Qeveria ka depozituar sot një draftligj për konsultim publik përmes të cilit parashikohet krijimi i Regjistrit Unik Bankar – titullimi zyrtar “Për regjistrin qendror të llogarive bankare”.

Kryeministri i vendit, Edi Rama ka zbuluar sot në Asamblenë e PS-së se kush është problemi i të ardhmes së shqiptarëve. Ai është Ilir Meta.

Problemi i madh mes shqiptarëve dhe të ardhmes quhet Ilir Meta dhe LSI. Ky është problemi i madh i zgjedhjeve të ardhshme dhe mendoj se shqiptarët do t’i japin zgjidhje këtij problemi gjatë zgjedhjeve të ardhshme

deklaroi Rama.

BIRN publikon sot një reportazh me titullin: Nxënësit në një fshat të Klosit bëjnë autostop për në shkollë. Ja një pasazh nga reportazhi me autor Sami Currin:

Është ora 6.30 e mëngjesit e një dite me shi në fund të shtatorit. Një duzinë me nxënës nga klasa e parë në të 9-tën nga fshati Plani i Bardhë në Klos – të fshehur poshtë çadrave ndonjëherë më të mëdha se ata vetë, pasi kanë ecur 20 minuta kanë ndaluar buzë rrugës Dibër-Tiranë…

Përkthyesi Edmond Tupe propozon që “Lahuta e Malcis”, vepra madhore e Gjergj Fishtës të botohet edhe në shqipen standarde. Në një prononcim për TvT, Tupe thotë se vepra duhet të komunikojë me lexuesin e ri shqiptar dhe një mënyrë për ta bërë këtë është të botohet edhe në shqipen standarde.

Unë mendoj për publikun e gjerë duhet një faqe gegnisht siç është, në faqen tjetër e, fatkeqësisht është termi, e toskëzuar, ose në gjuhën standarde. Që ta kuptojnë njerëzit

është shprehur Tupe.  

Regeneron, koktejli eksperimental i antitrupave monoklonalë, i përdorur nga Donald Trump kundër Covid-19 dhe që ai ua ka premtuar falas të gjithëve, është bërë me qeliza që vijnë nga indet e fetusit, një praktikë që presidenti e ka dënuar vazhdimisht. Lajmin e bën të ditur “New York Times”. Në qershor 2019, administrata Trump pezulloi fondet federale për pjesën më të madhe të hulumtimeve të reja shkencore duke përdorur indet fetale që vijnë nga abortet.

Çmimi Nobel për Paqen për këtë vit i është dhënë Programit Botëror të Ushqimit, për kontributin ndërkombëtar në luftën kundër urisë.

Në garë për Nobelin e Paqes, një kategori që ka rezervuar shpesh surpriza, ishin 318 kandidatë, nga këto 211 individë dhe 107 organizata. Një listë e gjatë kadidatësh, përbërja e së cilës, në bazë të rregullave të Akademisë Suedeze, nuk dihet dhe as nuk do të merret vesh ndonjëherë.

Partia Socialiste ngjan të jetë sëmundja më e rëndë sociale në Shqipërinë e sotme. Ajo qëndron në themel të neurozave të opozitës që shkojnë nga ulërimat për revolucion, te pazari i zakonshëm dhe lëpirja, apo edhe mallkimet. 

Lulzim Basha zëre se nuk ekziston. Ai ka zënë folenë e Partisë Demokratike prej nga ku sheh i çuditur botën që është e shqetësuar, kur për vete ndihet rehat. 

Gazeta greke “Kathimerini” publikon sot një shkrim të Apostolos Lakasas që referon nga ana e vet një studim të Autoritetit Helen për Cilësinë në Arsimin e Lartë, sipas të cilit Greqia nuk është në gjendje tërheqë profesionistët e talentuar. Raporti vë në dukje disa arsye ku p.sh bie në sy e dhëna se për shkak të krizës së fundit ekonomike, rreth 450 mijë profesionistë nga Greqia, pra persona të diplomuar u larguan jashtë vendit për arsye të papunësisë, uljes së pagave dhe

Kërkues nga universiteti i San Antonios në Teksas të SHBA kanë zbuluar se çfarë e aktivizon magnezin në qelizat njerëzore. Zbulimi konsiderohet se i jep përgjigje një misteri 100-vjeçar, i tillë për shkak se përbërësi në fjalë merr pjesë, apo ka rëndësi për shumë procese jetësore në organizëm. Sipas kërkuesve, përgjegjës për aktivizimin e joneve të magnezit në qeliza është një metabolizues i quajtur Laktate, niveli i të cilës rritet në gjak gjatë ushtrimeve intensive dhe gjatë kohës që trupi preket nga disa sëmundje si ato të zemrës, diabeti, sepsis apo kanceri.

Polonia ka gjobitur gjigantin rus të energjisë Gazprom me 6.5 miliardë euro për ndërtimin e tubacionit të gazit Nord Stream 2.

Autoriteti i Konkurrencës së Polonisë thotë se projekti do të rrisë padrejtësisht dominimin e firmës në tregun polak, me pasoja potencialisht serioze për ekonominë e vendit.

Gazprom po udhëheq projektin e tubacionit të Detit Baltik, i cili do të lejojë Gjermaninë të dyfishojë importet e saj të gazit nga Rusia.