Blloku Bota

Demokratizimi dhe hapja, ja dy mjete me të cilat mund të kërkosh zgjerim të lirive, por që në një pikëpamje mund edhe të destabilizosh regjime të caktuara politike. Perëndimi nuk ka patur ndonjëherë në dispozicion asnjë mjet më efikas gjeopolitik sesa promovimi i ideve liberale. 

Në emër të tyre kanë zbritur në sheshe mijëra njerëz që kanë tentuar ndryshime radikale politike të cilat janë përqafuar më shumë si receta ideale sesa janë imponuar si shprehje e një vullneti të brendshëm. 

Serbia ka paralajmëruar sot Bashkimin Europian se do të tërhiqet dhe nuk do të njohë më detyrimet që rrjedhin nga Marrëveshja e vitit 2013 me Kosovën mëse Unioni nuk reagon ndaj deklaratave të fundit të presidentit të Kosovës Hashim Thaçi. Ky i fundit u shpreh dje se nuk do të miratojë krijimin e Asosacionit të Komunave Serbe që është detyrim i marrëveshjes. 

Në një prononcim për mediat serbe, presidenti serb, Aleksandër Vuçiç ka vënë në dukje se qëndrimi i Thaçit ka kaluar pa asnjë reagim nga Brukseli, që po rrëshqet kështu në vijat e fundit të besueshmërisë së vet. 

Kina e konsideron sjelljen e ShBA-me me provokimin e luftës tregëtare një aspekt të terrorizmit ekonomik. Situata e krijuar me kompaninë Huawei duket se mbushi kupën e durimit kinez, pas një serie masash të presidentit amerikan Donald Trump që duket se ka zhvendosur luftën e armatosur ndaj armiqve të Lirisë në sektorin ekonomik. 
Zv. ministri i Jashtëm kinez, Zhang Hanhui, deklaroi para gazetarëve se Kina nuk e dëshiron një luftë tregëtare por nuk i druhet asaj. 

Izraeli i drejtohet sërish zgjedhjeve. Mediat e huaja raportojnë se Beniamin Netanyahu nuk ka arritur të krijojë koalicion qeverisës për shkak të kundërshtimeve mes tij dhe partive ultra ortodokse hebreje si dhe ish-ministrit të Mbrojtjes, Avigdor Lieberman. Netanyahu, që shpalli veten fitimtar në zgjedhjet e 9 prillit kishte afat deri në mesnatën e të enjtes, por nuk ja doli. Për këtë arsye Parlamenti votoi shpërndarjen. 

Donald Tusk, aktualisht Kryetar i Këshillit të BE-së është ngarkuar me detyrën e seleksionimit të kandidaturave për drejtimin e institucioneve kryesore të unionit. 

Drejtuesit kryesorë të qeverive anëtare të BE-së kanë kërkuar nga Tusk që të konsultohet me Parlamentin Europian dhe kryeministrat përkatës për këtë proces për shkak se zgjedhjet e fundit europiane nuk rezultuan me një shumicë të qartë. 

Zëdhënësi i KFOR-it, Vincenzo Grasso, ka hedhur poshtë pretendimet e palës serbe për tensionet e djeshme në Veri të Kosovës. Në një prononcim për televizionin serb, Prva, Grasso se situata është nën kontroll dhe se ndërhyrja e policisë kosovare erdhi në zbatim të urdhër arresteve nga autoritetet. 

Policia kosovare është përgjegjëse për sundimin e ligjit. Dhe kur ajo zbaton detyrat e veta nuk ka nevojë për leje shtesë

është shprehur Grasso. 

Kompania kineze e teknologjisë Huawei ka vendosur të kundërshtojë në rrugë ligjore vendimin e qeverisë amerikane për të ndaluar përdorimin e pajisjeve të kompanisë për të gjitha agjencitë federale dhe kontraktorët e tyre. Ankimi i Huawei është depozituar në gjykatën e Teksasit dhe përmes tij kompania kërkon shpalljen si antikushtetues të Aktit për Autorizimin e Mbrojtjes Kombëtare 2019.

Sebastian Kurz humbi përfundimisht humbi votëbesimin pas mocionit që kërkuan të hënën në parlamentin austriak parti të vogla opozitare. Kancelari autriak aktualisht është në krye të një qeverie teknike e cila çojë vendin në zgjedhje. Ministrat në largim të Partisë së Lirisë janë zëvendësuar nga nëpunës civilë.

Partia Konservatore Kurz triumfoi në zgjedhjet evropiane të së dielës, pavarësisht skandalit me videon e zv/kancelarit që çoi në kolaps qeverinë e tij të koalicionit.  Christian Strache dha dorëheqjen nga të gjitha postet e tij politike.

Kancelarja Merkel komentoi rezultatet e mira  të të Gjelbërve në zgjedhjet evropiane, duke thënë se ata zgjodhën tema me interes për qytetarët, sicc është diskutimi mbi ndryshimet klimatike.

Në një intervistë për CNN ajo tha se  në Gjermani dhe në vendet e tjera duhet bërë më shumë që që "forcat e errëta të mos gjejnë mbështetje".

Matteo Salvini është njeriu i ditës në Itali.  Zgjedhjet europiane kanë konfirmuar kreun e Legas si politikanin më të rëndësishëm, aq sa mediat italaine e kanë shpallur de facto kryeministër. 

Krahas tij edhe politikania e djathtë Giogia Meloni dhe Berlusconi kanë njohur rritje. Në skenë ka ridalë Partia Demokratike kurse lëvizja “Pesë Yjet” ka marrë goditje. Kreu i kësaj të fundit, Luigi Di Maio ka njohur humbjen duke vënë gishtin mbi pjesëmarrjen e ulët të mbështetësve të së majtës, por ka refuzuar të japë dorëheqjen.