Kryeministri njoftoi sot se për ata që dëshirojnë të japin kontribut për reformat e pretenduara, ata mund të shkruajnë në një adresë të posaçme. Kryeministri ka marrë shkas nga tre raste që kanë komunikuar me të, pikërisht për këtë qëllim.

Mirëpo nga njëra anë flitet për optimizëm për reformat në vend dhe frymën e re të 25 qershorit, nga ana tjetër raportohet se njerëzit teorikisht të kualifikuar në jurisprudencë, po i rrinë larg institucioneve të reformës në drejtësi.

Prania amerikane dhe interesi i SHBA në Ballkan mbetet i fortë dhe Uashingtoni nuk ka ndryshuar politikën për rajonin tha në një intervistë për gazetën greke "Kathimerini" zv/ndihmës sekretari i shtetit për çështjet e Evropës Juglindore, Hoyt Brian Yee. Ai thotë se çështja e ndjeshme e kufijve ekzistues është e përcaktuar dhe nuk është objekt diskutimi.

Prokuroria e Kavajës ka urdhëruar sekuestrimin e mbi 360 mijë metra katrorë truall në zonën bregdetare të Spillesë, e dyshuar si e përfituar në mënyrë të kundërligjshme. Në bazë të veprimeve hetimore të deritanishme të Prokurorisë së Kavajës, gjykata ka pranuar kërkesën për vendosjen e sekuestros mbi 4 parcela toke.

Situata e migracionit në hapësirën e BE-së po mbërrin në tensione ndërshtetërore. Kështu mediat bëjnë të ditur se Austria ka ndërmend të vendosë ushtrinë në kufirin me Italinë për të mos lejuar kalimin e emigrantëve nga gadishulli apenin drejt Europës Qendrore. 750 ushtarë thuhet se do të angazhohen në këtë operacion dhe mes tyre do të përfshihen edhe mjete të blinduara Pandur, lajm që zyrtarizohet nga ministri i Mbrojtjes, Hanspeter Doskozil.

Po të shkosh në Janinë është e pamundur të mos dëgjosh për sahatin e qytetit si një pikë takimi. Pak e dinë historinë e këtij sahati, kur u ndërtua, nga kush, dhe cila ishte vendndodhja e tij origjinale. Fillimisht kulla e sahatit ishte ndërtuar në veri të sheshit të sotëm në kryqëzimin me Rrugën Averof.

Korea e Veriut deklaron se ka kryer testimin e një rakete balistike ndërkontinentale e quajtur Hwasong – 14. Ajo u shfaq në paradën e fundit ushatarake dhe përbën befasinë e radhës për vëzhguesit e ndryshëm të këtij vendi. Shpesh është shtruar pyetja se nga vjen teknologjia e nevojshme për zhvillimin e këtyre armëve në një vend kaq të izoluar.

Për rastin e fundit, televizioni kombëtar njoftoi se lëshimi ishte i suksesshëm dhe se raketa udhëtoi 934 km dhe udhëtoi për 39 minuta. Ajo mund të godasë Alaskën në territory amerikan, por vetë SHBA-në apo Havain.

Presidenti i Komisionit Europian, Jean Claude Juncker, i ka dërguar një letër kryeministrit Edi Rama me rastin e fitores së zgjedhjeve të 25 qershorit. Një mandat për të vijuar reformat e nisura, kështu e lexon votën shqiptare Juncker, që shton se miratimi i tyre kërkon dialog konstruktiv ndërpartiak. Ai kërkon përpjekje të reja për miratimin e reformës në drejtësi, por edhe në luftën kundër drogës dhe kultivimit të saj. Juncker po ashtu vlerëson marrëveshjen me opozitën, të cilën e konsideron sit ë dobishme për vendin.

Ana Brnabiç, kryeministrja e re e Serbisë, ka deklaruar për hequr të gjitha dilemat rreth preferencave strategjike të qeverisë aktuale serbe. E pyetur nga “Bloomberg” ajo ka pranuar se nëse Serbia do të detyrohet të zgjedhë mes Rusisë dhe BE-së, do të zgjedhë këtë të fundit. “BE-ja është ajo ku po shkojmë. Ne kemi lidhje emocionale me Rusinë për shkak të traditës, kulturës dhe fesë. Ka shumë njerëz në Serbi që e perceptojnë Rusinë si vëllanë e madh, mbrojtësin tonë. Këto ndjenja nuk mund të nënvlerësohen, por drejtimi ynë strategjik është BE-ja”, është shprehur ajo. 

Ndodh që një bisedë me një mik të nxit të kujtosh njerëz dhe ngjarje të shkuara. Kështu më ndodhi këto ditë me zonjën Shuteriqi, të cilën e takova në Bibliotekën Kombëtare, në takimin e organizuar me rastin e 190-vjetorit të lindjes së Kristoforidhit. Biseda kishte të bënte me të shoqin, studiuesin dhe historianin e njohur të gjuhës shqipe, poetin dhe shkrimtarin, prof. Dhimitër Shuteriqin.

Genc Ruli, një figurë e vjetër në PD sheh Sali Berishën si njeriun që qëndron pas përpjekjes për të mbajtur Lulzim Bashën si kryetar të partisë. Ai thotë se ky perceptim ishte krijuar edhe në 2013-ën në garën që Basha pati me Sokol Olldashin, menjëherë pas dorëheqjes së Berishës. Në një intervistë për ABC News Ruli thotë se në 2013 u përdorën anëtarësime nga njerëz të LSI-së për të shtuar vota në mbështetje të Bashës. Kjo për shkakun se ai ishte i parapëlqyeri i Sali Berishës.