Për Britaninë, Kina nuk është armik, por një sfidë.

Ministri grek për Migracionin dhe Azilin, Dimitris Kairidis ka kërkuar një marrëveshje të re mes BE-së dhe Turqisë për të përballuar numrin në rritje të imigrantëve. Në një intervistë për gazetën gjermane “Bild”, Kairidis ka sugjeruar që të Gjermania të ndërmjetësojë një marrëveshje të re, çka njofton se marrëveshja e arritur mes ish-kancelares Merkel dhe presidentit turk, Erodgan, nuk mjafton më.

Rashiq: Arrestimi i Radimiroviq, taktikë e vjetër e Serbisë

Ministri për Komunitete dhe Kthim, Nenad Rashiq, e ka cilësuar taktikë të Serbisë ndalimin e drejtorit të Administratës në Komunën e Leposaviqit, Nikolla Radimiroviq.

Rashiq tha në një konferencë shtypi se kjo taktikë ndiqet nga pala serbe prej 7-8 vjetësh.

Një projekt shumëkombësh hekurudhor dhe i transportit detar që lidh Indinë me Lindjen e Mesme dhe Evropën është njoftuar në nisje të samitit të G20 në Nju-Delhi. Propozimi i ri shihet si një sfidë për ambiciet ekonomike të Kinës në rajon.

Korridori, i cili do të përfshijë Indinë, Arabinë Saudite, Emiratet e Bashkuara Arabe, Jordaninë, Izraelin dhe Bashkimin Evropian, do të ndihmojë në nxitjen e tregtisë, ofrimin e burimeve të energjisë dhe përmirësimin e lidhjes dixhitale.

Nigeri pretendon se Franca po planifikon një ndërhyrje ushtarake në ish-koloninë e saj, ku pak javë më parë një grusht shteti rrëzoi presidentin.

Zëdhënësi i juntës ushtarake që mori pushtetin thotë se Franca po mbledh trupa në disa vende të rajonit, për të realizuar qëllimin e saj.

Marrëdhëniet midis Nigerit dhe ish-fuqisë koloniale Francës u përkeqësuan pas një grusht shteti në korrik.

Italia është shkëputur nga nisma kineze Rruga e Mëndafshit. Edhe pse formalisht nuk është zyrtarizuar, vullneti i Italisë i është komunikuar qeverisë kineze gjatë një takimi që kryeministrja Giorgia Meloni pati me homologun kinez, Li Qiang, në samitin e G-20.

Një nga emrat më të mëdhenj të modës rezulton të ketë pasur angazhim të dyfishtë politik gjatë Luftës së Dytë Botërore. Një ekspozitë që hapet me 16 shtator në Londër pritet të tregojë për vizitorët, krahas veshjeve të stiluara nga Coco Chanel, edhe dokumente që provojnë se ajo ka qenë e angazhuar me rezistencën franceze.

Krahas këtyre dokumenteve do të jenë edhe provat kontradiktore se ajo vepronte edhe si agjente naziste.

Lauren Bacall, e cila kuron ekspozitën, thotë se Chanel nuk duhet kuptuar e shkëputur nga angazhimi i saj në luftë.

Grupi i 20 ekonomive kryesore të botës ka pranuar Bashkimin Afrikan si anëtar të përhershëm, një njohje e fuqishme e Afrikës pasi më shumë se 50 vendet e saj kërkojnë një rol më të rëndësishëm në skenën globale.

Deri më tani, Afrika e Jugut ka qenë i vetmi anëtar i bllokut G20.

Në një botë ku roli i Afrikës është thelbësor për diskutimet rreth ndryshimeve klimatike, sigurisë ushqimore, migrimit dhe çështjeve të tjera, anëtarësimi në G20 është një hap i rëndësishëm.

Një tërmet me magnitudë 7 goditi Marokun mbrëmjen e së premtes. Lëkundjet u regjistruan në orën 23:11. Instituti Kombëtar i Gjeofizikës në Marok njoftoi se epiqendra e tërmetit u lokalizua në komunën Ighil, në provincën e Al Haouz, në jug të Marrakech-it, një thellësi 8 km.

Dymbëdhjetë orë pas lëkundjeve, Maroku është në kaos. 820 persona janë konfirmuar të vdekur, mbi 600 të plagosur, ndërkohë që të tjerë kërkohen nën rrënoja.

Tërmeti u regjistrua përgjatë vargut malor të Atlantikut, me një lëvizje ngjeshjeje të krijuar nga shtytja e pllakës afrikane drejt asaj evropiane.