Deklaratat e pasurisë së kandidatëve presidencialë francize, të publikuara të mërkurën, zbuluan se banka MKB i ka dhënë kandidates franceze të ekstremit të djathtë, Marine Le Pen, 10.6 milionë euro kredi, me të cilën do të financohet fushata e saj presidenciale.

MKB është pjesërisht në pronësi të miliarderit Lőrinc Mészáros, miku dhe aleati i kryeministrit Viktor Orbán, raporton Euractive, duke iu referuar mediave hungareze.

Shtetet e Bashkuara të Amerikës kanë vendosur të mos e furnizojnë Ukrainën me avionë luftarakë. Vendimi merr parasysh vlerësimet e komunitetit të inteligjencës dhe është njoftuar nga zëdhënësi i Pentagonit, John Kirby, që ka neutralizuar kështu propozimin polak për transferimin e avionëve Mig-29 në Ukrianë. 

Presidenti i Serbisë, Aleksandër Vuçiç, ka përsëritur qëndrimin e njohur të vendit të tij për mosanëtarësimin në NATO. Duke folur nga qyteti i Kuzmin, në kuadër të fushatës elektorale, Vuçiç ndër të tjera citohet të jetë shprehur se: 

Kandidoj për herë të fundit për presidencën sepse është e rëndësishme të ruhet paqja, stabiliteti dhe çuarja para e vendit për pesë vitet e tjera. Nuk kam ndonjë llogari diku në ndonjë vend, nuk vjedh apo nuk marr ndonjë gjë…Ne nuk do t’i bashkohemi NATO-s, ne duam ta mbrojmë vetë vendin tonë dhe qiejt tanë

"Na vjen keq t'ju informojmë se, bazuar në vendimin e Ministrit të Kulturës Ruse ...". Kështu nis një letër e dërguar nga Shën Petërsburgu gjysmës së botës. Letra kërkon kthimin mbrapsht të gjitha veprave të e artit rus që u janë huazuar institucioneve muzeale. Ajo mban firmën e profesor Mikhail Piotrovsky, drejtor i përgjithshëm i Hermitage.

Rritja e çmimit të hidrokarbureve dhe ushqimit nxori para Kryeministrisë qindra qytetarë pasditen e sotme. Ata kërkojnë që qeveria të hartojë një paketë masash që lehtëson barrën e çmimeve të rritura.

Mes protestuesve janë edhe një grup fermerësh, të cilët kërkojnë subvencione dhe uljen e çmimit të naftës.

Protesta vjen vetëm një ditë pasi kryeministri Rama doli para shqiptarëve për t’u thënë se nuk do të hiqet asnjë taksë për naftën.

Një anije e mbytur një shekull më parë në brigjet e Antarktidës është gjetur pak ditë më parë. Anija e eksploruesit anglo-irlandez, Ernest Shackelton, u zbulua në thellësitë e detit Vedel.

Në vitin 1915, anija “Endurance” u bllokua në akull, duke e detyruar Shackleton dhe ekuipazhin e tij ta braktisnin pa u mbytur ende.

Pas plot 107 vjetësh, anija prej druri është gjetur “praktikisht e paprekur", tha Mensun Bound, drejtor i eksplorimit në Fondacionin Detar të Trashëgimisë Falklands, i cili organizoi ekspeditën kërkimore.

Kryeministri i vendit, Edi Rama ka përcjellë sot përmes faqes së vet në facebook, një paralajmërim të parë për rritjen e çmimit të energjisë, duke vënë në dukje situatën e vështirë të krijuar nga lufta në Ukrainë.

LUFTA PO i NGRE ZGUPTHI ÇMIMET! Sot energjia e importuar na kushton 61 lek për kilovat, por FAMILJET VAZHDOJNË TË PAGUAJNË 9.5 Lek! Pyesni, shikoni çfarë bëhet në vendet fqinje dhe mos duartrokisni, po vetëm kuptoni se nuk jetojmë në një kohë normale, po në një kohë krize globale e lufte në Europë. Kjo kohë kërkon kurajo, durim dhe dinjitet

Ministria ruse e Mbrojtjes ka publikuar sot disa dokumente që sipas saj konfirmojnë planet e Ministrisë ukrainase të Mbrojtjes për operacione ushtarake në rajonin e Donbasit në mars të këtij viti.

Astronomi Carl Sagan ishte një transkriptues i shkëlqyer i shkencës, i njohur gjerësisht për serialin origjinal televiziv "Cosmos". Njëkohësisht një shkrimtar pjellor, në vitin 1995, ai shkroi librin "Bota e përhumbur nga demonët: Shkenca si qiri në errësirë" që prek një sërë temash.

Nëse shenja e parë e një shkrirjeje midis Lindjes dhe Perëndimit ishte hapja e një dyqani McDonald's në Budapest në gushtin e largët 1989, mbyllja e përkohshme e 850 dyqaneve që zinxhiri amerikan ka në Rusi, i njoftuar të martën, mund të jetë simboli kulturor dhe tregtar i botës që përplaset me Rusinë e Vladimir Putinit. Kompania i është dorëzuar presionit të opinionit publik dhe pas heshtjes së vazhdueshme për ngjarjet, ka vendosur të pezullojë përkohësisht aktivitetin e saj në vend.