Erion Veliaj ka dhënë sot në Top-Channel një intervistë pa kuptim. Në parim një prononcim kërkohet për një çështje brenda kuadrit të detyrës dhe profilit publik, ose në një rrethanë të caktuar. Intervista e Veliajt sot, në cilësinë e Kryetarit të Bashkisë së Tiranës ka qenë asgjë më shumë se një replikë ndaj sulmeve të Ilir Metës, të cilat siç e dimë në politikë shfrytëzohen edhe për të faktorizuar kundërshtarin. 

Bashkia e Tiranës i ka dhënë SPAK-ut godinën e re të Ujësjellës-Kanalizimeve. Në mbledhjen e datës 12 korrik 2022, Këshilli Bashkiak ka dhënë pëlqimin për shqyrtimin e kërkesës së KLP-së për t’i transferuar SPAK-ut pronësinë e godinës së re në rrugën “Jordan Misja”.

Media e Bashkimit Europian, “Politico” shkruan sot për qëndrimin e pritshëm të Gjermanisë përkundrejt Kinës dhe implikimet e sjelljes së saj në kohezionin europian. Duke vënë në dukje acarimin e shumë aktorë në Perëndim për qëndrimet ambigue të Berlinit në raport me sulmin rus ndaj Ukrainës, media në fjalë vë në dukje se në eventualitetin e një pushtimi kinez të Tajvanit, Gjermania sërish nuk do të bashkohet me politikën perëndimore.

Parlamenti letonez ka miratuar një rezolutë përmes së cilës e ka shpallur Rusinë si shtet që sponsorizon terrorizmin. Sipas dokumentit të miratuar në datën 11 gusht, parlamenti i cilëson aktet e ushtrisë ruse në Ukrainë si terrorizëm, ndërkohë që ka bërë thirrje për të gjitha vendet e BE-së që të ndalojnë lëshimin e vizave turistike për shtetasit rusë dhe bjellorusë.

Në një ceremoni të nënshkrimit të memorandumit për portin e ri të Durrësit u dha një shfaqje e rrallë e tufës së seleksionuar filobuxhetore të të ashtuquajturës qeveri shqiptare. Ministrja e Infrastrukturës Belinda Balluku i premtoi Mirelës së Turizmit(me këtë gjuhë) sesa shumë zhvillim do të sjellë kjo vepër. Paralel me këtë miklim shoqesh ministresha kalonte në plane një Delina gati e lumtur.

Mediat serbe kanë qarkulluar një intervistë të ambasadorit të Greqisë në Serbi, Georgios Diakofotakis, dhënë për agjencinë “Tanjug” përmes së cilës janë vjelë një titulltë njohur: Greqia nuk do ta njohë Kosovën. 

Gjatë vizitës së tij në Beograd ministri i Punëve të Jashtme Nikos Dendias përsëriti se pozicioni i Greqisë mbetet i pandryshuar dhe se ajo nuk ka ndërmend të njohë pavarësinë e Kosovës

citohet ambasadori. 

Departamenti amerikan i Drejtësisë  pretendon se ka zbuluar një komplot të Iranit për të vrarë ish-këshilltarin e Presidentit Donald Trump për Sigurinë, John Bolton. Sipas departamentit një 45 vjeçar Iranian i quajtur Shahram Porsafi, i njohur edhe si Mehdi Rezayi, ka ofruar 300 mijë dollarë për vrasjen e Bolton. Sipas të njëjtit pretendim, vrasja ishte konceptuar si hakmarrje ndaj vrasjes me urdhër të Turmp të ish-kreut të Gardës Revolucionare, Qasem Soleimani.

Sekretari amerikan i Mbrojtjes, Lloyd Austin ka deklaruar gjatë një konference për shtyp në Riga, ku u takua me homologun e tij letonez, Artis Pabriks se SHBA nuk po kërkon luftë me Rusinë.

Të jem i qartë: ne nuk kërkojmë konfrontim me Rusinë dhe nuk përbëjmë një kërcënim ndaj saj

tha ai.

Dje në media qarkulloi lajmi i vetëvrasjes me varje I një shtetasi në Përrenjas. U tha se personi kishte  vrarë veten për shkak se nuk kishte paguar detyrimet ndaj OShEE-së. Befas, sapo një njeri ka humbur jetën vlera e saj si e tillë ka humbur për t’i lënë vendin lajmit kryesor: gjetjes së fajit dhe autorit. 
Në këtë rast çështja është zgjidhur sa hap e mbyll sytë. OShEE ka reaguar direkt duke sqaruar se a ka sqaruar në vend situatën duke konfirmuar se personit në fjalë nuk i janë prerë dritat. Thotë OShEE: 
 

Lideri de facto polak, Jarosław Kaczyński ka dalë me qëndrime kundër Bashkimit Europian duke njoftuar se Polonia nuk do të bëjë më lëshime as në këmbim të 35 miliardë euro grante.

Kemi treguar maksimumin e vullnetit të mirë, por koncesionet nuk ka sjellë gjë. Qëkurse KE-ja nuk po përmbush detyrimet ndaj Polonisë në këtë zonë, ne nuk kemi arsye të përmbushim detyrimet ndaj BE-së

ka thënë ai.