Presidenti turk, Reccep Tayyip Erdogan, ka folur së fundmi për disa zhvillime që sipas tij do të vendosin Turqinë në krye të një ndryshimi rrënjësor në çështjet e sigurisë dhe teknologjisë ushtarake.

Falë TCG Anadolu ne do të bëhemi vendi pioner, një nga të parët në botë për teknologji që ndryshojnë paradigmat, sistemet dhe zgjidhjet përkatëse

është shprehur Erdogan në një fjalim të mbajtur në Komandën e Forcave Detare me rastin e lëshimit në ujë të tri fregatave të reja të cilat “do të lundrojnë në Atdheun Blu”. 

E domosdoshme, e parealizueshme. Nëse i bashkon këta dy mbiemra, kupton se ku konsiston drama evropiane. Siç u pa, së fundmi, nga udhëtimi i presidentit francez, Emmanuel Macron, në Kinë. Ndërsa Evropa ka nevojë për një integrim më të madh për t'u përballur me kërcënimet në rritje për sigurinë e të gjithë ne evropianëve, fuqitë e mëdha, mbi të gjitha pesha dhe presioni i së kaluarës mbi të tashmen, e bëjnë pothuajse të pamundur ("pothuajse" është një lëshim ndaj paparashikueshmërisë së të ardhmes) ta arrijë atë.

Ministri i Jashtëm turk, Mevlut Cavusoglu ka deklaruar gjatë një interviste për "A Haber Tv", se Ankaraja është dakord për adresimin e problemeve me Greqinë në Gjykatën e Hagës, por me kushtin që aty të çohet një paketë e gjithë, jo vetëm një çështje.

Pse duhet të votojnë Ju qytetarët shqiptarë në këto zgjedhje? 

Pyetja iu drejtua sekretarit të Përgjithshëm të Partisë Socialiste, Damian Gjiknuri në emisionin “Të Paekspozuarit”. 

Sepse jemi më të mirët në terrenin aktual!

përgjigja. 

Ministri i Jashtëm serb, Ivica Daçiç, ka lënë një opsion hapur mbi ndryshimin e qëndrimit të Beogradit për sanksionet ndaj Rusisë. Duke folur në “Tv Prva” , Daçiç e ka lidhur hipotezën e sanksioneve me qëndrimin rus për Kosovën.

Nëse dikush do ta shtronte çështjen e anëtarësimit të Kosovës në OKB, do të kishte një proces votimi ku Kina dhe Rusia kanë të drejtën e vetos

Ish-kryeministri i majtë i Greqisë Alexis Tsipras ka deklaruar gjatë një interviste për gazetën konservatore greke, “Kathimerini” se ai do të fitojë zgjedhjet e 21 majit dhe do të sjellë në pushtet një koalicion progresistësh. Sipas tij madje kjo qeveri do të jetë stabël duke u bazuar pikë së pari mbi legjtimitetin moral dhe politik.

Ekonomia botërore do të tkurret gjatë këtij viti dhe nuk pritet ndonjë rritje domethënëse as për pesë vitet e ardhshme. Në parashikimin e tij, Fondi Monetar Ndërkombëtar flet për një rritje globale nën 3% përgjatë vitit 2023 dhe një stanjacion në rreth 3% për pesë vitet e ardhshme. Drejtoresha Menaxhuese, Kristalina Georgieva, tha se ky është parashikimi më i ulët i rritjes afatmesme globale që nga viti 1990, dhe shumë nën rritjen mesatare prej 3.8% të parë në dy dekadat e fundit. Perspektivat e rritjes mbetën të dobëta duke pasur parasysh inflacionin vazhdimisht të lartë.

Izraeli ka dhënë dritën jeshile për shitjen Greqisë të raketave anti-tank, “Spike”. Vlera e kontratës është 400 milionë dollarë dhe parashikohet të përforcojë aftësinë operacionale të forcave ushtarake greke. “Spike” prodhohet nga kompanian shtetërore izraelite, “Rafael” dhe ajo është në përdorim nga shumë vende të BE-së dhe NATO-s.

Agjencia ruse e lajmeve “Tass” njofton se Bjellorusia dhe Rusia po zhvillojnë bisedime për atë që me gjuhën e dikurshme do të quhej një Traktat Sigurimi, që parashikon mbrojtje në rast të një sulmi ushtarak. Njoftimi i referohet deklaratave të presidenti bjellorus, Alexander Lukashenko që ka zhvilluar bisedime mbi këtë temë me ministrin rus të Mbrojtjes, Sergey Shoigu.