Blloku Alternative

Autoriteret amerikane kanë marrë në dorëzim nga aktori Leonardo Di Caprio statujën “Oscar” të Marlon Brando dhe objekte të tjera më vlerë që posedoheshin prej tij. Ministria e Drejtësisë ndërmori hapa ligjore pas konstatimit se asete në shumën 1.7 miliardë $ janë vjedhur nga një fond investimi në Malajzi.Në këto sende përfshihet edhe një pikturë e Picassos që i është dhënë Leonardo Di Caprios bashkë me të drejtën e dy filmave të Hollivudit.

Një studiues shqyrtoi kushtet në  të cilat të jetonin dhe trajtoheshin femrat homoseksuale gjatë regjimit nazist në Gjermani dhe rezultatet janë mjaft të papritura. Samuel Cloëes Huneke, një student doktorant në Universitetin e Stanfordit, shqyrtoi të  të dhënat e katër arkivave të policisë naziste të viteve 1940 që kanë të bëjnë me shkelje të ligjeve mbi marrëdhëniet e të njëjtit seks. Aktet homoseksuale midis burrave ishin kriminalizuar dhe dënoheshin si të tilla.

Nga 15 Qershori vendet e Bashkimit Evropian do të çlirohen nga shërbimi roaming i telefonisë celulare. Ata që udhëtojnë brenda hapësirës europiane nuk do të paguajnë tarifën roaming për të dërguar mesazhe, bërë thirrje telefonike apo lundruar në internet.Nga e enjtja të gjithë europianët do të paguajnë bazuar në çmimet e brendshme përmes paketave të telefonisë celulare ku ata janë abonentë. Tarifimi i tyre do të bëhet si të ishin brenda kufijve të vendit të tyre.

Agon në Tetovë dhe rrezet e një dielli të sëmurë përmbytin qytetin e 70.000 banorëve në veriperëndim të Maqedonisë. Natën e kaluar, ndotja e ajrit ishte një gjysmë-fish e kufirit të sipërm të alarmit. Ka raste kur microgrimcat janë 25 herë mbi kufirin. I rrethuar siç është nga malet, qyteti me elementin dominues shqiptar pranë kufirit me Kosovën ngjan me pjesën e poshtme të një tenxhereje të valuar.

Kina po kërkon të zgjerojë forcën e saj gjeopolitike, duke u përhapur deri në Lindjen e Mesme. Industritë shtetërore kineze janë bërë pjesë e një tenderi multi-milionësh i quajtur “Red-Dead Water”.

Projekti, i nisur  nga Izraeli, Jordania dhe autoritetet palestinze pritet të kapë vlerën e 1.1 miliard dollarëve. Pjesë e tenderit janë edhe firma franceze, japoneze apo koreano-jugore. Ai parashikon marrjen e 2 miliardë metër kub ujë nga Deti i Kuq, për të çuar në Detin e Vdekur, duke stabilizuar nivelin në rënie të tij.

Ndoshta duhet parë nga afër, por nga fotografitë e publikuara duket një ndërtim i mahnitshëm. Arkeologët kanë zbuluar në Libi statuja, mozaikë apo edhe elementë të tjerë në një vilë të vjetër në Ptolemais në Libi. Vila është 1700 vjeçare dhe i përket periudhë romake që manifeston një luks dhe mirëqenie marramendëse. 600m2, vila daton në shekullin III e.s në një qytete që nisi të ndërtohej në kohën e grekëve, në shekullin IV p.e.s. Mozaikët, një prej tyre, paraqesin Dionisin duke fjetur dhe Ariadnën, vajzën e Mbretit Minos, që sipas legjendës u bë gruaja e tij.

Një grup portretesh 2,000-vjeçare janë zbuluar se janë pikturuar duke përdorur një paletë të sofistikuar dhe pigmente, shumë prej të cilave janë importuar nga Spanja dhe Greqia. Druri me të cilin janë pikturuar gjithashtu vjen nga Evropa Qendrore. Zbulimi habiti sepse bëhet fjalë për pigmentin e parë të prodhuar artificialisht që shpesh përdoret si shtresa përfundimtare e bojës. Portretet e gjetura në Tebtunis të Egjiptit konsiderohen si disa prej pikturave më të mira të ruajtura nga periudha romake dhe janë ndër koleksionet më të rëndësishme në botë.

Maymand është një fshat i lashtë në Iran, 900 kilometra në jug të kryeqytetit Teheran. Mbresëlënëse janë shpellat e shumta në shkëmbinj, të cilat janë banuar 10.000 vjet më parë. 
Rreth 150 banorët kanë zgjedhur të jetojnë përgjithmonë në shkëmbinj. 400 shpellat e gërmuara ngënjerëzit janë thuajse të paprekura dhe mjaft të rehatshme. Disa kanë deri në shtatë dhoma, dy metra të larta.

Planktone, alga deti dhe insekte të ngrënshme ishin në menunë e kryeministrave të Finlandës, Suedisë, Danimarkës, Islandës dhe Norvegjisë në takimin e 30 majit në Austevoll, në jugperëndim të qytetit të Bergenit në Norvegji.
Ata ndërmorën  një iniciativë të quajtur Zgjidhja Nordike ndaj Sfidave Globale, e cila synon të arrijë qëllimet e zhvillimit të qëndrueshëm të OKB-së për vitin 2030.
Bujqësia është një kontribues i madh në ndryshimet klimatike, por deri më tani, vëmendja ka qenë kryesisht në kufizimin e emetimeve të karbonit nga industria dhe transporti.

Fotografi dhe korrespondenti i National Geographic, Maynard Owen Williams udhëtoi në Greqi në vitin 1919 pasi kishte kaluar në Azi dhe Rusi duke fotografuar një realitet ekzotik të fshtarave grek. 23 fotografi me ngjyra nga ky pelegrinazh tregojnë jetën baritore të fshatarëve të kohës brenda një kornize të traditës si në veshje ashtu dhe në ndarjen e punëve mes grave dhe burrave.