Presidenti ukrainas, Volodymyr Zelenskiy ka paralajmëruar se trupat ruse po përgatiten të bombardojnë Odesën, porti më i madh i Ukrainës.

Ata po përgatiten të bombardojnë Odesën. Rusët kanë ardhur përherë në Odesa, kanë ndjerë vetëm ngrohtësi këtu, vetëm sinqeritet. Dhe tani çfarë? Bomba kundër Odesës? Artileri? Raketa? Do të jetë një krim lufte, një krim historik

ka thënë ai në një videokonferencë.

Analistë të ndryshëm po vlerësojnë se trupat ruse do të ndërmarrin sulme ushtarake ndaj Kievit, Kharkivit, Mykolayv dhe ndoshta Odesës në 24-48 orët e ardhshme. Instituti për Studimin e Luftës nënvizon se në datën 5 mars, trupat ruse mund të kenë bërë një pauzë, ndërkohë që drejt qyteteve kryesore nuk ka patur asnjë ofensivë të madhe.

Sanksionet e vëna Rusisë me rastin e nisjes së agresionit ndaj Ukrainës, duket se kanë efekt të dyfishtë. Ato kanë nxjerrë nga tregu një aktor shumë të madh sa për t’u injoruar nga logjika e biznesit.

Ndonëse, në pamje të parë, solidariteti ngjan të jetë uniform, shenjat e para të lëkundjes po shfaqen. Kompania e njohur “Shell” njoftohet se ka blerë një ngarkesë nafte krudo nga Rusia, vetëm pak ditë  pasi bëri me dije se do të kufizonte marrëdhëniet e biznesit me këtë vend.

Kryeministri izraelit Naftali Benett ka zhvilluar një vizitë në Moskë, ku sipas raportimeve zyrtare thuhet se ka zhvilluar një takime tri orësh me presidentin rus, Vladimir Putin.

Sipas deklarimeve izraelite në takim është folur për situatën në Ukrainë si dhe për situatën e krijuar nga luftimet për komunitetin hebraik.

Nuk është shumë e qartë se çfarë konteksti praktik ka kjo vizitë, por mediat në Izrael vënë në dukje se në këtë vend ka shumë njerëz që vijnë nga Rusia si imigrantë, çka afirmon një lloj afërsie mes të dyja vendeve.

Në Lindje mundet të jetë diktatura, por në Perëndim është padyshim shëmtia edhe ftohtësia e një bote që nuk gënjen dot më.

Kriza e tanishme në Ukrainë ka nxitur një vendim të paprecedentë nga Bashkimi Europian që ka njoftuar marrjen në mbrojtje të refugjatëve që vijnë nga Ukraina. Polonia dhe Sllovakia madje kanë bërë të ditur se ukrainasit mund të hyjnë edhe pa pasaportë.

Ky mesazh të shfaqet kur klikon mbi faqen e agjencisë shtetërore ruse të lajmeve, Tass. Facebook ka vendosur kështu të kujtojë këdo se po hyn në një hapësirë informative që kontrollohet nga shteti rus, mesazh që e shoqëron edhe me një status tjetër në çdo postim të agjencisë.

Kremlini po zbulon së fundmi objektivat politikë në Ukrainë, të paktën për atë që thotë publikisht. Zëdhënësi Dmitry Peskov ka deklaruar për Sky News Arabia, se Rusia nuk kërkon ndarjen territorial të Ukrainës por neutralitetin e deklaruar në Kushtetutë të saj dhe çarmatimin. Ide të ngjashme u shprehën dy ditë më parë edhe nga ministri i Jashtëm Lavrov, sipas të cilit një zgjidhje do të gjendet. Dhe në fakt dje agjencia "Tass" njoftonte se “bisedimet janë vendosur të zhvillohen me dyer të mbyllura”.

Përgjatë gjithë mandatit, lideri më i ri i Francës që nga koha e Napoleonit ka mbajtur rolin që i dha vetes pas fitores së tij të papritur në 2017: atë të një ndërmjetësi të rëndësishëm, duke e vendosur diplomacinë franceze – dhe veten – në mënyrë të vendosur në qendër të vëmendjes.

Ndërsa misioni i fundit i Macron-it – shmangia e pushtimit më të madh ushtarak të Evropës që nga Lufta e Dytë Botërore – përfundoi me dështim, kjo nuk erdhi për mungesë përpjekjesh.

Një koleksion i bronztë skulpturash që mbajnë firmën e mjeshtrit të Rilindjes, Donatello, është zhvendosur për herë të parë nga kishat italiane ku ai i instaloi 600 vjet më parë, për t’u bërë pjesë e një ekspozite novatore në Firence.

Koleksioni përbëhet nga një reliev, një statujë dhe dy dyer bronzi, nga Katedralja e Sienës dhe pagëzimorja e San Lorenzos në Firence. Të gjitha do të mblidhen në Firence, vendlindjen e gjeniut të Rilindjes, në të parën ekspozitë të të gjitha veprave të Donatello-s (1386-1466).

Banka Aziatike e Investimeve dhe Infrastrukturës, një entitet pas së cilës qëndron Kina, ka ndërprerë marrëdhëniet e biznesit me Rusinë dhe Bjellorusinë.

Në interesin më të mirë të bankës, menaxhimi vendosi se të gjitha aktivitetet që kanë të bëjnë me Rusinë dhe Bjellorusinë janë pezulluar dhe nën rivlerësim