Blloku Ekonomi

Kryeministri i Kosovës, Isa Mustafa, ka kundërshtuar idenë e tregut të përbashkët ballkanik që është propozuar së fundmi pas hedhjes së tij në media nga kryeministri i Shqiipërisë, Edi Rama. Ideja kundërshtohet po ashtu edhe nga kreu i Odës Ekonomike të Kosovës, Safet Gërxhaliu. Gazeta “Koha Ditore” raporton se kundërshtimi i Mustafës lidhet me pozicionin e pafavorshëm të Kosovës  “e izoluar në mes të Ballkanit”, duke parashtruar këtu konsideratat politike përpara atyre ekonomike.

Palmat e thara të autostradës Tiranë – Durrës i kanë rënë në sy edhe Televizionit Publik Shqiptar që i ka kushtuar sot një kronikë të posaçme e me tone dramatike. 400 palma që kanë kushtuar 600 mijë euro do të hiqen përfundimisht pas nekrotizimit gradual që ka çuar dëm jetën e tyre, por edhe paratë e shqiptarëve. Pa asnjë shpjegim dhe pa asnjë argumentim. Një sillet sot në fakt nga TVSh, që i është drejtuar një inxhinieri pyjesh, Viktor Konomi.

Sot ambasada ruse në Tiranë ka shpërndarë dy njoftime për dy takime me rëndësi. Së pari është ai mes ambasadorit Aleksander Karpushin dhe kreut të Dhomës së Tregtisë dhe Industrisë së Tiranës z. Nikolin Jaka dhe zv.Presidenten e Shoqatës së Prodhuesve Shqiptarë znj. Donika Mici.

Kredia prej 100 milionë dollarë për qeverinë shqiptare nga Banka Botërore është dhënë si mbështetje buxhetore, pas fuqizimit të sistemit fianciar. Kështu e ka vlerësuar zëvendësministri I Financave, Erion Luçi, huanë me terma të butë të Bankës Botërore. Në një intervistë për "Tema Tv", Luçi thotë se ky fond pritet të ulë nivelin e kredive me problem, të rrisë kreditimin në ekonomi, por thekson se kjo kredi nuk ndikon në rritjen e borxhit, pasi ai është i parashikuar me ligj në buxhet.

Thellohet skandali me kompanine e nxjerrjes se naftes Bankers Petroleum. Nje tjeter raporti i Agjencise Kombetare te Burimeve Natyrore ka zbuluar se Bankers ka manipuluar dokumentacionin per te shmangur pagesen e taskes se tatim-fitimit edhe per vitin 2012, duke perdorur te njejten skeme evazioni si ne vitin 2011, vit per te cilin palet do te perballen ne Arbitrazh. AKBN thote se nga nje autidimi i saj rezulton se Bankers Petroleum ka raportuar vetem humbje ne bilancet e saj vetem per te mos paguar tatim fitimin ne buxhetin e shtetit shqiptar.

Biletat nga aeroporti “Nënë Tereza” do të jenë edhe më të shtrenjta. Shkak për këtë është rritja e taksës së terminalit nga agjencia e kontrollit të ajrit Albcontrol për çdo avion që ulet në pistë.Njoftimin që në fakt duhet ta bënte qeveria, e ka bërë Eurocontrol, institucioni që menaxhon rrjetin ajror në Europë. Duke iu referuar këtij dokumenti Tv Klan raporton se nga 158.7 euro për fluturim që ishte më parë, kjo tarifë ka shkuar në 202 euro.

Kryeministri Rama tha në një intervistë në Top Story se "ka edhe qarqe që nuk jetojnë për t’i bërë mirë Shqipërisë", madje do ta dëshironin që në Shqipëri të ndodhnin gjëra që i shkojnë kundër një procesi, të cilin kryeministri e quan drejtim të gabuar, duke marrë përsipër të flasë në emër të partnerëve strategjikë të vendit.

Tingëllon e pabesueshme që një vend që përjeton periudhën më të vështirë ekonomike në historinë e tij pas Luftës së Dytë Botërore të ketë dërguar në Shqipëri gati gjysmë miliardë dollarë, por është e vërtetë. Në vitin 2015 ku përmes kontrolleve të kapitalit, grekët nuk mund të  përmbushnin angazhimet e tyre me kosto mbi 60 euro, emigrantë shqiptarë dërguan në Shqipëri remitanca që arrijnë në 480 milion $, sipas Pew Research Center.

30 mijë shqiptarë nuk kanë marrë asnjë kacidhe nga sigurimet që ata kanë paguar për automjetet e tyre. Kështu raporton sot Vizion Plus që ngre një çështje e cila kërkon trajtim urgjent. Sipas deputetit socialist, Ervin Bushati, që është prononcuar, ndërhyrjet ligjore nuk kanë sjellë përmirëism të situatës dhe për rrjedhojë borxhi është rritur, por edhe të drejtat e qytetarëve janë cenuar. AMF-ja në krye të së cilës ishte deri së fundmi, Enkeleda Shehi, është një ent skandaloz që bën sehir.

Rritja e përdorimit të monedhës euro në ekonomi, sidomos atë atë informale ka shqetësuar Bankën e Shqipërisë, e cila ka nisur punën për të bërë një plan masash në mënyrë që të ulë përdorimin e kësaj monedhe në tregun shqiptar. Ndikim të madh në këtë fenomen dyshohet se kanë patur edhe flukset financiare nga trafiku i kanabisit, për të cilat OSBE tha se janë në qarkullim rreth 2 miliardë euro.