Presidenti i Republikës Ilir Meta ka dalë sot në një konferencë për shtyp ku ka zbuluar në fakt nivelin e tensionit dhe konflitualitetit që ka mbërthyer vendin. Në një komunikim me ton të pazakontë Meta ka propozuar si zgjidhje zhvillimin e zgjedhjeve të parakohshme më 13 tetor, nisur nga fakti se më 30 qershor shqiptarët refuzuan masivisht farsën elektorale.

Po kështu Meta ka përmendur thirrjet për dialog, ndërkohë që ka lexuar edhe sms sipas tij kërcënuese që kryeministri Rama i ka dërguar pasi opozita dogji mandatet. 

 Top-Channel publikon sot një shifër për votat e palvlefshme në Tiranë. Fjala është për zonën ku kandidonte ylli në ngjitje i Partisë Socialiste, Erion Veliaj. Nga rreth 171 mijë vota që u hodhën më 30 qershor, në 11 njësitë e Tiranës janë verifikuar 10 740 vota ta pavlefshme. Një shifër e cila nuk mund të konsiderohet për shkak të gabimeve, por si shprehje e vullnetit të zgjedhësve që janë detyruar të votojnë për një punë, apo për një problem tjetër të lidhur me pushtetin. 

Zgjedhjet dylekëshe të 30 Qershorit sado që mazhoranca është përpjekur t’i quajë Kushtetuese duke përdorur edhe Kolegjin Zgjedhor për t’i legjitimuar në kushtet kur Presidenti i shfuqizoi me dekret nuk qëndrojnë ngado që t’i kapësh. Politikisht të papranueshme, pasi i kanë dhënë mazhorancës pushtet absolut në qeverisjen vendore përfshi edhe këshillat bashkiakë, ndërsa juridikisht shumë të diskutueshme. KQZ u përdor si kamikaze e shumicës duke mos zbatuar dekretin e Presidentit, për të cilin ODIHR në raportin paraprak thotë se mund ta shyrtojë vetëm Gjykata Kushtetuese.

Misioni i OSBE-ODIHR nuk ka mundur të japë një përgjigje të thjeshtë nëse zgjedhjet e 30 qershorit 2019 ishin të lira dhe demokratike. Ambasadorja Glover u pyet konkretisht për këtë gjë, por i bishtnoi asaj duke u përgjigjur se një konstatim të tillë e jep raporti përfundimtar.

Zonja Glover nuk dinte se çfarë të thoshte edhe për sa i përket mospërputhjes së numrit të votave me numrin e votuesve në disa zona duke deklaruar se shpresonte në një hetim.

Kryesuesja e misionit vëzhgues të OSBE-ODIHR-it, Odry Glover prezantoi raportin e monitorimit për zgjedhjet vendore të një dite më parë. Sipas këtij raporti zgjedhjet lokale të 30 qershorit  u mbajtën pa marrë parasysh interesat e elektoratit.

Zonja Glover tha se në një klimë polarizimi politik zgjedhësit nuk patën mundësi reale për të zgjedhur mes opsioneve të ndryshme. ODIHR veçon faktin që në 31 bashki kandidatët e mazhorancës garuan pa kundërshtarë.

Presidenti Ilir Meta ka publikuar në faqen e vet në Facebook një video në të cilën duket votim i hapur dhe në grup. Nuk dihet ku është filmuar video, por Meta e shoqëron atë më një tekst që flet pë manipulim në votimet e 30 qershorit 2019: 

Rezultatet e deritanishme të numërimit në disa zona zgjedhore kanë provuar flagrancën e procesit të votimeve edhe në një aspekt tjetër. Në disa zona rezultojnë më shumë votues sesa janë në listë dhe që kanë votuar. Kështu në Urën Vajgurore, në Malësinë e Madhe, në Divjakë, Vorë, Memaliaj, Lushnje, Himarë, Bulqizë, votat e marra kërcejnë sipër numrit të zgjedhësve në listë që kanë votuar.

Votimet e së dielës përtej aspektit politik duket se po çalojnë edhe nga ana organizative ose thënë ndryshe standardet.

Në shumë Bashki, numri i votave rezulton më i madh se numri i votuesve, duke bërë që pjesëmarrja të vihet në dyshim.

KQZ përmes zëdhënëses ka sqaruar se të dhënat e publikuara janë informacione të siguruara në rrugë operative (me telefon) nga Komisionet e Qendrave të Votimit, duke ekspozuar mungesën e seriozitetit në lidhje me këtë proces.

Deklarata e Zëdhënëses

Kryeministri Edi Rama ka folur sot pas mbylljes së votimeve në një konferencë me entuziazëm të parapërgatitur në selinë e partisë që drejton. Duke parë termat që zoti Rama kishte zgjedhur, binte në sy përdorimi i shpeshtë i fjalës Popull, Komb, duke sinjalizuar se kryeministri i Shqipërisë ka hyrë në një fazë delirimi që përcakton padyshim fundin politik të afërt. Zoti Rama ka tagër përfaqësimi të qartë politik dhe ekzekutiv dhe askush nuk e ka nominuar atë si baba të kombit – nëse ka diçka të tillë – që të flasë në emër të ndjesive të të gjithëve. Por jo vetëm kaq.