Blloku Bota

Mediat serbe rasportojnë se SHBA do të dislokojë në Kosovë edhe 130 trupa të tjerë, që janë pjesë e Batalionit të Parë të Tupelos në Misisipi. Ata konsiderohen shumë të stërvitur për reagime emergjent dhe në këtë kuptim vlerësohet se lëvizja amerikane synon të japë një mesazh për  politikanët në rajon. Sipas gazetës serbe “Blic” trupat po mësojë shqip dhe serbisht dhe po instruktohen mbi Ballkanin. Sipas kësaj gazete trupat do të dislokohen në territor si pjesë e KFOR-it dhe do të qëndrojnë 10 muaj në Kosovë.

Bashkimi Europian ka refuzuar ofertën e Pekinit zyrtar për atë që quhet si revolucioni global infrastrukturor. Sipas vendeve anëtare oferta miliardëshe e Kinës nuk merr parasysh problemet e mjedisit dhe ato sociale dhe se ajo nuk ka transparencë. Gazeta britanike “The Guardian” citon një diplomat të lartë të BE-së të jetë shprehur se BE-ja e miraton këtë projekt dhe mendon se ai do të ketë sukses vetëm nëse bazohet në transparencë, partneritet.

Presidentit amerikan, Donald Trump dhe homologu turk Rexhep Taip Erdogan u takuan për rreth 25 minuta në Shtëpinë e Bardhë, ku më pas dolën në një konferencë të përbashkët për shtyp. Trump përsëriti mbështetjen e plotë për luftën e Turqisë kundër terrorizmit dhe vlerësoi presidentin turk, Erdogan. Megjithatë shefi i Ankarasë ishte dukshëm i pakënaqur me ndihmën ushtarake të SHBA-ve ndaj kurdëve sirianë, të cilët Turqia i konsideron terroristë.

Bashar al Assad duket se ka fituar edhe në luftën e nervave. I qetë në kontrollin e vendit pavarësisht asaj që po ndodh, i qetë dhe i ftohtë në lëvizjet ushtarake, në likujdime, në asgjësime, Assad ngjan se është aty për të mos ikur. Armiku më i madh i tij sot, Izraeli, thuhet se ka investuar shumë për nxjerrjen e tij dhe dinastisë që përfaqëson nga skena politike, por nuk ja ka dalë. Sot ministri i Ndërtimit të Izraelit, Yoav Galant(Kulanu) ka deklaruar se “ka ardhur koha që Assad të vritet”.

Kundërshtimi i establishmentit, i këtij rendi politik ku kalon dhe kufizohet jeta jonë, duket se po kthehet në dukuri globale. Kjo është krizë që manifeston dëshirën për të rithemeluar marrëdhënien në një botë ku po bëhet e qartë se elita përherë e më të ngushta kontrollojnë shumë më tepër sesa elitat e djeshme. Nuk është immune ndaj kësaj dukurie as SHBA, vendi ku demokracia dhe liria artikulohen si premisa dhe kufij të sistemit politik.

Marijana Toskoviç, një agjente e pasurive të patundshme në Mal të Zi, ka arsye për të qenë kundër hyrjes së vendit të saj në NATO. Ajo varet nga klientët nga Rusia për më shumë se gjysmën e të ardhurave të saj, teksa qeveria ruse po u kërkon qytetarëve të saj që të mos udhëtojnë në Mal të Zi.Opozita kërkon ta bashkojë Marijanën me pothuajse gjysmën e qytetarëve të ish-republikës së Jugosllavisë, të cilët sipas sondazheve  janë të ndarë për bashkimin me aleancën ushtarake, duke pasur parasysh historinë e hidhur të konflikteve në Ballkan.

Ministri i jashtëm austriak, Sebastian Kurz u zgjodh kryetar i Partisë Konservatore të Austrisë, duke kërkuar shpërbërjen e menjëhershme të Parlamentit dhe mbajtjen e  zgjedhjeve të parakohshme parlamentare. Kurt njoftoi se  do të takohet me Liderin e Social Demokratëve Kristian Kern dhe Presidentin Alekander van der Belen për të diskutuar mbi propozimin e tij për zgjedhje të parakohshme.

“Rand Corporation” i ka lënë hapësirë këto ditë një paralajmërimi për diçka të pazakontë që mund të ndodhë në politikën iraniane. Presidenti i Iranit, Hasan Rouhani, mund të mos fitojë dot një mandat të dytë, duke thyer një traditë që vijon pa ndërprerje që nga viti 1981.

Shkarkimi i kreut të FBI-së, James Comey, nuk po kalon aq lehtë sa ndoshta presidenti Trump mendonte. Pakkush beson se shkarkimi i tij nuk lidhet me hetimin e FBI-së për marrëdhëniet me Rusinë gjatë zgjedhjeve, ndërkohë që vetë akti po vlerësohet si i dëmshëm në raport me demokracisë amerikane.

Marrëdhëniet mes SHBA-ve dhe Rusisë nuk kanë qenë asnjëherë më të këqija se kaq që pas Luftës së Ftohtë. Kështu deklaroi kreu i diplomacisë amerikane Rex Tillerson në një intervistë për rrjetin televiziv NBC, duke thënë se niveli i besimit mes dy shteteve është shumë i dobët. "Ne mendojmë se në përgjithësi kjo situatë nuk  është e shëndetshme për botën. Dhe sigurisht që nuk është e shëndetshme për ne, qytetarët amerikanë, interesat tona në fushën e sigurisë kombëtare"- theksoi sekretari amerikan i Shtetit.