë sipas formulës së qeverisë të lënë në fuqi nga Gjykata Kushteuese, e cila parashikonte vlerësim sipas statusit që pa patur prona në momentin e shpronësimit.

Qeveria Rama është akuzuar se nuk ka nxitur asnjë projetkt të ri infrastrukturor dhe se ka treguar shumë pak vëmendje ndaj rrjetit rrugor, për shkak të fokusimit në projektin e rilindjes urbane që ka të bëjë me qendrat e qyteteve. Sipas "shqiptarja.com" në Buxhetin e Shtetit, që u është paraqitur deputetëve të Kuvendit të Shqipërisë, është paraqitur edhe një platformë e detajuar për punimet në infrastrukturën rrugore të vendit.

Dy pika të ligjit “Për trajtimin e pronës dhe përfundimin e procesit të kompensimit të pronave” janë gjetur në shkejle nga Gjykata Kushuetuese e cila ka vendosur shfuqizimin e tyre. Bëhet fjalë për pikën 3 dhe 5 të nenit 6 të këtij ligji, që detyron pronarët që kanë përfituar vendim kthimi dhe kompensimi nga Agjencia  t’i kthejnë shtetit diferencën e  vlerës monetare, pas llogaritjes me formulen e re qe bazohet ne zërit kadastral që toka ka pasur në kohën e shpronësimit.