Blloku Bota

Sot Clinton merr pjesë dhe nxit rinumërimin.

Çështja e zgjedhjeve është rihapur në Shtetet e Bashkuara të Amerikës pas një kërkese për rinumërim të Jill Stein e të gjelbërve në Wisconsin. Lajmi ishte se Stein mblodhi shumë shpejt para për një kohë shumë të shkurtër, rreth 6 milionë dollarë, për të mbështetur kostot e rinumërimit. Ata që mbështesin kandidaten Stein flasin se këtu është fjala më tepër për parimet sesa për të ndryshuar diçka në rezultat. Stein dhe Gary Johnson morën gjithësej 7 milionë vota në planin kombëtar, por në Wisconsin, sikurse në disa shtete të tjera, diferenca mes dy kandidatëve kryesorë ishte shumë e vogël.

Rusia i bashkohet vendeve që aplikojnë masa sigurie në funksion të krijimit të një baze të dhënash të zgjaruar dhe me akses të shpejtë. Agjencia “Interfax” njofton se së shpejti në të gjithë aeroportët e Moskës do të aplikohet dhënia e gjurmëve të gishtërinjëve për të gjithë qytetarët e huaj që hyjnë në vend. Aktualisht gjurmët e gishtërinjve kërkohen vetëm për disa kategori njerëzish që aplikojnë për leje pune. Po kështu qytetarët e Britanisë së Madhe, Danimarkës, Birmanisë dhe Namibisë i janë nënshtruar këtij detyrimi që nga viti 2004.

Babai i Revolucionit Kuban, Fidel Castro ka vdekur natën e së premtes në Havanë në moshën 90 vjeçare. Njoftimin e bëri presidenti i Kubës dhe vëllai i tij Raul Kastro, i cili pasoi atë në pushtet në vitin 2006. "Komandanti i Revolucionit Kuban vdiq në 22:29 në mbrëmje"- ka thënë Raul Castro në fjalimin e tij që u transmetua drejtpërdrejt nga televizioni publik në Kubë. Me dëshirën e tij trupi do të digjet.

Një organizatë joqeveritare në Rusi e angazhuar për Kujtesën, ka publikuar së fundmi një bazë të dhënash për shërbimin sekret sovjetik të kohës së Josif Stalinit. Ajo përfshin të dhëna për periudhën 1935-1939, që njihet si Terrori i Madh, dhe është publikuar në faqen online të organizatës.

Në versionin e saj online Süddeutsche Zeitung e Mynihut ka botuar një analizë të gjerë të Christiane Schlötzer me titullin karakteristik, "Erdogan dhe kufijtë e zemrës së tij. Bëhet fjalë për kritikat e përsëritura të dy muajve të fundit nga presidenti i Turqisë përvtratatin e Lozanës të vitit 1923, i cili përcaktoi kufijtë e Turqisë moderne.

Kundër reformave të propozuara nga qeveria italiane në referendumit kushtetues të 4 dhjetorit ka dalë revista The Economist.
Sipas saj Italia, ka vërtet nevojë për reforma, por jo për ato të propozuara nga qeveria Renzi. The Economist shkruan se një dorëheqjen e mundshme e kryeministrit të qendrës së majtë të Italisë nuk do të ishte një tragjedi, nga momenti që sipas saj mund të formohet një qeveri teknokrate, ashtu si shumë herë në të kaluarën.

Parlamenti Europian ka votuar me shumicë votash ngrirjen e negociatave të anëtarësimit për Turqinë. Vendimi është argumentuar me “masat joproporcionale repressive” që Ankaraja zyrtare mori kundër gazetarëve, gjyqtarëve, akademikëve, ushtarakëve pas dështimit të grushtit të shtetit të korrikut. Janë arrestuar më shumë se 37 mjë njerëz, një shifër që nuk përligj asnjë sekret për ekzistencën e një grushti shteti, që rëndom ideohet, vihet në jetë dhe menaxhohet nga një grusht njerëzish.

Pasi një profesor i Universitetit të Miçiganit publikoi një studim, sipas të cilit ka gjasa të mëdha që makinat elektronike të votimit në Pensilvani, Uiskonsin dhe Miçigan të jenë hakeruar, kandidatja presidenciale e të gjelbërve, Jill Stein ka grumbulluar 2 milionë dollarë, për të kërkuar rinumërimin e votave në këto shtete, ku Trumpi fitoi me një diferencë fare të vogël votash.