Blloku Ekonomi

Para disa ditësh u bë e njohur se në Maqedoni kompania amerikane e prodhimit të sediljeve “Adient” hapi një fabrikë në zonën industrial të Strumicës. Vetë përfaqësuesi i saj ndër të tjera tha:

“Një vit më parë ne njoftuam ndërtimin e fabrikës tonë dhe sot po qëndrojmë përpara saj. Ky investim është një tjetër provë e qartë e synimeve tona për të investuar në Maqedoni dhe një hap i rëndësishëm në zgjerimin e rrjetit tonë në Europë, duke ofruar produkte të ndryshme të bazuara në cilësi, teknologji dhe rezultat për klientët tanë”.

Këto dy ditë u publikua një investigim i Fiks Fare(http://www.respublica.al/2017/06/20/lushnje-beratstimulant%C3%AB-dhe-hor...) për atë që ndodh në fushat bujqësore të Lushnjes dhe Beratit, prej nga ku vijnë disa ushqime në tryezën tonë. Ngjyrosje, hormone, përdoren pa kriter. Dhe në fund edhe dollia e fermerit që po fliste pa e ditur se po regjistrohej: Unë fëmijëve të mi nuk u jap as domate, as shalqi.

Deklarata e djeshme e kryeministrit për legalizimet, pra se procesi në fjalë ka ecur shumë shpejt, por qytetarët bllokohen në Hipotekat e kontrolluara nga LSI, kaloi jo pa zhurmë. Një shashkë që dëshmn se Edi Rama nuk ka patur kontrollin e qeverisë së vet, ndonëse në katër vjet thoshte se “po bëjmë shtet”.

Banka Botërore dhe Fondi Monetar Ndërkombëtar kanë filluar punën intensive për të krijuar një treg të ri të mënyrës se si do të blihet borxhi i qeverisë shqiptare. Në parashtrimet që këto dy institucione i kanë dhënë Ministrisë së Financave dhe Bankës së Shqipërisë, propozojnë që tregu primar i bonove të thesarit, të mos blihet nga të gjitha bankat dhe qyetarët, por të përzgjidhen 5 prej tyre të cilat marrin borxhin në shumën që e kërkon qeveria dhe më pas e shesin në institucione të tjera.

Një punë në javë. Këtë premton Bashkia e Tiranës ndër të cilat mesa duket ka disa konstante për të cilat nuk ka kompromis.  Një prej tyre është edhe mbifaturimi i ujit që në disa zona është problematik. Televizioni Publik Shqiptar raporton sot se ankesat vijojnë, edhe pse pas një proteste të shkurtit në Kombinat, u premtua zgjidhja.

Prokuroria e Tiranës ka sekuestruar të gjithë dokumentacionin e nevojshëm për hetimin e tenderit të zhvilluar për rikonstruksionin e ish-hotel “Dajtit”, tender i kryer nga Banka e Shqipërisë. Hetimi është nisur pas një padie të shoqatës së ndërtuesve, ndërkohë që siç raporton Vizion Plus, prokuroria po heton edhe për akin e blerjes së ish-hotelit nga Banka në shumën e 30 milionë eurove.

Prodhimi i energjisë nga dielli dhe era është një formë alternative që tashmë po aplikohet në vendin tonë. Enti Rregullator i Energjisë ka nisur procedurat për përcaktimin e çmimit e blerjes së energjisë së prodhuar nga dielli dhe era,  në përputhje me çmimin e mesatarizuar për vitin 2017.

Prokuroria e Tiranës ka filluar hetimet për tenderin për rikonstruksionin e ish–Hotel Dajtit, një projekt që kushton 16 milionë euro. Organi i akuzës do të hetojë për dy akuza të rënda: atë të shkeljes së barazisë në tendera dhe atë të shpërdorimit të detyrës, raporton Tv Klan. 

Banka e Shqipërisë ka dalë dje me një deklaratë të posaçme përmes së cilës jep versionin e saj pëër rikonstruksionin e hotel “Dajti”. Rikonstruksion që sipas saj do të kushtojë 16 milionë euro, në sajë të rivlerësimeve që iu bënë shifrës fillestare prej 18 milionë eurosh.

Ministria e Transportit ka shpallur fituesin e garës për shërbimin e konsulencës lidhur me projektin e koncesionit të autostradës Milot-Morinë, kompaninë “DOLSAR Engineering Inc. Co”. Ky dikaster ka publikuar dje njoftimin se fondi limit për këtë shërbim do të jetë 485 milionë lekë (3.6 milionë euro), pa përfshirë vlerën e TVSH-së, financuar nga Buxheti i Shtetit dhe Kompania Koncesionare, nga 50% secili, për një periudhë 5-vjeçare.