Ish-kryeministri Sali Berisha ka shprehur sot përmes një postimi në Facebook ngushëllimet e veta për ndarjen nga jeta të ish-kryeministrit grek Konstandin Micotaqis. Nëpër rreshta Berisha ka përmendur një fakt që flet shumë për sensin e iniciativës që karakterizonte Micotaqis, një përfaqësues i konservatorëve grekë.

Drejtori i Përgjithshëm i RTSH Thoma Gëllçi ka shkarkuar nga detyra drejtoreshën e Radio Televizionit të Gjirokastrës zonjën Albana Allushi. Shkak për këtë shkarkim janë bërë raportet e bordit të monitorimit të mediave të Komisionit Qëndror të Zgjedhjeve, të cilat tregonin qartë njëanshmëri të theksuar të partive të mazhorancës nw pasqyrimin e fushatews. Nga monitorimi i emisioneve te Radiotelevizionit të Gjirokastrës rezulton një anësi e theksuar për Lëvizjen Socialiste për Integrim  dhe Partinë Socialiste , duke I dhënë zero minuta kohë Partisë Demokratike.

Kontrolli i Lartë i Shtetit raporton se administrata publike i ka shkaktuar taksapaguesve 169 milionë euro dëme në katër muajt e parë të këtij viti. Buletini i sapopublikuar i Auditit përfshin periudhën janar-prill të këtij viti. KLSH vlerëson se pjesa më e madhe e këtij dëmi, 162 milionë euro vjen nga mosarketimi korrekt i të ardhurave që duhet të shkonin në arkën publike, ose nga abuzimi me shpenzimet e kryera nga administrata, ndërsa pjesa e mbetur prej 7.1 milionë euro i takon parregullsive dhe shkeljeve financiare nga institucionet e audituara.

Ministrii i Brendshëm, Dritan Demiraj  urdhëron efektivët e policisë të mos zbatojnë urdhërin e prokurorisë për sekuestrimin e prozhektorëve në funksion tw hetimit për helmimin e protestuesve në hapjen e rushatws elektorale të PD-së, pasi sipas tij pengohej aktiviteti partiak i një force politike një ditë më pas. 

Pa shpjeguar arsyet, Ministrja teknike e Financave Helga Vukaj, e emëruar në këtë pozicion nga Partia Demoktratike ka nxjerrë një urdhër për dikasterin që drejton dhe institucionet në varësi si tatimet e doganat, në bazë të së cilit anullon të gjithë lejet vjetore të planifikuara nga data 25 maj deri në 30 qershor dhe po ashtu vendos datën 1 korrik si ditë nga ku nëpunësit mund të përfitojnë lejen vjetore.

Dy ish-ministra të kabinetit Rama janë thirrur si dëshmitarë nga Prokuroria për Krimet e Rënda në procesin ndaj Emiljano Shullazit. Hetimet kanë të bëjnë me kërcënimin e pedagogëve Mynir Koni dhe Dhori Kule nga një grup personash gjatë fushatës së zgjedhjes së rektorit të Universitetit të Tiranës, në prill të vitit 2016.

Ditë pasi kancelarja gjermane Angela Merkel deklaroi se Gjermania dhe Europa nuk mund të bazohen më tek një aleat si SHBA, presidenti amerikan Donad Trump ka lëshuar një deklaratë – lajm që nuk dihet mirë se çfarë parathotë.

“Ne kemi një deficit tregëtar masiv me Gjermaninë, plus ata paguajnë shumë më pak sesa duhet të paguanin në NATO dhe për ushtrinë. Shumë keq për SHBA-të. Kjo do të ndryshojë”, shkruan Trump në një postim në Twitter.

Kur pashë sot në mëngjes, në shtypin online, deklaratën e Arben Imamit thënë dje në emisionin “Opinion” të Gazetarit Blendi Fevziu, rreth grave që nuk kanë bërë asgjë, por kanë lindur nga dy tre fëmijë dhe janë futur në listat e kandidatëve, menjëherë mendova nënën time që ka lindur katër fëmijë dhe një i pestë që nuk arriti të jetonte më shumë se pak orë. Po e citoj deklaratën të plotë për korrektësi sikurse ishte në video: “Nuk mund të hiqet Jozefina Topalli nga listat. Ai hoqi Topallin nga Listat dhe vuri në listë shtëpiake që s’kanë bërë asnjë punë se kanë pjellë nga 3-4 fëmijë”.

Videoja e takimit të kryeministrit në Peshkopi në një kafene ja kalon të gjithave. “Kryevepër” e përpjekjes për spontanitet, thjeshtësi, përballje mes intelektualit dhe masës. Në kafenë kaq shumë të sharë e përgojuar kryeministri më shumë dëgjoi sesa foli: për tokën, bujqësinë. Aty pushtetari takoi Hallin e zakonshëm.

Bujar Nishani në ditët e fundit si president ka dhënë disa konsiderata për zhvillimet politike në Shqipëri që kanë të bëjnë me akuzat ndaj Lulzim Bashës. Ai flet për një sulm të sofistikuar mediatik dhe politik kundër kryetarit të Partisë Demokratike për të goditur sipas tij jo vetëm Bashën si person por opozitën në Shqipëri.