Blloku Bota

Ish-kryeministri i Australisë, John Howard, ndezi polemika me deklaratën e tij, pak para një referendumi, i cili synon t’i japë popullatës indigjene më shumë zë.   

Howard, i cili shërbeu si kryeministër i Australisë nga viti 1996 deri në 2007, tha se kolonizimi britanik ishte "gjëja më me fat që i ndodhi" vendit.

Ministri rus i Mbrojtjes është zyrtari i parë i huaj që ftohet në Korenë e Veriut që nga fillimi i pandemisë Covid-19. Sergei Shoigu u prit në Phenian, në një kohë kur atje po festohet përvjetori i Luftës Koreane.

Sipas agjencisë shtetërore të lajmeve në Penian, KCNA, takimi "është një mundësi e rëndësishme për të zhvilluar marrëdhëniet strategjike dhe tradicionale midis Koresë së Veriut dhe Rusisë, siç e kërkon shekulli i ri".

Kina po ndjek me vëmendje se çfarë drejtimi do të marrë Italia në lidhje me projektin Belt&Road. Projekti infrastrukturor kinez, në të cilin synohet përfshirja e zonës që mbulonte dikur Rruga e Mëndafshit, është pranuar nga Italia me memorandumin e mirëkuptimit, në vitin 2019. Por Kina ia ka frikën ndërhyrjes së SHBA-së, para se Italia të marrë vendimin përfundimtar nëse do ta rinovojë apo anulojë marrëveshjen paraprake.

Zëdhënësi i Kremlinit, Dmitry Peskov, ka përjashtuar mundësinë e marrëveshjes për drithin në këtë moment. Duke iu referuar një letre të Sekretarit të Përgjithshëm të OKB-së, Antonio Guterres, Peskov, ka mohuar mundësinë e përmbushjes së kërkesës për zgjatje në kohë të Nismës së Detit të Zi, për shkak se siç tha ai, kërkesat ruse të njohura me marrëveshjen e deritanishme nuk janë respektuar.

Megjithatë Presidenti Putin bëri të qartë se Rusia është e gatshme të përfudnojë menjëherë marrëveshjen, sapo kushtet të përmbushen

Pekini zyrtar shkarkoi ministrin e Jashtëm, Qin Gang, i zhdukur prej më shumë se tre javësh nga daljet publike. Sipas medias shtetërore, CCTV, detyra do t’i besohet paraardhësit të Qin, Wang Yi.

Raportimet në mediat kineze nuk përfshjnë arsyet e shkarkimit të shefit të diplomacisë, i cili e mori detyrën në dhjetor të vitit të kaluar.

Qin, 57 vjeç, ish-ambasador në SHBA, u promovua me shpejtësi kur Xi po formonte një ekip të ri vitin e kaluar.

Burri nuk mund të refuzojë të bëhet baba pasi fëmija të jetë ngjizur. Përparimi i mjekësisë, sidomos në fushën e riprodhimit, ka hapur debate të reja dhe raste konkrete të kësaj natyre po përfundojnë në gjykatë.

Prej kohësh, Belgjika ka një jetë politike kombëtare jofunksionale.

Media të shumta raportojnë për bombardimin e Odesës gjatë të cilit është dëmtuar rëndë edhe katedralja e qytetit. Guvernatori rajonal Oleh Kiper ka deklaruar se janë hospitalizuar 14 njerëz përfshirë katër fëmijë.

Katedralja e dëmtuar, ndërtuar në vitin 1809, është një godinë e rindërtuar në vitin 2003, pas prishjes nga Bashkimi Sovjetik në vitin 1939.

I dërguari special i Bashkimit Evropian për dialogun Kosovë – Serbi, Miroslav Lajçak, i ka cilësuar zgjedhjet e jashtëzakonshme të muajit prill në komunat me shumicë serbe në Veriun e Kosovës, si mina tokësore që janë shkelur. 

Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por ka shumë ‘mina tokësore’ përgjatë kësaj rruge që ne nuk duhet t’i shkelim. Zgjedhjet lokale të prillit ishin diçka e tillë dhe për fat të keq ne i kemi shkelur ato

Rreth një vit e gjysmë nga nisja e konfliktit në Ukrainë, duket se po jepen shenjat e para të përshkallëzit real në terren. Një ditë më parë, presidenti rus, Vladimir Putin deklaroi përmes një mesazhi televiziv se çdo sulm mbi Bjellorusinë është një sulm mbi Rusinë dhe se Kremlini do të përgjigjet me të gjitha mjetet në dispozicion.