Trajtesa e mëposhtme me autor një profesor të arkeologjisë dhe antropologjisë në universitetin e TelAvivit, Erez Ben-Yosef, krijon një qasje të re, ose më mirë e përforcon atë me autoritetin e vet, sipas të cilës shikimi mbi shoqëritë nomade të kohës së hekurit, është i deformuar.

Polonia ka vendosur të anulojë sistemin disiplinor për gjyqtarët, për të cilin gjykata e lartë e BE-së u shpreh se shkel ligjet e Unionit. Tërheqjen e konfirmoi kreu i partisë në pushtet PiS, Jaroslaw Kaczynski. Në këtë mënyrë, Polonia shmang penalitetet financiare me të cilat e ngarkon gjykata europiane.

Trupa e shpërbërë njihet si Dhoma Disiplinore, për të cilën BE thotë se po përdoret për të ushtruar presion mbi gjyqtarët ose për të ushtruar kontroll politik mbi vendimet gjyqësore, dhe shkel ligjet e bllokut.

Një këlysh luani 28 000 vjeçar është gjetur në vitin 2018, shtatë metra nën tokë në një tunel të ngrirë në Arktikun Siberian.

Në atë kohë, zbulimi u bë nga Pavel Efimov, i cili e referoi gjetjen në Akademinë Ruse të Shkencave në Yakutsk. Një ekip studiuesish u dërgua menjëherë për kërkime më të thelluara në Belaya Gora, në bregun e lumit Indigirka. Ajo që gjetën atje ishte një nga kafshët e ruajtura më mirë që nga Epoka e Akullnajave. I vogli i luanit kishte ende të paprekura dhëmbët, lëkurën, kthetrat dhe madje edhe mustaqet.

Teknologjia e njohjes së fytyrës, e aplikuar deri tani në masë të vogël, është kritikuar shpesh për shkelje të privatësisë së individëve. Por në një kompani në Kinë, kjo teknologji shkon më tej. Canon China, një degë e gjigantit japonez të kamerave dhe elektronikës, do vetëm punëtorë të lumtur. Për këtë arsye, kompania ka aplikuar teknologjinë e njohjes së buzëqeshjes.

Larry Page, bashkëthemeluesi i Google dhe një nga njerëzit më të pasur në botë, ka tashmë pasaportën e Zelandës së Re. Page ka fituar të drejtën për të jetuar në Zelandën e Re, falë një programi qeveritar që u jep të tillë investitorëve të pasur. Aplikantëve u kërkohet të investojnë të paktën 10 milionë dollarë neozelandezë në vend për tre vjet. Page hyri në Zelandën e Re në janar, kur kufijtë e tij ishin akoma të mbyllur për shkak të Covid-19, raporton BBC.

Shqipëria ka disa ditë që po piqet nga zjarret. Nga jugu në veri, flaka ka mbuluar një pjesë të Shqipërisë e cila me këtë dramë tanimë globale po prodhon si përherë komedinë e vet.

Heronjtë janë të parët në inskenimin komik. Zjarrëfikësit, ushtarakët, janë heronj sepse po shuajnë zjarret.

Qeveritarët janë palaçot e padurueshëm të kësaj që po shohim. Me surretërit që i kemi patur nëpër këmbë me dekada, e sidomos me ato që thonë.

Francezët dolën në rrugë dhe sheshe për të katërtën fundjavë radhazi, të organizuar në protesta me të cilat kundërshtojnë vendimin e qeverisë për Green-Pass, leja shëndetësore që është bërë kriter për të hyrë në një kafene ose për të udhëtuar në një tren ndërqytetas. Vendimi hyn në fuqi nga e hëna dhe pak ditë më parë, gjykata më e lartë në Francë e cilësoi atë si "kompromis të balancuar" mes shqetësimeve të shëndetit publik dhe lirisë personale.

Një pllakë argjile që u pëkiste babilonasve ka të shkruar shembullin më të hershëm të gjeometrisë së aplikuar. Pllaka 3700-vjeçare është në fakt një “dokument” kadastral i hartuar nga një ekspert për të zgjidhur një mosmarrëveshje në lidhje me ndarjen e një toke. Këndet e drejta në skemë janë viatuar duke përdorur sistemin e Pitagorës, mbi një mijë vjet para se ky i fundit të formulohej nga grekët. Pitagora, i cili zhvilloi parime gjeometrike mbi koncepte matematikore, lindi në vitin 570 para Krishtit, pra më shumë se 1 000 vjet pasi ishte shkruar mbi pllakën babilonase.

Polimathi i Sillicon Valley, Marc Andreessen, një sipërmarrës i njohur në të njëjtën kohë, flet në një intervistë për “Bloomberg” për përparimin e teknologjisë, shndërrimet që po përjeton bota dhe ndërlidhjen e këtyre prirjeve me drejtimin e investimeve. Pandemia e përshpejtoi këtë gjë, duke hapur rrugë të reja ndërkohë që fusha të reja të mundësuara nga teknologjia janë thjesht në fillimet e tyre. thuajse të paprekura.

Në Indonezi, ushtria nuk do të ketë më kriter virgjërinë për rekrutimin e femrave. Procedura që njihet ndryshe si "testi me dy gishta", sepse gjatë ekzaminimit mjekët futen dy gishta brenda vaginës së gruas për të kontrolluar nëse himeni është ende i paprekur apo jo, është cilësuar abuziv nga organizatat e të drejtave të njeriut, të cilat e kanë kundërshtuar prej kohësh.