Një numër i madh bashkëpunëtorësh të CIA-s janë vrarë ose kanë kaluar në anën e kundërt.

Një dokument rreptësisht konfidencial i agjencisë së inteligjencës zbulon detaje që ngrenë pikëpyetje mbi punën e saj. Detajet e tij lënë të kuptohet se shërbimi kundërzbulues amerikan i ka nënvlerësuar rivalët e tij. Sipas “Times”, dokumenti në fjalë u është dërguar të gjitha byrove të agjencisë në të gjithë botën.

Romancieri tanzanian Abdulrazak Gurnah është fituesi i Nobelit të Letërsisë për vitin 2021.

Akademia Suedeze e vlerësoi Gurnah për "depërtimin e tij pa kompromis dhe të dhembshur në efektet e kolonializmit". Çmimi prestigjioz shpërblehet me 10 milionë korona suedeze (1.14 milion dollarë).

Gurnah është 73 vjeç dhe është autor i 10 romaneve, përfshirë “Parajsa” dhe “Braktisja”.

“Parajsa”, botuar në 1994, tregon historinë e një djali të rritur në Tanzani në fillim të shekullit XX dhe është vlerësuar me Çmimin Booker.

Samiti BE-Ballkani Perëndimor zhvilluar së fundmi në Slloveni ka rezultuar një takim ku është afirmuar koma e Europës që nuk pranon transfuzion me gjakun jokompatibël të rajonit tonë. Në dokumentin e publikuar pas samitit, fjala vend kandidat është hequr nga teksti për t’u zëvendësuar me fjalën Partner. Është në thelb miratim i asaj që mund ta quajmë strategjia e Macron për zëvendësimin e Zgjerimit me Partneritetin Strategjik.

Turqia përsërit thirrjet për demilitarizimin e ishujve të Egjeut Lindor. Me anë të një letre dërguar sekretarit të përgjithshëm të OKB-së, Antonio Guterres, përfaqësuesi i përhershëm turk në këtë këtë organizatë, Feridun Sinirlioglu akuzon Greqinë për shkelje të dispozitave të çmilitarizimit të Lozanës të vitit 1923 dhe Traktatet e Paqes në Paris të vitit 1947.

“Kompasi strategjik” duket se është e vetmja arritje e Samitit të Sllovenisë, nëse mund të quhet e tillë, përsa kohë është thjesht një ide. Gjatë darkës në Brdo të Sllovenisë, më 5 tetor, krerët e shteteve dhe qeverive kanë ngarkuar shefin e politikës së jashtme të BE-së, Josep Borrell, të hartojë një "Kompas Strategjik" të shkruar, që do të paraqitet në nëntor dhe do të debatohet përsëri nga udhëheqësit në dhjetor me synimin për ta miratuar atë marsin e ardhshëm.

Marrëveshja për të rishikuar sistemin global të taksave është pothuajse në përfundim. Tani vjen pjesa e vështirë: të bëhet funksionale.

Pikëpyetje të reja mbi Covid-19 në Kinë. Sipas një hulumtimi të ri, provinca e Hubeit ka bërë porosi për teste PCR shtatë muaj para se të raportohej rasti i parë me virusin SARS-CoV-2. Sipas një kërkimi të kryer nga organizata Internet 2-0, Universiteti i Shkencës dhe Teknologjisë në Vuhan, Instituti Hubei i Kafshëve dhe Mjekësisë Veterinare me bazë në Akademinë e Shkencave Bujqësore Hubei dhe Qendra Hubei për Kontrollin dhe Parandalimin e Sëmundjeve ishin disa nga institucionet që bënë porosi për teste PCR.

Në vetëm 6 orë në kolapsit që përfshiu mediat e tij sociale, Mark Zuckerberg humbi më shumë se 6 miliardë dollarë. Gjashtë orë mjaftuan për ta rrëzuar Zuckerbergun një pozicion më poshtë në listën e njerëzve më të pasur të botës. Defekti i Facebook, Instagram dhe Whatsapp bëri që aksionet e gjigantit të mediave sociale të binin me 4.9% të hënën, duke iu shtuar një rënieje prej rreth 15% që nga mesi i shtatorit.

Dje në orën pesë e gjysmë u shua bota. Nuk u shua dielli, të cilin nuk e shikon më askush, por ndodhi më e keqja: u shuan mediat sociale.

Një avari, një komplot, një bllokim trafiku nga fansat e Enrico Letës, kush e di. Është fakt që kushdo u përpoq të hynte në to, hasi atë diskun e famshëm që rrotullohet bosh në ekran: imazhi modern i pakënaqësisë.

Asgjë e re sa i përket integrimit nuk pritet në samitin e Sllovenisë. E mërkura do të mbledhë bashkë në Brdo të Sllovenisë, liderët e Bashkimit Europian dhe ata të vendeve të Ballkanit Perëndimor.

Sipas Jutarnji list, e cila i referohet draftit të konkluzioneve që priten në samit "nuk ka një datë për zgjerimin e Bashkimit Evropian".