Blloku Bota

Donald Trump ka dalë i pastër nga hetimi i Prokurorit të posaçëm, Robert Mueller. Mediat kryesore të huaja, mes të cilave edhe ato që kanë qenë hapur kundër presidentit aktual amerikan, kanë qenë të detyruara të raportojnë se raporti i Mueller nuk ka nxjerë asnjë implikim për bashkëpunimin e fshehtë të Trump me Rusinë gjatë fushatë presidenciale të vitit 2016.

Sekretari i Përgjithshëm i NATO-s, Jens Stoltenberg zbuloi se arsyeja kryesore që çoi në pezullimin e bashkëpunimit me Rusinë, ishte aneksimi i Krimesë nga Rusia.

Në një intervistë të gjatë për agjencinë ruse të lajmeve Interfax me rastin e 70-vjetorit të Aleancës së, Stoltenberg raportoi gjerësisht mbi marrëdhëniet Rusi-NATO.

Ai vuri në dukje se NATO nuk dëshiron të izolojë Rusinë në një garë të re armartimi të luftës së "ftohtë", duke u treguar kategorik se Aleanca kurrë nuk do të njohë aneksimin e Krimesë nga Rusia.

Deklaroi tërheqjen nga Siria dhe për këtë u kritikua ose u analizua gjerë e gjatë. Por presidenti amerikan Donald Trump nuk ka munguar të ofrojë surprizën e radhës duke sfiduar një realitet ndërkombëtar në Lindjen e Mesme. Përmes një statusi në tuiter, Trump shkruan se ka ardhur koha që Lartësitë Golan t’i njihen Izraelit si territor i vet. Sipas tij kjo rrafshnaltë ka rëndësi për paqen rajonale.

Serbia shikon tek Shqipëria dhe Kroacia dy shtete që po sabotojnë stabilitetin rajonal. Milorad Drecun, kreu i Komitetit Parlamentar serb për Kosovën dhe Metohinë i tha televizionit Pink se vendimi për të zhvilluar sëtërvitje ushtarake mes forcave ushtarake të Shqipërisë dhe Forcës së Sigurisë së Kosovës, përvën provokim dhe kërcënim për serbët. 

Federata Ruse ka njohur Republikën e Maqedonisë së Veriut me emrin e ri kushtetues. Ndonëse kundërshtoi Marrëveshjen e Prespës që përcaktoi këtë ndryshim, Moska zyrtare nuk ka vonuar që të reflektojë vendimin e ri. Vendimi i Rusisë dëshmon një shenjë realizmi në politikën e Jashtme, sidomos nisur nga fakti se ajo nuk e ka njohur asnjëherë Maqedoninë me emrin ndërkombëtarr, i cili që nga shpërbërja e ish-Jugosllavisë u njoh me emrin: Ish-Republika Jugosllave e Maqedonisë.

Nënshkrimi këtë të mërkurë në Jeruzalem i  marrëveshjes mes Greqisë, Qipros dhe Izraelit për gazjellësin East-Med po ndryshon hartën gjeostrategjike të Mesdheut Juglindor.

Prania e sekretarit amerikan të Shtetit në firmiosjen e marrëveshjes ndërqeveritare sipas analistëve është një sinjal i qartë  për rolin e tre vendeve nënshkruese në çështjet e sigurisë në rajon.

Sulmet ajrore amerikane në Somali, numri i të cilëve është "rritur ndjeshëm"  dy vitet e fundit, kanë vrarë shumë civilë përveç luftëtarëve të organizatës Al-Shabab, të akuzuar se janë të lidhur me Al Kaedën.

Sipas OJQ-ve që mbrojnë  të drejtat e njeriut, nga prilli 2017 ka pasur mbi 100 sulme me avionë telekomanduar  pa pilot, disa herë  më shumë se në Libi dhe Jemen së bashku.

Presidenti 78 vjeçar i Kazakistanit, Nursultan Nazarbayev ka dhënë dorëheqjen pas 30 vjetëve në pushtet.

Kam marrë një vendim që nuk ishte i lehtë për mua, që të dorëhiqem si president. Si themelues i pavarësisë së Kazakistanit e shoh detyrën time te lehtësimi i ngjitjes së një brezi të ri liderësh që do të vazhdojnë reformat që janë duke u kryer në vend

tha ai në një mesazh televiziv.

Fabrika e kompanisë Volkswagen që aktualisht operon në Ukrainë mund të zhvendoset në Serbi. Lajmi konfirmohet nga mediat serbe që citojnë importuesin e Skodës, Milenko Kostiç  sipas të cilit një ndër arsyet pse kompania gjermane mendon të largohet nga Ukraina është mospërmbushja e objektivave të paravendosur.

Kostiç deklaron se është kontaktuar nga ekipi i menaxhimit nga Skoda dhe Volkswagen të cilët i kanë kërkuar një vlerësim për klimën e biznesit në Serbi.

Kryeministri i Maqedonisë së Veriut, Zoran Zaev, i cili para pak ditësh ishte në Tiranë, deklaroi se  nëse kandidati për president i koalicionit qevrisës, Stevo Pendarovski humbet përballë kandidates së mbështetur nga opozita,  Gordana Siljanovska-Dankova, atëherë  ai do ta çojë vendin në zgjedhje të parakohshme.