Këto zënkat e rreperëve të sotëm? Uhh, nuk janë asgjë krahasuar me këtë. Jay Z mësohet se kishte realizuar një këngë në formë DISS-i për 2Pac. Aty Jay, përdor rreshta rrënqethëse, ku flet për Mbretin e rrymës muzikore Hip-Hop.

Kënga quhet ‘A Waste Of Time’ (Një Humbje Kohe), e cila nuk u publikua kurrë.  DJ Clark Kent thotë:’Gjithcka kishte përfunduar, por 2Pac vdiq vetëm pak përpara publikimit, dhe e lam me aq. Duhej të respektonim faktin që ai nuk jetonte më.’ /E.B

Melanie Griffith, aktorja e njohur amerikane vazhdon seancat për të fshurë përfundimisht tatuazhin për Antonio Banderas.

Ajo u shfaq së fundmi në publik, dhe sërish mund të lexonim emrin e aktorit latin, megjithatë Melanie as që ka ndërmend të ndalet derisa të mos shohim më asgjë në krahun e saj./E.B 

Qeveria po bën shumë përpjekje për të përmirësuar imazhin e policisë së shtetit, apo për të rritur mundësinë e qytetarëve për të denoncuar, por sërish, rastet abuzive nuk sosin. Madje të tilla që shkojnë në kufij të njerëzores. Sot raportohet se në komisariatin e Pogradecit është mbajtur për 11 orë një fëmijë vetëm 4 vjeç. Ka qenë nëna që ka denoncuar këtë rast, që sipas saj ka sjellë edhe rëndimin e gjendjes së fëmijës e dërgimin e tij në spital. “Majlinda Leka shprehet se i biri ka qëndruar në komisariat pa ushqim dhe pa gjumë, e tani ajo e ka shtruar në polici.

Rreth dy javë pasi Kuvendi i Shqipërisë miratoi ligjin për arsimin e lartë, kreu i shtetit Bujar Nishani e ka kthyer mbrapsht atë duke argumentuar arsyet sipas tij. Ndër të tjera ai thotë:

Nuk ka më asnjë dyshim që qeveria ka dështuar në disa plane me financat dhe ekonominë. Më e dukshmja, ajo s’ka mundur të realizojë të ardhurat fiskale, kryesisht për shkak të evazionit të lartë fiskal, korrupsionit të administratës fiskale dhe paaftësisë të pashembullt. Sjellja me tam-tame dhe largimi i paprecedentë i “Crown Agents” është qershia mbi këtë tortë të hidhur. Po ashtu, rritja ekonomike, sado të përpiqet INSTAT me “metodat” e reja apo marifete të tjera, duket pranë zeros, madje me shumë gjasa është negative, pra ekonomia është futur apo po rrëshqet në recesion.

Larguar nga banesa në shenjë hakmarrjeje, dy motrat 18 dhe 14 vjeçe janë gjetur nga autoritetet policore në Vlorë. Arsyeja e largimit sipas pohimit të tyre, ishte se prindërit nuk i trajtonin mirë. Motrat rezultonin të zhdukura që prej 16 korrikut. Ato akuzohen për shkatërrim prone dhe vjedhje në bashkëpunim. Nga detajet e policisë bëhet e ditur se pasi kishin helmuar prindërit e tyre dhe motrën e madhe, vajzat i kishin vënë flakën shtëpisë dhe ishin larguar në këmbë natën, duke fjetur fillimisht në një hotel në Durrës, më 16 korrik.

Kryetari i Partisë Demokratike, Lulzim Basha, në një status në rrjetin social Facebook shprehet se “Ministria e Financave pranoi dje se 25 milion dollarë “avulluan” në korrik nga tatimet dhe doganat. Para të qytetarëve që duhej të shkonin për rritje pensionesh dhe rrogash, asistencë familjeve në nevoje, shkolla, kopshte, çerdhe, ujësjellës apo kompensim për pronarët dhe të përndjekurit, por, nuk arritën kurrë në arkën e publikut, sepse përfunduan njësoj si 150 milion dollarë të tjerë në xhepat e kontrabandistëve dhe qeveritarëve të korruptuar.

Pas “Xena” dhe “X-Files”, një tjetër serial klasik i viteve ’90 po përgatitet të rikthehet në ekranin e vogël. Sipas “Tvline”, në fakt Will Smith dhe shtëpia e tij e produksionit “Overbrook” janë në përpjekje për të prodhuar rikthimin e “Willy, princi i Bel-Air”, seriali që e lançoi Smith në botën e spektaklit. Projekti, i cili është ende në fazën fillestare, do të ruajë të njëjtin skenar me serinë origjinale: një familje normale, e cila tronditet nga ardhja e një elementi të ri në botën e tyre.

Sipas një sondazhi të bërë nga revista amerikane “Time”, personi më me ndikim për vitin 2015 është presidenti rus, Vladimir Putin, i pasuar nga pop star-i Lady Gaga, e cila është klasifikuar e treta në këtë sondazh. Lista e plotë e 100 personaliteteve më me ndikim në planet do të botohet në 16 prillin e ardhshëm.

Shikim prej dive, fustan mëndafshi, një trëndafil rozë për të mbajtur flokët dhe një palë syze dielli në sy edhe pse ishte natë e errët. Kështu u paraqit Lady Gaga para fotografëve dhe një grumbulli njerëzish, të cilët e prisnin përballë një restoranti në Los Angelos ku, para se të hipte në makinë, u pengua e u rrëzua keqas. Iu desh ndihma e njërit prej shoqëruesve të saj që të ngrihej. E megjithatë, diva e famshme para se të hipte në makinë, si për të kaluar sikletin, ua dhuroi edhe një buzëqeshje paparacëve dhe të pranishmëve.