Blloku Bota

Kryeministrja britanike Tereza Mei mund të përballet me mocion mosbesimi në parlament, pasi  anëtarë të Partisë Konservatore pritet të dorëzojnë 48 firmat e nevojshme për të vënë në lëvizje procedurën parlamentare.

Duke cituar burime nga kampi i Brexit, Daily Telegraph thotë se votimi për mocionin mund të ndodhë të martën që vjen.

Sipas kësaj gazete, partia irlandezoveriore e DUP deklaroi se marrëveshja me Partinë Konservatore do të anullohet nëse kryeministrja e Britanisë Tereza Mei nuk zëvendësohet me një udhëheqës të ri.

Departamenti i Shtetit përgënjeshtron lajmin e dhënë nga NBC se Shtëpia e Bardhë është duke kërkuar rrugë ligjore për dëbimin nga SHBA të imamit, Fethullah Gylenit, të cilin Ankaraja akuzon si orkestrues kryesor të grushtit të dështuar ushtarak.

"Më lejoni të shtoj se, nga bisedat që kam bërë me disa kolegë, Shtëpia e Bardhë nuk ka marrë pjesë në ndonjë diskutim mbi çështjen e Fethullah Gylenit"- tha zëdhënësi i Departamentit amerikan të Shtetit, Heather Naouert.

Propozimi i kryeministres britanike Tereza Mei  për marrëveshjen e Brexit mund të çojë në shpërbërjen e Mbretërisë së Bashkuar. Kjo pasi Irlanda e Veriut do të gëzojë trajtim të diferencuar. Këtë deklaroi për rrjetin e radio BBC deputet i Partisë Demokratike Sindikaliste (PDU) të Irlandës së Veriut, Jeffrey Donaldson.

“Tensionet për shpimet detin e Qipros  Gazi duken po aq" shpërthyese sa  depozitat që mund të gjenden në pjesën e poshtme të Mesdheut Lindor"- shkruan në edicionin online gazeta zviceriane, Neue Zürcher Zeitung në artikullin me titull, “Kërkimet rindezin problemin e Qipros".

Gazeta zvicerane vëren se ka pak gjasa që Ankaraja të ndërhyjë me mjete ushtarake për të penguar interesat amerikane në Mesdheun Lindor dhe shpimet që po kryen Exxon Mobil dhe anija e saj IceMax.

Një flamur i Kosovës i vendosur në ceremoninë përkujtimore të Luftës së Parë Botërore në Paris ka provokuar incident diplomatik mes Serbisë dhe Francës, 
Ambasadori francez në Beograd, Frederic Mondoloni citohet të ketë kërkuar falje ndaj presidentit serb Aleksander Vuçiç dhe popullit serb. Gjatë një interviste për Prva Tv,  Mondoloni u shpreh më tej se Franca është shumë e afërt me Serbinë. 

Të tjera detaje shokuese kanë dalë në dritë nga momentet e fundit të gazetarit suudit, Jamal Khashoggi, i vrarë pas hyrjes në konsullatën e Arabisë Saudite në Stamboll.

Shefi i departamentit të gazetarisë investigative të gazetës turke Sabah, shkruan se para të linte frymën në në ndërtesën e konsullatës, gazetari u kishte kërkuar agjentëve që  t’i hqinin nga koka një qese që i kishte marrë frymën. “Po mbytem, ma hiqni këtë qese nga koka, jam klaustrofobik”-mësohet t’u ketë thënë Kasogi, agjentëve që e rrethonin.

Donald Trump mund të përballet me pikëpyetje të shumta pas "stuhisë" në zgjedhjet e mesmandatit, por presidenti i SHBA e kaloi fundjavën  me politikanët evropianë  të cilët po ashtu ballafaqohen me  “demonët” e tyre.

I shoqëruar nga bashkëshortja e tij Trump ishte i "pranishëm" në festimet për 100 vjetorin e fundit të Luftës së Dytë Botërore.  Shumica e evropianëve po shohin me skepticizëm lëvizjet e presidentit amerikan në dy vitet e para të presidencës së tij nën moton Amerika e Para.

Kisha e Kretës nuk pajtohet me "neutralitetin fetar" të Greqisë, siç thuhet në një komunikatë të lëshuar nga Sinodi i Shenjtë i Kretës. Kjo deklaratë pas takimit që  Peshkopët e ishullit bënë për të diskutuar propozimin për rishikimin e Kushtetutës greke, pagat e klerit dhe  pronat e kishës.

"Në çdo rast, Kisha e Kretës nuk është dakord me shtimin ë frazës në nenin 3 të Kushtetutës Shteti grek është fetarisht neutra"-theksohet në komunikatën e Sinodit të Shenjtë.

Lufta e Parë Botërore ishte një prej përplasjeve më të mëdha brenda Europës, e përqëndruar në  Frontin Perëndimor në Francë dhe Belgjikë, ku u shpalosën edhe betejat më vdekjeprurëse.

Konflikti la miliona të vdekur edhe në Rusi,  Ballkan, e Itali. Për shkak të perandorive ajo u përhap shpejt në të gjitha kontinentet. Nga zotërimet britanike te  kolonitë afrikane që u bënë teatri i konfliktit, ashtu si në Azi  në fillim të gushtit 1914.

Deutsche Welle raporton për një nismë që parashikon përdorimin e teknologjisë për hyrjen në kufijtë e Bashkimit Europian. Zyrtarët e këtij unioni i kanë hapur rrgën testimit të kontrolleve nga avatarë të cilët sipas tyre detektojnë gënjeshtrat.