Ambasadori i OSBE-së, Bernd Brochardt nuk kuptohet për çfarë arsye doli në krah të ministrit të Brendshëm për të arrnuar deklaratën e bërë në një studio televizive se në Shqipëri qarkullojnë mbi 2 miliardë euro para të pista, të cilat mund të përdoren për zgjedhje.

Paraqitja sportive e ministrit të Jashtëm britanik, Boris Johnson, një mbështetës i flaktë i Brexit ka habitur sërish.  52-vjeçari  është parë këtë javë në Newcastle në Britani duke bërë vrapim në park. Por rrobat që kishte zgjedhur tregojnë se ai nuk jep asnjë kacidhe për veshjen, atë sportive të paktën.Pantallona të shkurtra me lule kubaneze, një kapuç me viza dhe një t-shirt të lagur nga djersa  ishte kombinimi që shkaktoi jo pak reagime në rrjetet sociale. "Johnson qepi pantallona të shkurtra nga perde”-ishte një nga komentet në shtypin britanik.

Mali i Zi ka marrë garanci se senati amerikan do të ratifikojë protokollin e pranimit të vendit në NATO. Ministri i Punëve të Jashtme Srgja Darmanović tha në një intervistë për Reuters se Mali i Zi mund të bëhet anëtar me të drejta të plota i Aleancës deri në fund të majit.

E mbani mend Pandeli Majkon studentin e angazhuar për lirinë e mendimit? Po Majkon kryeministër që bën marrëveshje? Po atë tjetrin që rri urtë në parti? Janë të gjitha mirazhe të Majkos së vërtetë, atij që dje mesa duket i ka bërë fletërrufenë familjes së tij. Padashur kuptohet, duke dashur të shfajësohet para socialistëve pse djali i tij pozoi me dy gishtat lart. Ku qëndron faji këtu? Asgjëkundi, veç në mendjen e Majkos të cilit iu prish biografia.

Pas deklaratës së Lulzim Bashës para protestuesve të PD-së, ku sulmoi drejtuesin e TVSH-së, duke e quajtur pleh dhe bëri thirrje ta tërheqin zvarrë nga zyra, ka reaguar vetë drejtori Thoma Gëllçi.

Me anë të një letre, ai shprehet se nuk bëhet pjesë e debatit politik dhe as zhvillimeve politike të ditës. Në letër thuhet se TVSH i ka dhënë vendin dhe hapësirën e duhur Partisë Demokratike, duke dhënë pasqyrim të paaanshëm edhe të protestës së tanishme.

Gëllçi kërkon nga kryetari i Partisë Demokratike të bëjë përgënjështrimin e fjalëve të pavërteta në adresë të RTSH-së.

Sot kreu i PD-së, Lulzim Basha ka deklaruar në tendën e protestës: 

Ambasadori i OSBE-së Borchardt ka takuar sot ministrin Tahiri. Pavarësisht zvarritjeve të këtij të fundit, 2 mld euro mbeten në qarkullim si pasojë e drogë së shtuar. Dhe për drogë të shtuar flet ambasadori në intervistën e tij për Ora-News. Çfarë ka këtu për të sqaruaar? 

Vëllai i diktatorit koreanoverior, Kim Jong Un, u vra me një armë kimike, veçanërisht toksike, të njohur si elementi neurotoksik VX. Ky është përfundimi i ekspertizës mjekoligjore që u bë publike nga autoritetet malejziane. 
Substanca në fjalë konsiderohet nga OKB si armë e shfarosjes masive. Megjithatë Koreja e Veriut këmbëngul se vrasja e Kim Jong Nam është një skenar kundër Penianit. 
Në një deklaratë të përcjellë nga Agjencia Shtetërore e Lajmeve thuhet se vëllai i udhëheqësit koreanoverior vdiq nga një atak kardiak. 

Ndërkombëtarët, apo një pjesë e rëndësishme e tyre, po certifikojnë më në fund realitetin e kanabizimit të vendit. Dy ditë më parë ambasadori i OSBE-së, Bernd Borchardt deklaroi në një intervistë në Ora Neës, se janë në qarkullim 2 miliardë euro nga droga që mund të përdoren për zgjedhje.

Kryeministri i Shqipërisë Edi Rama ka kërkuar vijimin e prezencës amerikane dhe perëndimore në Ballkan, që sipas tij kërcënohet nga rënia nën ndikimin rus.

“Mos na braktisni në duart e rusëve”, thotë Edi Rama në intervistën e tij Rama. Ndërkohë gazeta citon ministrin e Jashtëm Ditmir Bushati të deklarojë se “ka një mungesë fokusimi në Ballkan nga partnerët tanë kryesorë, SHBA dhe BE”.