Blloku Ekonomi

Qeveria shqiptare ka bërë një ndryshim të rëndësishëm në Rregulloren e Planifikimit të Territorit, duke lejuar që  intensiteti i ndërtimit dhe koeficienti i shfrytëzimit të tokës në nivel zone të banuar të rriten mbi atë ekzistues, pavarësisht nivelit të urbanizimit. 
Një ndryshim tjetër, po kaq i rëndësishëm është ai që lidhet me brezin rrethues të objekteve që janë klasifikuar si monumente kulture. Rregullorja e re ka hequr kufizimin e ndalimit në një brez më pak se 100 metra.

Të mërkurën ishte 12 mijë dollarë, sot 16 mijë dollarë. Në vitin 2011 vlente më pak se një dollar. Është fjala për monedhën virtuale Bitcoin që po pështjellon të gjitha tregjet dhe sidomos analizat që bëhen mbi sigurinë dhe të ardhmen e saj.

Nobelistë dhe jko nobelistë, ekspertë dhe njerëz të tregut janë të ndarë mbi atë që përfaqëson në të vërtetë për ekonominë dhe financën monedha virtuale, emetimin e së cilës tani kanë nisur ta bëjnë edhe shtetet.

Sindikata e taksive proteston ndaj vendimeve të Bashkisë së Tiranës, që sipas tyre, favorizon mjetet e palicencuara. Prononcohen për TemA TV, kreu i sindikalistëve, Bilbil Cara dhe kreu i shoqatës së taksistëve, Petrit Bardhi.

Kompanitë e sigurimeve duket se nuk ndajnë të njëjtin qëndrim për sigurimin e detyrueshëm të banesave që u hodh si ide nga kryeministri Edi Rama dhe u mbrojt një ditë më pas nga drejtuesi i kompanisë, Sigal, Avni Ponari. Në një kronikë të TemaTv, përcillet një opinion i ndryshëm nga një tjetër kompani, që sugjeron sigurim të pjesshëm. Lidhur me këtë çështje, kreu i Komisionit të Veprimtarisë Prodhuese, Eduard Shalsi, ka folur për TemaTv, duke nënvizuar se në vështrimin e qeverisë, opsioni I sigurimit të detyrueshëm është më i mundshmi.

Sindikata Shqiptare e Taksive ka thirrur një protestë të mërkurën kundër vendimeve arbitrare sipas tyre të kryetarit të Bashkisë së Tiranës, Erion Veliaj për çmimin e taksimetrave apo vitin e prodhimit të taksive që duhet të jenë në qarkullim. Përmes një njoftimi sindikata u ka bërë thirrje të gjithë drejtuesve të taksive por edhe qytetarëve t’i bashkohen kësaj proteste, duke akuzuar Veliajn se favorizon miqtë dhe klientët e tij.

Shërbimi doganor sot rrezikon të monopolizohet nga kompani të fuqishme me mbështetjen e qeverisë, sipas një marrëveshjeje të heshtur që ka nisur dy vite më parë. Eksperti i Ekonomisë, Zef Preçi komenton për Tema TV se si oligarkët po marrin në heshtje këtë shërbim, duke shënuar fundin e lirisë së tregut.

TemaTV

Ajo që përflitej se qeveria po shqyrton një draft për sigurimin e detyrueshëm të banesave është konfirmuar edhe zyrtarisht nga vetë kryeministri. Në mbledhjen e Shtabit të Emergjencave që u transmetua direkt në kanalin ERTV, kreu i qeverisë la të kuptohet se ky është viti i fundit që shteti do kompesojë dëmet e përmbytjeve, pasi me hartimin e një nisme të re ligjore për sigurimin e detyrueshëm të banesave dhe bizneseve këto dëme do përballohen nga vetë qytetarët.

Kriteret ekonomike dhe elementet mjedisorë do të merren parasysh për vlerësimin e ofertave që lidhen me eksplorimin e hidrokarbureve në detin Jon dhe  në Kretë. Sipas njoftimit të publikuara dje në Fletoren Zyrtare të Bashkimit Evropian ofertatto do të hapen pas interesit të shprehur nga: The Oil & Gas Energean për zonën e detit në detin Jon dhe konsorciumit Total - ExxonMobil - Greek Petroleum për zonën e Kretës.

Përmbytjet po tregojnë se dëmet mund të jenë kolosale, në krahasim me fondin që ka në dispozicion qeveria për emergjencat civile. Megjithëse është herët të flitet për shifra, shuma e vënë në dispozicion nuk është premtuese. Nga ana tjetër edhe pse është pranuar se Shqipëria hyn në zonat e rrezikut, fondet për emergjergjencat janë ulur.

TemaTv

50% e transportit të udhëtarëve që lëvizin mes Shqipërisë dhe Greqisë kryhet në kushte informale. Revista ekonomike “Monitor” sjell përmes një shkrimi të djeshëm një situatë të pazakontë të krijuar për operatorët shqiptarë të cilët i kërkojnë ndihmë shtetit shqiptar që të ndërhyjë.