Kosova nuk do të lejohet të marrë pjesë në Organin e Rregullatorëve Europianë për Komunikimet Elektronike, BEREC. Në vendim e Gjykatës Europiane të Drejtësisë thuhet se anulohet vendimi i Komisionit Eurpian për sa kohë që ai nuk ka fuqi që ta zbatojë atë. Po ashtu, thuhet se funksioni i vetëm i Komisionit Europian në BEREC është të kontrollojë funksionimin e duhur të rregullores.

Presidenti maqedonas, Stevo Pendarovksi e ka cilësuar Ballkanin Perëndimor si pika e dobët e arkitekturës europiane të sigurisë. Duke folur në Forumin Ekonomik Botëror, Pendarovksi ka folur për një rrezik nga Rusia duke bërë thirrje që SHBA t’i kushtojë më shumë rëndësi rajonit.

Qytetërimi njerëzor e kishte kuptuar mirë se si funksiononte seksi dhe riprodhimi shumë kohë përpara se të shpikej mikroskopi. Por deri në shekullin XII, pakkush e dinte se çfarë ishin në të vërtetë spermatozoidet, aq më pak të ishin të vetëdijshëm për pamjen e tyre të çuditshme. Dhe kur sperma më në fund u zbulua zyrtarisht, nga Antonie Philips van Leeuwenhoek, babai i mikrobiologjisë, ai u gjet kaq në siklet, saqë do të donte të mos e kishte parë atë që kishte nën lupën e mikroskopit.

Një grup kërkuesish nga Massachusetts Institute of Technology dhe Universiteti i Harvardit, në bashkëpunim me laboratorë në Itali dhe Zvicër, kanë mundur të hedhin dritë mbi cilësitë e betonit romak, i njohur për qëndrueshmërinë e tij përgjatë mijëvjeçarëve. Betoni romak është studiuar gjatë, nisur nga qëndrueshëmria e tij edhe në mjedise pranë ujit, por edhe në objekte me vështirësi konstruktive dhe inxhinierike si ura, ujësjellës, mure rrethues etj..

Sistemi i ri i kontrollit të hyrjeve në BE po përgatitet dhe ai pritet të hyjë në fuqi në muajin maj. Medait hollandeze shkruajnë se ndryshimet e bëra, çdo shtetas që do të hyjë në zonën e BE-së do të regjistrohet në një sistem të ri kontrolli dhe gjashtë muaj më vonë, pra diku nga muaji nëntor, shtetas si shqiptarët do të detyrohen të aplikojnë për një autorizim udhëtimi në rrugë digjitale.

Presidenti turk, Recep Tayyip Erdogan, ka deklaruar se Suedia dhe Finlanda duhet të dorëzojë 130 shtetas turq të cilët ai i quan terroristë, nëse duan që të hyjnë në NATO.

Së pari dhe mbi të gjitha, ata duhet të ekstradojnë rreth 130 terroristë në mënyrë që kërkesa e tyre të kalojë në Parlamentin tonë; për fat të keq ata nuk e kanë bërë këtë gjë ende

është shprehur Erdogan në një takim me të rinj.

Është arrestuar sot në Palermo Matteo Messina di Denaro, kapomafia i Castelvetranos në Trapani të Siçilisë. Ndalimi i tij është një epilog i sagës së korleonezëve, apo mafies së vjetër siçiliane në periudhën e gangsterizimit të saj dhe përmbysjes së dominimit të Cosa Nostras nga palermitanët. Di Denaro ishte në kërkim prej 30 vjetësh një rekord më vete ky që nuk kalon megjithatë atë të Bernardo Provenzanos, njeriut të dytë më të rëndësishëm të klanit të korleonezëve të drejtuar nga Salvatore Riina.

Ka ndërruar jetë në moshën 95 vjeçare aktorja e njohur e kinemasë, një ndër bukuritë e mëdha të saj, Gina Lollobrigida.

E datëlindjes 1927, lindur në afërsi të Romës ajo nisi karrierën si modele. Pas disa roleve që patën një farë suksesi, Lollobrigida mori famë me një rol në filmin Beat the Devil më 1953, përballë Humphrey Bogart.

Më pas luan në filmin “Solomon and Sheba”, apo edhe “Beautiful but dangerous” me të cilin u identifikua si “gruaja më e bukur në botë”.

Një tërmet i raportuar me magnitudë 5.2 ka goditur Shqipërinë. Lëkundjet raportohen të jenë ndjerë në Tiranë, Durrës, Shkodër, Pogradec, por edhe Mal të Zi. Epiqendra raportohet në afërsi të Matit.

Paslëkundjet kanë vijuar të paktën Tiranë.

Parizienët, apo parizianët janë shumë të ndarë së fundmi nëse e-scooter duhen lejuar të jepen me qira më apo jo. Për këtë aryse është menduar që ata të thirren në votim për këtë çështje që ka ardhur në vëmendje për shkak të shkeljeve që konsumojnë drejtuesit e tyre. Mbrojtësit e tyre thonë se ato janë një alternativë më e mirë ndaj makinave që ndotin dhe transportit public, përherë mbushur me njerëz.