Prokurori i Përgjithshëm, Adriatik Llalla, ka qenë i ftuar mbrëmë në “Top-Story”. Llalla, i vendosur së fundmi në qendër të vëmendjes, ka dhënë përgjigje për shumë çështje të aktualitetit politik. Ai ka shpjeguar angazhimin e Prokurorisë për hetimin e disa ngjarjeve: 21 janarin, arrestimin e Spiro Kserës, ish-ministër i Çështjeve Sociale, apo edhe përgjimin Meta-Ismailaj. Llalla ka deklaruar se Ilir Meta është përgjuar që në vitin 2008, pra në kohën kur në detyrë ishte Ina Rama.

Ambasada ruse në Tiranë njofton se më 28 janar është zhvilluar ceremonina e dorëzimit të librave ndaj Bibliotekës së Kryeministrisë. "Gjithsej janë dorëzuar më shumë se 100 botime të ndryshme, përfshirë këtu veprat e letërsisë ruse klasike (Fjodor Dostojevski, Anton Çehov, Sergej Jesenin, Aleksandër Sollzhenjicin) dhe moderne, si edhe Enciklopedinë Ortodokse prej 40 vëllimesh", raporton ambasada.

Gjurmë të arkitekturës sovjetike ruhen në shumë vende të Bllokut Lindor, përfshirë edhe Shqipërinë. Më poshtë disa foto të disa prej ndërtesave karakteristike të kësaj shkolle, e cila siç shkruan “rbth.com”, “pas revolucionit, ishte në kërkim të përhershëm të formave: karakteristikë e racionalizmit dhe konstruktivizmit… në funksion të maksimumit të funksionalitetit”. Kjo arkitekturë u aplikua jo vetëm në godina publike, por edhe për apartamente banimi dhe monumente. Të duket si kthim në një kohë tjetër. 

Disa kërkues nga universiteti i Kalifornisë kanë hedhur idenë se Toka dhe Hëna janë krijuar nga përplasja mes planetit tonë të dikurshëm dhe një planeti embrional që e quajnë Theia, me përmasë sa Toka, apo Marsi. Ngjarja mendohet të ketë ndodhur 4.5 miliardë vjet më parë, 100 milionë vjet pasi Toka u formua. Në këtë përfundim u arrit pasi u studiuan gurët e sjellë nga Hëna nga misionet Apollo 12, 15 dhe 17 si dhe gurët vullkanikë në mantelin e Tokës, marrë në Havai dhe Arizona. Kërkuesit konstatuan se kampionet e krahasuara kishin izotope të njëjta të oksigjenit.

Debati politik-publik që buron nga Partia Socialiste ka fituar një përmasë të re, deri diku komike. Diskutimet për nenet e statutit të kësaj partie, për zgjedhjet për kryetar, apo edhe për demokracinë e brendshme, ka vite që dëgjohen, e që shamatojnë skenën politike. Ato nuk kanë interesimin e dikurshëm, ndaj edhe rëndësi kanë fituar "debatet" për qeverisjen e PS-së.