Ngritja në sondazhe për Martin Schulz, i cili pretendon të vihet përballë Angela Merkel në zgjedhjet e ardhshme, u prit mirë edhe në disa qarqe në Shqipëri. Njësoj si italiani Pitella, ai shitet në mediat pranë qeverisë si mik i Edi Ramës. Por kjo miqësi mund të mos marrë publicitetin që normalisht do të kishte në një vend si Shqipëria, pasi Schulz është nën dyshime serioze për korrupsion. Ngjan thuajse e jashtëzakonshme, por ja që edhe miqtë e Edi Ramës dyshohen për korrupsion.

Regjimi Iranian ka ndalur që koleksioni i Muzeut të Artit Bashkëkohor në Teheran të prezantohet në Berlin, ku ishte parashikur të vendosej në një ekspozitë në dhjetor. Koleksioni u krijua në vitet ’70 nga ish-perandoresha Farah Pahlavi, bashkëshorte e Shahut të fundit, Mohammad Reza Pahlavi, e cila flet në një intervistë për revistën gjermane “Spiegel” për koleksionin, por edhe për Iranin e atyre viteve.

Ajo mendon se njerëzit kanë nostalgji për Iranian e para revolucionit, për atë frymë që sipas saj po krijohej e që do t’i hapte rrugën zhvillimit.

Duket se një hap tjetër me rëndësi është hedhur në fushën kompjuterike. Një sistem i machine learning – fusha e cila merret me aftësimin e Inteligjencës Artificiale të mësojnë pa qenë paraprakisht të programuar – ka arritur të përftojë aftësinë për të shkruar kode vetë. Sistemi i quajtur, DeepCoder, realizuar nnga Microsoft dhe kërkues në universitetin e Cambridge, arriti të zgjidhë detyrat e vëna për programim.

Dy gishta lart në një foto detyrojnë babain të bëjë autokrotikë. Ka ndodhur me Pandeli Majkon, djali i të cilit ka dalë në një fotografi me dy gishtat lart, e cila mandej është interpretuar si përkrahje e protestës së opozitës. Majko ka rendur – nuk dihet mirë për cilat arsye – të njohë para socialistëve përgjegjësinë e këtij gabimi politik që rëndon në biografi.

Biznesi I grupuar pranë Dhomës Amerikanë të Tregtisë thirri në tryezë Drejtoreshën e Përgjithshme të Tatimeve, ku i prezantuan problematikat që i shqetësojnë. Biznesi u shpreh kundër amnistisë fiskale, pasi sipas tyre kështu dekurajohet biznesi i ndërshëm. Drejtoresha e Tatimeve u nga ana e saj tha se ligji për fshirjen e detyrimeve, është një ligj i mirë. Vjero tha se tatimet synojnë të rrisin bashkepunimin me biznesin, dhe jo t'i penalizojë ata. 

TemaTv

Ambasadorja amerikane në Organizatën e Kombeve të Bashkuara, Nikki Haley ka deklaruar se Kosova e meriton të jetë anëtare e plotë e OKB-së. "SHBA beson se komuniteti ndërkombëtar duhet të pranojnë se Kosova ka bërë përparime të mëdha që nga shpallja e pavarësisë. Kosova e meriton të marrë vendin që i takon në bashkësinë ndërkombëtare, përfshirë edhe anëtarësim të plotë në OKB"-tha Haley në fjalimin në Këshillin e Sigurisë, të OKB-se.

Kryeministri e përsërit shpesh se policia ka qenë e tradhëtuar dhe se ndryshimi me trupën e tanishme nuk është vetëm tek uniformat. Por karakteri komik, ai që shpesh herë i kanë veshur policisë, duket se ka kapur edhe modelin e policimit që shteti i ri ka përshtatur me retorikën dhe uniformat e reja. Së fundmi është lajmëruar për një aksion kombëtar për asgjësimin e farave, fidanishteve dhe parcelave me kanabis.

Opozita parlamentare ka deklaruar se në çadrën e ngritur në bulevardin “Dëshmorët e Kombit” do të zhvillohen punimet e një parlamenti të ri, legjitim sipas saj. Kryetari I PD-së, Lulzim Basha, deklaroi dje qartë se:

“Nesër në këtë tendë, do të nisë punimet Parlamenti i ri shqiptar. Nesër nga kjo tendë ftoj çdo deputet jo të lidhur me krimin, pa rekodre kriminale, të vijë në këtë aulë të vërtetë të demokracisë, sepse ky është Parlamenti Shqiptar”.

Ismail Kadare nuk e ka fshehur indinjatën mbi përfundimet e një studimi të OSBE-së, sipas të cilit rreth 53 për qind e shqiptarëve kanë nostalgji për komunizmin. Në në një intervistë për konica. al ai thotë se ky sondazh ngre pikëpyetje mbi vërtertësinë dhe qëllimet për të cilat është bërë.

Corriere della Sera raporton se në Piazza Duomo në Milano janë vendosur edhe bananet. Pas palmave të cilave “vandalët” u vunë zjarrin, mbërrijnë bananet. Një sheh më ekzotik, thonë për Duomon tani, i cili është simboli i qytetit dhe një ndër vendet më identifikuese të vetë Italisë. Qëndrimet janë të ndryshme: ka që e mirëpresin, ka që flasin për afikanizimin e Milanos. Pas idesë qëndrojnë paratë e linjës Starbucks që hap pikën e parë në Milano në Piazza Cordusio në vitin 2018 dhe projekti i arkitektit Marco Bay.