Mediat raportojnë një rast “të çuditshëm” të një gazetareje të WFLA tv në SHBA, filial i NBC-së. një shikues kishte parë raportimin e gazetares Victoria Price dhe i ka shkruar se pamja e jashtme e fytit të saj sugjeronte nevojën e një kontrolli.

Më kujton veten. Unë u diagnostikova me kancer. Kujdesu për veten

shkruan komentuesi.

Ish-këshilltari për sigurinë kombëtare i presidentit Trump, John Bolton, thotë se edhe nëse do të zhvillohej, samiti i parashikuar në Shtëpinë e Bardhë mes përfaqësuesve të lartë të Kosovës dhe Serbisë, nuk do të prodhonte asnjë marrëveshje. Takimi që ishte planifikuar të zhvillohej më 27 qershor në Uashington me ndërmjetësimin e ambasadorit Richard Grenell u anulua për shkak se presidenti i Kosovës u thirr në Hagë vetëm disa ditë para tij. Për Bolton, i intervistuar nga korrespondenti i TvT në Nju Jork, Robert Papa, ky takim nuk do të ishte gjë tjetër veçse një mundësi për fotografi.

Parlamenti ka miratuar sot të ashtuquajturën Marrëveshje të 5 qershorit përmes së cilës kthehen në ligj kërkesat e Partisë Demokratike për Kodin Zgjedhor. 97 vota pro kanë mjaftuar për të përcjellë dhe konfirmuar se negociata e Edi Ramës me opozitën parlamentare ka qenë e suksesshme në kalimin e një reforme të debatuar.

Hetimet e Prokurorisë së Tiranës për aferën e dyshuar korruptive në tenderin e Unazës së Re, të fituar nga kompania DH Albania, dega në Shqipëri e Dunwell Haberman me vlerë më shumë se 2.2 miliardë lekë, përfunduan vetëm me dënimin me 6 muaj burgim për “falsifikim të dokumenteve” të 28 vjeçarit Avdjol Dobi, i cili rezulton si administrator i kompanisë.

Franca nuk do të lejojë që çështjet e sigurisë në Mesdhe të kalojnë në duart e aktorëve si Turqia dhe Rusia. Të paktën këtë ka deklaruar presidenti i Francës, Emmanuel Macron gjatë një konference për shtyp me homologun qipriot, Nicos Anastasias.

Edi Rama ose duhet rrëzuar, ose duhet duruar

Me këtë fjali e hap opinionin e tij gazetari Andi Bushati. Është nga ato fjali që të japin përshtypjen se janë gjetjet e duhura për të thënë një të ëvrtetë të madhe. Mirëpo nuk është kështu. 

Sepse në stanin ku jetojmë, ka vetëm një rrugë: Edi Rama duhet mundur. Madje ai e ka shpallur deri diku objektiv që ta mundin në zgjedhje, kaq e madhe është arroganca që prodhon impotenca e një opozite. 

Qeveria ka prezantuar një tjetër element të amnistisë fiskale dhe penale për legalizimin e pasurive të padeklaruara. Sipas drejtoreshës së Përgjithshme të Tatimeve, Dalina Ibrahimaj, aplikimi do të bëhet online. 

Ish-kryeministri, Aleksandër Meksi është shprehur të mërkurën se Shqipëria duhet të rikthehet tek sistemi mazhoritar, ose tek ligji i vitit 1992-2005, i cili nxirrte 100 deputetë me lista një emërore me korrigjim proporcional që garantonte në rang vendi përfaqësimin proporcional.

I ftuar përmes një lidhje me Skype në edicionin informative të lajmeve në telvizionin TVT, Meksi tha se me një ligj të tillë nuk vinte askush të diskutonte se duhen apo nuk duhen koalicionet, që sipas të cilit, janë një shaka e turpshme, e keqe dhe e ligë.

Në Bolivi pandemia e koronavirusit duket se ka goditur rëndë dhe ka prodhuar situata dramatike. Mediat raportojnë se policia ka mbledhur vetëm në pesë trupat e 420 personave të vdekur që kishin humbur jetën nga virusi në rrugë, në shtëpi, ose në makinë.  Trupat janë gjetur në kryeqytetin bolivian, La Paz.

Sipas Institutit Bolivian të Mjekësisë Ligjore, nga 1 prill deri në 19 korrik janë gjetur në rrugë 3016 trupa që me shumë gjasë kanë vdekur nga koronavirusi. Zyrtarisht në Bolivi janë 60 991 raste me CoVid-19 dhe 2218 vdekje të konfirmuara.

Shkencëtarët kanë zbuluar në tabanin detar të Antarktidës rrjedhjen e parë aktive të metanit. Rrethë këtij “burimi” janë identifikuar edhe mikrobet e para që konsumojnë gazrat serë përpara se të arrijnë atmosferën. Prej kohësh shkencëtarët kanë rindërtuar një model që e lidh ngrihjen klimetarike me nisjen e rrjedhjes së metanit në tabanin detar, ku mendohet se janë depozituar sasi të mëdha gazi. por kësaj radhe duket se shkak nuk është rritja e temperaturave pasi në detin Ross ku u bë zbulimi temperaturat janë ende në normën e zakonshme.