Turqia dhe Izraeli kanë rikthyer diskutimet e nivelit të lartë për normalizimin e marrëdhënieve mes tyre. Ministri i Jashtëm turk, Mevlut Cavusoglu ka qenë së fundmi në Tel Aviv, në të parën vizitë të një niveli të tillë në 15 vjet. Në një konferencë të përbashkët me homologun e tij izraelit, Yair Lapid, që ndër të tjera u shpreh se:

Kreu i Patriarakanës së Stambollit, Vartholomeu, ka dalë kundër qëndrimeve të Patriarkut Kirill të Moskës, duke i bërë thirrje që ai të ndërmjetësojë për fundin e konfliktit në Ukrainë. Në një intervistë për televizionin grek, ERT, Vartholomeu ka shprehur zhgënjimin për qëndrimet e kishës ruse.

Nuk do të ishte e pamundur që të gjitha kishat të mos e dënonin dhunën, luftën. Kisha ruse na zhgënjeu. Nuk dua që kisha ruse dhe vëllai, Patriarku Kirill të jenë ky përjashtim tragjik. Nuk e di sesi ai mund të justifikojë veten në ndërgjegjen e tij

Serbia po shantazhohet hapur për të mbajtur një qëndrim të qartë ndaj Rusisë për Ukrainën. Sipas mediave serbe që referojnë një takim të presidentit Aleksander Vuçiç me ambasadorin amerikan në Serbi Christopher Hill, pala amerikane ka bërë të qartë se politika e balancimit nga Beogradi nuk do të tolerohet më.

10% e specieve të Mesdheut do të zhduken deri në vitin 2050. Një raport i fundit i Panelit Ndërqeveritar mbi Ndryshimet Klimaterike në OKB vlerëson se ndryshimi i temperaturës në këtë shekull do të japë pasoja imediate dhe konkrete në popullsitë e detit kryesor të botës. 

Deri në 20% e specieve detare me vlerë të madhe ekonomike në Mesdheun Lindor dhe shumica e peshqve në Detin e Zi do të zhduken në katër dekadat pasuese

Media të ndryshme raportojnë për një sjellje kurioze të presidentit egjiptian, Fattah Al-Sisi sipas të cilit qytetarët e vendit nuk duhet të revoltohen për çmimet e ngritura të ushqimve, por të marrin shembull nga Profeti që hëngri dikur gjethe.

Nuk jam i shqetësuar se dikush thotë se 1 kile bamje kushton 100 paund egjiptianë, sepse egjiptianët janë të vetëdijshëm se Profeti me të vetët u zunë në kurth në periferinë e Makkah për 3 vjet der isa nisën të hanë gjethe. Ata nuk I kërkuan Profetit ushqim apo që toka të shpërthente me ta

I bëj thirrje të gjithë shqiptarëve që nuk kanë biletë e s’janë në Tiranë mos tentojnë të vijnë atë ditë në Tiranë se qyteti do jetë në dispozicion të tifozerive, miqve dhe atyre që kanë një biletë.

I bëj thirrje të gjithë binzeseve që nuk kanë lidhje me finalen, jo baret e restorantet, e gjithë bizneset e shërbimet, por të tjerat si bankat apo zyrat e ndryshme private që si kemi bërë me institucionet publike apo shkollat ta bëjnë e ata ta shpallin ditë pushimi të mërkurën se do jetë e paralizuar sa i takon qarkullimit të mjeteve gjithë Tirana.

Shtetet e Bashkuara të Amerikës kanë prezantuar një nismë të re për tregtinë në zonën e Paqësorit dhe oqeanit Indian, si kundërpërgjigje ndaj ekspansionit të Kinës. Njoftimin e ka dhënë vetë presidenti amerikan, Joe Biden gjatë një vizite në Japoni ku është firmosur edhe një dokument i posaçëm.

Njerëzimi po hyn në një fazë të re rreziku. Instituti i Stokholmit për Kërkimin e Paqes, ka publikuar këto ditë një raport që qysh tani është bërë i shumëcituar. Klima, pandemia, lufta, uria, katër faktorë që kombinojnë dhe ushqejnë njëri-tjetrin në një botë që është në prag të shpalljes zyrtarisht si vend i pasigurtë.

Për më shumë se 1000 vjet, Familja Perandorake Japoneze dhe mjekët e saj kanë ruajtur një thesar të mjekësisë orientale: 30 rrotullat e plota të “Ishinhō”, ose “zemra e përshkrimit mjekësor”. Kjo përmbledhje u nxor nga burime nga India, Kina, Korea dhe gjetkë, ndonëse shumë prej dokumenteve origjinale kanë humbur apo janë shkatërruar. 

Sekretari i Përgjithshëm Shoqatës Shqiptare të Bankave, Spiro Brumbulli, thotë në një intervistë për revistën “Monitor” se për çështjen e pastrimit të parave në sektorin e ndërtimit, duhen shtuar disa kërkesa fikse për ata që aplikojnë për leje ndërtimi.

Ka një gjetje në raportet e Moneyval që sektori i ndërtimit është i ekspozuar ndaj ciklimit të parave me burime joligjore. Edhe pse bankat janë shumë të kujdesshme në kreditim të shoqërive të ndërtimit dhe individëve për blerje banesash, ka ndërtime që bëhen edhe pa kredi bankare.