Blloku Alternative

Për herë të parë, NASA do të lëshojë në hapësirë një mision që ka për qëllim parandalimin e një katastrofe të mundshme për planetin. Plani në thelb është i njëjtë me skenarin e filmit “Armageddon”. Anija kozmike që lëshohet në hapësirë të mërkurën do të përplaset qëllimisht me një asteroid, në përpjekje për t’i ndryshuar orbitën. Kjo është hera e parë që njerëzimi bën një përpjekje të ndërhyjë në kinetikën gravitacionale të sistemit diellor. Qëllimi është testimi i një sistemi mbrojtës planetar që do të shmangte një fund të mundshëm të botës.

Në dhjetor të vitit 1941 ofensiva e Wehrmachtit drejt Lindjes mbeti në vend. Për këtë një rol të vecantë luajti telegrami i komunistit Rikard Sorge dërguar nga Tokio me destinacion Moskën. 

Një analizë e parë nga një këndvështrim i ri

Bashkëkohës i Gustav Klimt dhe Egon Schiele, Oskar Kokoschka është një emër pothuajse i panjohur në shekullin e XXI. I lindur në Pöchlarn, afër Vjenës, në 1886, ai fitoi famë si piktor dhe dramaturg ekspresionist, me një sy të mprehtë për historitë e errëta. Në rininë e hershme, Kokoschka ka punuar me vite të tëra krah Klimt dhe Schiele, por me kalimin e viteve ra në harresë. Të paktën deri tani.

Një nga kompjuterat e parë të krijuar nga Apple 45 vjet më parë del në ankand. Kompjuteri i krijuar nga themeluesit e kompanisë, Steve Jobs dhe Steve Wozniak, është ende funksional dhe vlerësohet të arrijë deri në 600 000 dollarë. I ashtuquajturi "Chaffey College" Apple-1 është një nga vetëm 200 kompjuterët e prodhuar nga Jobs dhe Wozniak në fillim të karrierës së tyre dhe u montua në një garazh.

Ajo që e bën edhe më të rrallë është fakti se kompjuteri është nga të paktët që është ndërtuar me dru koa.

Një shkencëtar ka shpikur një material që reflekton rrezet e diellit nga çatia dhe thith nxehtësinë nga shtëpitë. Materiali që kryen të njëjtin funksion me kondicionerët bëhet nga një lloj letre e riciklueshme, raporton Goodread.

87% të shtëpive në Shtetet e Bashkuara janë të pajisura me kondicionerë, çka i kushton secilit të paktën 265 dollarë në vit.

Një grup murgjish që ndjekin me vëmendje instruktorin teksa shpjegon përdorimin e ... prezervativit. Përshkrimi ngjan deri diku i pamundur, por në Trashiyangtse, një zonë në lindje të Butanit, është realitet. Murgjit e manastirit atje janë ndër qindra që mësojnë edukatën seksuale në mbretërinë budiste të Himalajave. Kjo praktikë është një gjë e rrallë midis vendeve të tjera budiste të Azisë Jugore si Sri Lanka dhe Myanmar, ku programet e edukimit seksual në kurrikulat shkollore janë përballur me reagime të kundërta nga grupet monastike.

Pastrimi i vdekjes quhet në Suedi dhe vitet e fundit është kthyer në njëfarë kulti. Ka të bëjë me seleksionimin dhe reduktimin e sendeve personale para se të largohesh nga kjo botë. Një qasje pragmatiste për europianoveriorët dhe ndoshta e vështirë për t’u pranuar për një pjesë tjetër të banorëve të kontinentit të vjetër, kjo praktikë mori emër nga një bestseller i vitit 2017. “Arti delikat i pastrimit të vdekjes suedeze: Si të çlironi veten dhe familjen tuaj nga një jetë rrëmujë" është libri i Margareta Magnusson, ku u përmend për herë të parë.

Një byzylyk i mbretëreshës së Francës, Maria Antuaneta, do të shitet për 2-4 milionë dollarë.  Ankandi do të mbahet nga Christie’s Geneva në nëntor. Sipas AFP-së, çmimi mund të kalojë parashikimet dhe kjo jo vetëm për shkak të vlerës së 112 diamanteve që e përbëjnë, por edhe për faktin se është mbajtur nga një mbretëreshë.

Byzylyku është blerë nga Maria Antuaneta në vitin 1776 për 250 000 livra, një shumë e madhe për kohën. Livra franceze vlente në atë kohë sa vlen rreth gjysmë kg argjend sot.

Sipas psikologëve, përveç sistemit tonë fiziologjik imunitar kemi edhe atë të sjelljes: një kod sjelljeje të pavetëdijshëm që na ndihmon të qëndrojmë pa sëmundje, përfshirë frikën dhe shmangien e njerëzve të panjohur – rrjedhimisht ndoshta edhe të infektuar. Kur rreziku i infeksionit është i lartë, kjo sjellje e "stresit parazitar" rritet, duke u shfaqur potencialisht si qëndrime dhe madje edhe modele votimi që mbështesin konformitetin dhe refuzojnë "grupet e huaja" - një tipar thelbësor i politikës autoritare.

Në përpjekje për të nxitur oreksin e investitorëve për diamante natyrorë, kompania minerare Lucara Diamond Corp dhe prodhuesi HB Antwerp zbuluan të hënën një diamant 1 175 karat në Nju-Jork.

Kompanitë thonë se ky është diamanti më i madh i paprekur në Shtetet e Bashkuara dhe i treti më i madh që është zbuluar ndonjëherë.