Blloku Bota

Grupi i 20 ekonomive kryesore të botës ka pranuar Bashkimin Afrikan si anëtar të përhershëm, një njohje e fuqishme e Afrikës pasi më shumë se 50 vendet e saj kërkojnë një rol më të rëndësishëm në skenën globale.

Deri më tani, Afrika e Jugut ka qenë i vetmi anëtar i bllokut G20.

Në një botë ku roli i Afrikës është thelbësor për diskutimet rreth ndryshimeve klimatike, sigurisë ushqimore, migrimit dhe çështjeve të tjera, anëtarësimi në G20 është një hap i rëndësishëm.

Një tërmet me magnitudë 7 goditi Marokun mbrëmjen e së premtes. Lëkundjet u regjistruan në orën 23:11. Instituti Kombëtar i Gjeofizikës në Marok njoftoi se epiqendra e tërmetit u lokalizua në komunën Ighil, në provincën e Al Haouz, në jug të Marrakech-it, një thellësi 8 km.

Dymbëdhjetë orë pas lëkundjeve, Maroku është në kaos. 820 persona janë konfirmuar të vdekur, mbi 600 të plagosur, ndërkohë që të tjerë kërkohen nën rrënoja.

Tërmeti u regjistrua përgjatë vargut malor të Atlantikut, me një lëvizje ngjeshjeje të krijuar nga shtytja e pllakës afrikane drejt asaj evropiane.

Finlanda nuk do të ofrojë më mbrojtje të përkohshme dhe nuk do të lëshojë leje të reja qëndrimi për shtetasit e vendeve të treta dhe personat pa shtetësi që janë larguar nga Ukraina pasi kanë banuar atje, falë një leje qëndrimi të përkohshme.

Shërbimi Finlandez i Emigracionit njoftoi se rregullorja e re ka hyrë në fuqi nga 7 shtatori dhe do të zbatohet vetëm për aplikimet që janë dorëzuar pas kësaj date, raporton Schengen Visa.

Tre vitet e fundit, disa qeveri frankofone në vendet e Afrikës Perëndimore kanë rënë. Vende si Mali, Burkina Faso dhe Nigeri kanë parë grushte shteti, të paralajmëruara shpesh nga demonstratat antifranceze, sulmet ndaj ambasadave dhe urrejtja e shprehur hapur në platformat e mediave sociale.

Të mërkurën, Gaboni, në Afrikën Qendrore, u bë ish-kolonia e fundit franceze ku ushtria mori pushtetin. Njoftimi erdhi vetëm një ditë pasi presidenti aktual i vendit, Ali Bongo Ondimba, fitoi një mandat të tretë në një proces zgjedhor të diskutueshëm.

Mbesa e themeluesit të Frontit Kombëtar në Francë është kandidatja e parë në listën e partisë së Eric Zemmour për zgjedhjet europiane.

Marion Maréchal, mbesa e Jean-Marie Le Pen do të udhëheqë garën europiane të Reconquête, partia franceze e ekstremit të djathtë.

Njoftimi u bë nga lideri i partisë, Eric Zemmour, më 6 shtator, në gazetën franceze Le Figaro.

Prodhuesit e makinave po mbledhin të dhëna për shoferët dhe pasagjerët. Fondacioni Mozilla në një raport për 25 marka makinash dhe 15 kompani prodhuese konkludon se të dhënat e mbledhura, që përfshijnë që nga gjendja shëndetësore, aktiviteti seksual dhe koeficienti i inteligjencës, për t’ua shitur ato agjencive të zbatimit të ligjit, por edhe të tjerëve.    

Nga mesi i vitit 2024 hyn në fuqi Sistemi Evropian i Informacionit dhe Autorizimit të Udhëtimit (ETIAS). Udhëtarët nga më shumë se 60 vende që mund të lëvizin në zonën Shengen pa vizë do të duhet të aplikojnë për dokumentin, i cili në çdo rast nuk do të garantojë hyrjen në vendet e BE-së që kërkojnë ETIAS, raporton SchengenVisaInfo.com.

Kompanitë e mëdha farmaceutike ia kanë shitur Afrikës së Jugut vaksinën anti-Covid shumë më shtrenjtë se Bashkimit Europian. Kontrata mes Pfizer dhe qeverisë së Afrikës së Jugut është bërë publike së fundmi pas një beteje gjyqësore.

Detaje konkrete të kontratave mes qeverive dhe Big Pharma nuk janë bërë publike asnjëherë, ndërsa akuzat se Pfizer po përfitonte financiarisht nga pandemia janë hedhur menjëherë pas shpërndarjes së dozave të para të vaksinës.

Ftesat e Indisë për liderët e vendeve të G20 kanë ngritur shumë pikëpyetje brenda dhe jashtë vendit. Në to, Droupadi Murmu përmendet si "President i Bharat", në vend të "Presidenti i Indisë".

Në të njëjtën ditë, një postim në Twitter i zëdhënësit të Partisë Bharatiya Janata (BJP) në pushtet, i cili njoftonte pjesëmarrjen e kryeministrit Modi në një samit të Shoqatës së Kombeve të Azisë Juglindore (ASEAN) në Indonezi, i referohej atij si "kryeministër i Bharat-it".

Bluja e thellë e deteve dhe oqeaneve po zhduket. Një studim i publikuar në revistën “Nature” konkludon se për shkak të aktivitetit njerëzor, bluja e ujërave të oqeaneve po shndërrohet gradualisht në jeshile.

“Në përgjithësi, oqeanet me gjerësi të ulët janë bërë më të gjelbër në 20 vitet e fundit”, thuhet në studim.

Stephanie Dutkiewicz, njëra prej autoreve të studimit, thotë se ky ndryshim pritej.

"Unë kam kryer simulime që më kanë bërë të mendoj për vite të tëra se këto ndryshime në ngjyrën e oqeanit do të ndodhin," tha ajo.